ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 658
  • ມື້ວານ1,139
  • ອາທິດນີ້5,195
  • ອາທິດກ່ອນ8,573
  • ເດືອນນີ້24,884
  • ເດືອນກ່ອນ29,097
  • ທັງໝົດ168,546
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ເປີດກອງປະຊຸມຮຽບຮຽງຄືນກົດໝາຍ 2 ສະບັບ

ກະຊວງ ໄປສະນີ, ໂທລະຄົມມະນາຄົມ ແລະການສື່ສານ (ປທສ) ຮ່ວມກັບສະພາແຫ່ງຊາດ ໄດ້ຈັດກອງປະຊຸມຮຽບຮຽງກົດໝາຍວ່າດ້ວຍ ຄື້ນຄວາມຖີ່ວິທະຍຸສື່ສານ ແລະ ກົດໝ່າຍວ່າດ້ວຍ ການປົກປ້ອງຂໍ້ມູນເອເລັກໂຕຣນິກ ຂື້ນໃນວັນທີ 12 ມີຖຸນາ ທີ່ຜ່ານມານີ້, ທີ່ເມືອງແກ້ວອຸດົມ ແຂວງວຽງຈັນ. ໂດຍການເປັນປະທານຂອງ ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີກະຊວງ ປທສ, ທ່ານ ບຸນປອນ ສີສຸລາດ ປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ, ທ່ານ ສາຍທອງ ແກ້ວດວງດີ, ປະທານ ກຳມາທິການກົດໝາຍ ສະພາແຫ່ງຊາດ, ມີບັນດາພະນັກງານຈາກສະພາແຫ່ງຊາດ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ອ່ານເພີ່ມເຕີມ...

ປທສ ປະກາດແຕ່ງຕັ້ງ ແລະຊັບຊ້ອນຂັ້ນຫົວໜ້າກົມ/ທຽບເທົ່າກົມໃໝ່

ພິທີປະກາດການແຕ່ງຕັ້ງ ແລະຊັບຊ້ອນ ຂັ້ນຫົວໜ້າກົມ/ທຽບເທົ່າກົມ ພາຍໃນກະຊວງ ໄປສະນີ ໂທລະຄົມມະນາຄົມ ແລະການສື່ສານ (ປທສ) ໄດ້ຈັດຂຶ້ນໃນວັນທີ 09 ມິຖຸນາ ຜ່ານມານີ້, ທີ່ ຫ້ອງປະຊຸມຊັ້ນ 1 ຂອງສະຖາບັນເຕັກໂນໂລຊີ ການສື່ສານຂໍ້ມູນຂ່າວສານ. ໂດຍການເປັນປະທານຂອງ ທ່ານ ທອງໃສ ຊານໄຊຍະ ຮອງລັດຖະມົນຕີກະຊວງ ປທສ, ມີບັນດາຫົວໜ້າກົມ, ຮອງກົມ ແລະພະນັກງານອ້ອມຂ້າງກະຊວງເຂົ້າຮ່ວມ.
ອ່ານເພີ່ມເຕີມ...

ກອງປະຊຸມລັດຖະມົນຕີ ໄອຊີເອັມ 2017

ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ປທສ) ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມລະດັບລັດຖະມົນຕີ ໄອຊີເອັມ (the Ministerial Forum on ICM 2017) ທີ່ປະເທດ ສິງກະໂປ, ໃນລະຫວ່າງວັນທີ 22-23 ພຶດສະພາ 2017 ທີ່ຈັດຂຶ້ນໂດຍ ອົງການດັດສົມໂທລະຄົມສິງກະໂປ (IDA),. ພາຍໃຕ້ການເປັນປະທານຂອງ ທ່ານ Yaacob Ibrahim ລັດຖະມົນຕີກະຊວງ ຂໍ້ມູນຂ່າວສານ ແລະ ການສື່ສານ. ມີການເຂົ້າຮ່ວມຂອງ ບັນດາລັດຖະມົນຕີຈາກ 13 ປະເທດ ໃນຂົງເຂດອາຊີປາຊິຟິກ ແລະ ອົງການຈັດຕັ້ງພາກພື້ນ ເຊັ່ນ: ອົງການໂທລະຄົມມະນາ ຄົມອາຊີປາຊີຟິກ (APT), ຕາງໜ້າກອງເລຂາອາຊຽນ ແລະ ຊ່ຽວຊານຈາກ ສະພາເສດຖະກິດສາກົນ (WEF). ກອງປະຊຸມລັດຖະມົນຕີ ໄອຊີເອັມ 2017 ຈັດຂື້ນພາຍໃຕ້ຄໍາຂວັນ “ຄວາມກ້າວໜ້າຂອງຍຸກເສດຖະກິດດິຈິຕອນ”, ຊຶ່ງຫົວຂໍ້ດັ່ງກ່າວ ແມ່ນປະເດັນທີ່ທົ່ວໂລກກໍາລັງໃຫ້ຄວາມສົນໃຈຕໍ່ກັບການຫັນປ່ຽນໄປສູ່ເສດຖະກິດຍຸກດິຈິຕອນ.
ອ່ານເພີ່ມເຕີມ...

ປທສ ດຳເນີນຊີວິດການເມືອງປັບປຸງປົວແປງພາຍໃນພັກ

ກອງປະຊຸມດຳເນີນຊີວິດການເມືອງປັບປຸງປົວແປງພາຍໃນພັກ ຂອງອົງຄະນະພັກກະຊວງ ປທສ ປະຈຳປີ 2017 ໄດ້ໄຂຂື້ນໃນຕອນເຊົ້້າຂອງວັນທີ 30 ພຶດສະພາທີ່ຜ່ານມາ ຢູ່ທີ່ຫ້ອງປະຊຸມໃຫຍ່ ກະຊວງ ປທສ, ພາຍໃຕ້ການເປັນປະທານຂອງ ສະຫາຍ ທັນສະໄໝ ກົມມະສິດ, ກຳມະການສູນກາງພັກ, ເລຂາຄະນະພັກກະຊວງ ປທສ,ລັດຖະມົນຕີກະຊວງ ປທສ. ໂດຍໃຫ້ກຽດເຂົ້າຮ່ວມ ຂອງສະຫາຍ ຈັນສະໝອນ ຈັນຍະລາດ, ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ; ມີສະຫາຍຮອງລັດຖະມົນຕີ, ຄະນະພັກກະຊວງ ປທສ ແລະ ສະມາຊິກພັກສົມບູນເຂົ້້າຮ່ວມ.
ອ່ານເພີ່ມເຕີມ...

ປທສ ສະເຫຼີມສະຫຼອງວັນເດັກນ້ອຍສາກົນ

ເມື່ອບໍ່ດົນມານີ້, ກະຊວງ ໄປສະນີ,ໂທລະຄົມມະນາຄົມ ແລະການສື່ສານ (ປທສ) ໄດ້ຈັດພິທີສະເຫຼີມສະຫຼອງວັນເດັກນ້ອຍສາກົນ ຂຶ້ນທີ່ສະຖາບັນເຕັກໂນໂລຊີສື່ສານຂໍ້ມູນຂ່າວສານ. ມີເດັກພ້ອມດ້ວຍຜູ້ປົກຄອງ ແລະ ພະນັກງານອ້ອມຂ້າງກະຊວງເຂົ້າຮ່ວມ.
ອ່ານເພີ່ມເຕີມ...

ປທສ ຈັດຝຶກອົບຮົມໃຫ້ແກ່ລັດຖະກອນໃໝ່.

ກະຊວງໄປສະນີ, ໂທລະຄົມມະນາຄົມ ແລະການສື່ສານ (ປທສ) ໄດ້ເປີດພິທີຝຶກອົບຮົມໃຫ້ແກ່ລັດຖະກອນໃໝ່ ໃນວັນທີ 29 ພຶດສະພາ ຜ່ານມານີ້, ທີ່ສະຖາບັນເຕັກໂນໂລຊີສື່ສານຂໍ້ມູນຂ່າວສານ. ພິທີຈັດຊຸດຝຶກອົບຮົມໃນຄັ້ງນີ້ໄດ້ດໍາເນີນໄປເປັນເວລາ 3 ວັນ ລະຫວ່າງວັນທີ 29-31 ພຶດສະພາ 2017. ເປັນກຽດກ່າວເປີດພີທີໂດຍ ທ່ານ ຄໍາພູ ດວງຖະໜອມ ຫົວໜ້າກົມຈັດຕັ້ງ-ພະນັກງານ ກະຊວງ ປທສ, ໂດຍມີນັກວິທະຍາກອນຈາກ ສະຖາບັນຄົ້ນຄວ້າວິທະຍາສາດ ການປົກຄອງ ແລະຝຶກອົບຮົມ, ກະຊວງ ພາຍໃນ 3 ທ່ານ ແລະມີນັກສໍາມະກອນເຂົ້າຮ່ວມຝຶກອົບຮົມ ລວມທັງໝົດ 32 ທ່ານ.
ອ່ານເພີ່ມເຕີມ...

ປທສ ເຜີຍແຜ່ຄວາມຮູ້ດ້ານໄອຊີທີໃຫ້ແກ່ນັກສຶກສາ

ກະຊວງ ໄປສະນີ ໂທລະຄົມມະນາຄົມ ແລະການສື່ສານ ຮ່ວມກັບ ລັດວິສາຫະກິດ ລາວໂທລະຄົມ ໄດ້ຈັດງານ ກິດຈະກຳເຜີຍແຜ່ຄວາມຮູ້ດ້ານໄອຊີທີໃຫ້ແກ່ນັກສຶກສາພາຍໃນສະຖາບັນເຕັກໂນໂລຊີສື່ສານຂໍ້ມູນຂ່າວສານ (ICT), ໃນເມື່ອບໍ່ດົນມານີ້, ທີ່ສະຖາບັນດັ່ງກ່າວ. ໂດຍການເປັນປະທານຂອງ ທ່ານ ທະວີສັກ ມະໂນທັມ, ຫົວໜ້າກົມ ເຕັກໂນໂລຊີການສື່ສານ ຂໍ້ມູນຂ່າວສານ, ກະຊວງ ປທສ ແລະ ທ່ານ ສຸພອນ ປັນຍາດາ, ຫົວໜ້າ ຝ່າຍສະໜັບສະໜູນ ນະຄອນຫຼວງ, ລັດວິສາຫະກິດ ລາວໂທລະຄົມ, ມີພາກສ່ວນທີ່ກ່ຽວຂ້ອງເຂົ້າຮ່ວມ.
ອ່ານເພີ່ມເຕີມ...

ປທສ ຈັດກິດຈະກໍາປູກຕົ້ນໄມ້ ແລະ ປ່ອຍປາ.

ໃນວັນທີ 1 ມີຖຸນາ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີປູກຕົ້ນໄມ້ ໃນໂອກາດວັນປູກຕົ້ນໄມ້ແຫ່ງຊາດຂື້ນ ທີ່ສະຖານີດາວທຽມລາວ ທີ່ບ້ານໄຮ່, ເມືອງຫາດຊາຍຟອງ, ນະຄອນຫຼວງວຽງຈັນ (ຫຼັກ 14) ໂດຍການເຂົ້າຮ່ວມຂອງ ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີ ກະຊວງ ປທສ ມີບັນດາຄະນະກົມ ພ້ອມດ້ວຍພາກສ່ວນຕ່າງໆອ້ອມຂ້າງເຂົ້າຮ່ວມ.
ອ່ານເພີ່ມເຕີມ...