ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມ ເຜີຍແຜ່ບົດລາຍງານແຫ່ງຊາດ ກ່ຽວກັບ ການຈັດຕັ້ງປະຕິບັດ ສົນທິສັນຍາ ວ່າດ້ວຍສິດທິເດັກ ປະຈຳໄລຍະ 3 ຫາ 6 (1996-2015) ແລະ ສອງອານຸສັນຍາເພິ່ມເຕີມ ຂອງສົນທິສັນຍາວ່າດ້ວຍ ສິດທິເດັກ ຂຶ້ນເມື່ອບໍ່ດົນມານີ້. ໃຫ້ກຽດຂຶ້ນບັນຍາຍເອກະສານ ໂດຍທ່ານ ນາງ ຈົງຈິດ ຈັນທະລານົນ ຮອງຫົວໜ້າຫ້ອງການກອງເລຂາຄະນະກໍາມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ມີບັນດາທ່ານ ຄະນະກົມ/ທຽບເທົ່າ, ຄະນະອໍານວຍການ ບໍລິສັດ ລັດວິສາຫະກິດ ພ້ອມດ້ວຍພະນັກງານ-ລັດຖະກອນ ອ້ອມຂ້າງກະຊວງ ປທສ ເຂົ້າຮ່ວມ.

ທ່ານ ປອ. ທັນສະໄໝ ກົມມະສິດ ລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ປທສ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ກຽດຕິຄຸນ ຊາດປະເສີດ ເອກອັກຄະຣາຊະທູດ ແຫ່ງຣາຊະອານາຈັກໄທ ປະຈໍາ ສປປ ລາວ. ໃນວັນທີ 29 ມິຖຸນາ ຜ່ານມານີ້, ທີ່ຫ້ອງຮັບແຂກກຊວງ ປທສ.

ເມື່ອບໍ່ດົນມານີ້ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມ “ເປີດກວ້າງຜ່ານຮ່າງກົດໝາຍ ວ່າດ້ວຍ ລາຍເຊັນເອເລັກໂຕຣນິກ” ໂດຍເປັນປະທານ ຂອງທ່ານ ທອງໃສ ຊານໄຊຍະ, ຮອງລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ພ້ອມດ້ວຍ ຄະນະກົມ, ຄະນະພະແນກ ແລະ ວິຊາການ ຈາກກະຊວງ ປທສ ແລະ ບັນດາກະຊວງ/ທຽບເທົ່າ ເຂົ້າຮ່ວມກອງປະຊຸມຢ່າງພ້ອມພຽງ, ກອງປະຊຸມຄັ້ງນີ້ ໄດ້ດໍາເນີນເປັນເວລາ 2 ວັນ ແຕ່ວັນທີ 12-13 ມິຖຸນາ ຜ່ານມາ ທີ່ແຂວງວຽງຈັນ.

ເມື່ຶອບໍ່ດົນມານີ້, ຄະນະບໍລິຫານງານຊາວໝຸ່ມ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ນຳໂດຍ ສະຫາຍ ວຽງວິໄລ ເສດຖານົນ ຄະນະບໍລິຫານງານຊາວໜຸ່ມກະຊວງ ປທສ ພ້ອມຄະນະຊາວໜຸ່ມໄດ້ມອບເຄື່ອງນຸ່ງຮົ່ມ ແລະ ອາຫານແຫ້ງ ລວມມູນຄ່າ 19.689.000 ກີບ ໃຫ້ແກ່ສູນກາງຊາວໜຸ່ມ ປະຊາຊົນປະຕິບັດລາວ (ສຊປລ) ເພື່ອແຈກຢາຍໃຫ້ປະຊາຊົນຢູ່ເຂດຊົນນະບົດ ແລະ ຫ່າງໄກສອກຫຼີກ ໂດຍສະເພາະເຂດທີ່ໄດ້ຮັບຜົນກະທົບຈາກອັກຄີໄພ ຢູ່ບ້ານສັນແຟນ, ເມືອງຄຳ, ແຂວງຊຽງຂວາງ ໃນວັນທີ 07 ພຶດສະພາ 2018. ຊຶ່ງເປັນກຽດຮັບໂດຍ ສະຫາຍ ສຸລິຍາ ແກ້ວພິລາວົງ ຫົວໜ້າກົມຂະບວນການ ສຊປລ ພ້ອມດ້ວຍຄະນະ.

ຄະນະກໍາມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ຮ່ວມກັບ ອົງການຈັດຕັ້ງ ຊາວໜຸ່ມ, ແມ່ຍິງ ແລະ ກໍາມະບານ ກະຊວງ ປທສ ໄດ້ຈັດພິທີສະເຫຼີມສະຫຼອງວັນເດັກສາກົນ (01 ມິຖຸນາ) ຂຶ້ນ ໃນຕອນເຊົ້າຂອງວັນທີ 01 ມິຖຸນາ 2018 ທີ່ສະຖາບັນເຕັກໂນໂລຊີການສື່ສານຂໍ້ມູນຂ່າວສານ ພາຍໃຕ້ການເປັນປະທານຂອງທ່ານ ທອງໃສ ຊານໄຊຍະ ຮອງເລຂາຄະນະພັກ, ຮອງລັດຖະມົນຕີ, ປະທານຄະນະກໍາມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ກະຊວງ ປທສ; ຊຶ່ງມີຄະນະໜ່ວຍ, ຄະນະກົມ/ທຽບເທົ່າ ແລະ 03 ອົງການຈັດຕັ້ງມະຫາຊົນ ( ຊາວໜຸ່ມ, ແມ່ຍິງ, ກໍາມະບານ ) ພ້ອມດ້ວຍລູກຫຼານພະນັກງານ ຈາກບັນດາກົມ/ທຽບເທົ່າ ອ້ອມຂ້າງກະຊວງ ປທສ ເຂົ້າຮ່ວມຢ່າງພ້ອມພຽງ.

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມເຜີຍແຜ່ນິຕິກໍາກ່ຽວກັບວຽກງານກໍ່ສ້າງພັກ-ພະນັກງານ ຂຶ້ນໃນວັນທີ 29 ພຶດສະພານີ້. ພາຍໃຕ້ການເປັນປະທານຂອງ ສະຫາຍ ທອງໃສ ຊານໄຊຍະ ຮອງເລຂາຄະນະພັກ, ຮອງລັດຖະມົນຕີກະຊວງ ປທສ, ມີບັນດາສະຫາຍຄະນະປະຈໍາພັກ, ຄະນະພັກກະຊວງ, ຄະນະພັກຮາກຖານ, ຄະນະໜ່ວຍພັກ ແລະ ສະມາຊິກພັກອ້ອມຂ້າງກະຊວງເຂົ້າຮ່ວມ. ການເຜີຍແຜ່ນິຕິກໍາໃນຄັ້ງນີ້ ກໍ່ເພື່ອໃຫ້ຄະນະພັກ, ສະມາຊິກ-ພະນັກງານ ຫຼັກແຫຼ່ງອ້ອມຂ້າງກະຊວງ ໄດ້ຮັບຮູ້, ເຊື່ອມຊຶມ ແລະ ເຂົ້າໃຈຢ່າງຖືກຕ້ອງ, ເລິກເຊິ່ງ, ມີຄວາມເປັນເອກະພາບ ແລະ ມີປະສິດທິພາບ ໃນການຜັນຂະຫຍາຍ ແລະ ຈັດຕັ້ງປະຕິບັດ ບັນດານິຕິກໍາດັ່ງກ່າວ ໂດຍສະເພາະ

ເມື່ອບໍ່ດົນມານີ້, ກົມຄື້ນຄວາມຖີ່, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ຮ່ວມກັບກະຊວງ ວິທະຍາສາດ ແລະ ໄອຊີທີ ສ.ເກົາຫຼີ (Ministry of Science and ICT of the Republic of Korea) ໄດ້ຈັດກອງປະຊຸມສໍາມະນາຂຶ້ນໃນຫົວຂໍ້: ‘ການບໍລິຫານຈັດການຄື້ນຄວາມຖີ່ ແລະ ການແລກປ່ຽນຂໍ້ມູນຂ່າວສານ’ ທີ່ກົມຄື້ນຄວາມຖີ່ ເພື່ອເປັນການສ້າງຄວາມຮູ້, ຄວາມເຂັ້ມແຂງທາງດ້ານວຽກງານ ຄື້ນຄວາມຖີ່ໃຫ້ກັບພະນັກງານ ວິຊາການກະຊວງ ປທສ ໂດຍສະເພາະກໍ່ແມ່ນພະນັກງານກົມຄື້ນຄວາມຖີ່ ຊຶ່ງໄດ້ເນັ້ນໃສ່ການລົງຝຶກຕົວຈິງ ແລະ ແລກປ່ຽນບົດຮຽນລະຫວ່າງນັກສໍາມະນາກອນ ແລະ ຄູຝຶກ ທີ່ມາຈາກກະຊວງ ວິທະຍາສາດ ແລະ ໄອຊີທີ ສ.ເກົາຫຼີ.

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມເຜີຍແຜ່ ຄໍາແນະນໍາຂອງລັດຖະມົນຕີກ່ຽວກັບລະບຽບ ການແຕ່ງຕັ້ງລັດຖະກອນ ດໍາລົງຕໍາແໜ່ງບໍລິຫານ ປະເພດຕ່າງໆ ຂອງຂະແໜງ ປທສ, ສະບັບເລກທີ 3578/ປທສ, ລົງວັນທີ 30 ພະຈິກ 2017 ຂຶ້ນເມື່ອບໍ່ດົນມານີ້, ທີ່ຫ້ອງປະຊຸມໃຫຍ່ກະຊວງ ປທສ. ໂດຍການເປັນປະທານຂອງທ່ານ ຄໍາພູ ດວງຖະໜອມ ຫົວໜ້າກົມຈັດຕັ້ງ-ພະນັກງານ ມີບັນດາຄະນະກົມ/ທຽບເທົ່າ ພ້ອມດ້ວຍພະນັກງານວິຊາການ ຜູ້ຮັບຜິດຊອບວຽກຈັດຕັ້ງເຂົ້າຮ່ວມ.