ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ສປປ ລາວ ຕ້ອນຮັບລັດຖະມົນຕີກະຊວງຖະແຫຼ່ງຂ່າວ ແລະ ການສື່ສານ ສສ ຫວຽດນາມ

13/03/2019

ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ສປປ ລາວ  ຕ້ອນຮັບລັດຖະມົນຕີກະຊວງຖະແຫຼ່ງຂ່າວ ແລະ ການສື່ສານ ສສ ຫວຽດນາມ

ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ສປປ ລາວ

ຕ້ອນຮັບລັດຖະມົນຕີກະຊວງຖະແຫຼ່ງຂ່າວ ແລະ ການສື່ສານ ສສ ຫວຽດນາມ

     ນະຄອນຫຼວງວຽງຈັນ, ໃນວັນທີ 12 ມີນາ 2019 ທີ່ຫ້ອງຮັບແຂກ VIP ກະຊວງການເງິນ ສປປ ລາວ, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ສປປ ລາວ  ພ້ອມດ້ວຍ ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີກະຊວງ ໄປສະນີໂທລະຄົມມະນາຄົມ ແລະ ການສື່ສານ (ປທສ) ມີຫົວໜ້າກົມ,  ຮອງກົມຮອງຫົວໜ້າຫ້ອງການກະຊວງ   ແລະ  ຄະນະທີ່ກ່ຽວຂ້ອງ  ໄດ້ໃຫ້ກຽດຕ້ອນຮັບການເຂົ້າ

ຢ້ຽມຂໍ່ານັບຂອງ​ທ່ານ ຫງຽນ ແມງ ຮຸ່ງ (Mr. Nguyen Manh Hung) ລັດຖະມົນຕີກະຊວງຖະແຫຼ່ງຂ່າວ ແລະ ການສື່ສານ (MIC) ສສ ຫວຽດນາມ,​ ພ້ອມດ້ວຍຄະນະເນື່ອງໃນໂອກາດເດີນທາງມາຢ້ຽມຢາມເຮັດວຽກຢູ່ ສປປ ລາວ ແລະ ເຂົ້າຮ່ວມກອງປະຊຸມການຮ່ວມມືດ້ານວຽກງານ ໄອຊີທີ ສອງຝ່າຍທີ່ນະຄອນຫຼວງວຽງຈັນ, ໃນລະຫວ່າງວັນທີ 11-13 ມີນາ 2019.

     ຈຸດປະສົງການເຂົ້າຢ້ຽມຂໍ່ານັບໃນຄັ້ງນີ້, ກໍ່ເພື່ອເພີ່ມທະວີການຮ່ວມມືສອງຝ່າຍໃນວຽກງານ ໄອຊີທີ ແລະ ທົບທວນຄືນຜົນການຈັດຕັ້ງປະຕິບັດການລົງນາມບົດບັນທຶກກອງປະຊຸມ ແຜນການຮ່ວມມື (MOM) ຮ່ວມມືກັນ ໃນໄລຍະຜ່ານມາ ແລະ ແຜນການຮ່ວມມືໃນຕໍ່ໜ້າ, ທັງເປັນການຂໍທິດຊີ້ນໍາຕໍ່ກັບແຜນການຮ່ວມມືໃນຕໍ່ໜ້າຂອງ ການຮ່ວມມືສອງຝ່າຍສອງກະຊວງ ໂດຍສະເພາະການຮ່ວມມືໃນຂະແໜງການໄປສະນີ, ໂທລະຄົມມະນາຄົມ ແລະ ການສືສານ (ປທສ) ໃຫ້ປະກົດຜົນເປັນຈິງເປັນກ້າວໆ.

     ໂອກາດນີ້, ທ່ານ ສົມດີ ດວງດີ ໄດ້ສະແດງຄວາມຍິນດີ ແລະ ໃຫ້ການຕ້ອນຮັບຢ່າງອົບອຸ່ນຕໍ່ຄະນະທ່ານ ຫງຽນ ແມງ ຮຸ່ງ (Mr. Nguyen Manh Hung) ພ້ອມດ້ວຍຄະນະ, ພ້ອມທັງໄດ້ຕີລາຄາ​ສູງ​ຕໍ່​ການ​ຮ່ວມ​ມື​ອັນສະໜິດແໜ້ນລະຫວ່າງ​ສອງ​ປະ​ເທດລາວ-ຫວຽດນາມ; ລັດຖະບານ​ກໍ່​ຄືປະຊາຊົນ​ສອງ​ຊາດ​ ຍາມ​ໃດ​ກໍ່​​ໄດ້ສະ​ແດງ​ຄວາມ​ມີ​ນ້ຳ​ໃຈ​ໄມ​ຕີ​ຈິດ ​ແລະ ການ​ຊ່ວຍ​ເຫຼືອ​ເຊິ່ງກັນ ​ແລະ ກັນ. ການ​ນຳ​ຂັ້ນ​ສູງຂອງ​ສອງ​ປະ​ເທດກໍ່​ໄດ້​ມີ​ການພົບ​ປະ, ຢ້ຽມຢາມ​ຊຶ່ງ​ກັນຢ່າງອົບອຸ່ນ ຊຶ່ງ​ເປັນ​ການປະກອບສ່ວນຮັດແໜ້ນມິດຕະພາບ, ການຮ່ວມມືກັນຢ່າງໃກ້ຊິດ ກໍ່​ຄືໃນວຽກງານໄປສະນີ, ໂທລຄົມມະນາຄົມ ແລະ ເຕັກໂນໂລຊີການສື່ສານຂໍ້ມູນຂ່າວສານ (ICT) ຂອງສອງປະເທດ. ຊຶ່ງປັດຈຸບັນນີ້ ICT ແມ່ນ​ມີ​ການ​ພັດທະນາ​ຢ່າງວ່ອງໄວ ໂດຍ​ປະ​ເທດ​ໃດໆ​ກໍ່​ຕ້ອງ​ນຳ​ໃຊ້ ICT ​ແຕ່​ພວກ​ເຮົາ​ຕ້ອງ​ຮູ້​ນຳ​ໃຊ້​ເພື່ອ​ໃຫ້​ເປັນ​ກຳລັງ​ຂັບ​ເຄື່ອນເສດຖະກິດ-ສັງຄົມ. ນອກນີ້, ທ່ານຍັງກ່າວອີກວ່າ: ທັງສອງຝ່າຍຈົ່ງຮ່ວມມືຈັດຕັ້ງ ປະຕິບັດໃຫ້ໄດ້ຮັບຜົນດີເລື້ອຍໆໄປ ໂດຍສະເພາະການຊ່ວຍເຫຼືອ ຂອງ ສສ ຫວຽດນາມໃນການສ້າງບຸກຄະລາກອນ ດ້ານ ICT ຂອງລາວ ແລະ ສ້າງລະ ບົບຄຸ້ມຄອງ ICT ຂອງລາວໃຫ້ທັນສະໄໝເທື່ອລະກ້າວ.

     ລັດຖະບານ​ແຫ່ງ ສປປ ລາວ​ ຖື​ວ່າການ​ພັດທະນາ​ການ​ນຳ​ໃຊ້​ ICT​ ແມ່ນ​ບຸລິ​ມະ​ສິດ​ໜຶ່ງ​ໃນ​ນະ​ໂຍບ​າຍຂອງ​ລັດຖະບານ, ຊຶ່ງຈຳເປັນຕ້ອງໄດ້ສ້າງໂຄງລ່າງພື້ນຖານ ICT ໃຫ້ກວ້າງຂວາງ ແລະ ມີຄຸນນະພາບ, ຄຽງຄູ່ກັັບການສ້າງບຸກຄະລາກອນດ້ານ ICT ໃຫ້ໄດ້ຫຼາຍທີ່ສຸດເພື່ອຊຸກຍູ້ສົ່ງເສີມການນຳໃຊ້ ICT ໃນທຸກຂະແໜງການ. ສປປ ​ລາວ ​ແລະ ສສ ຫວຽດ​ນາມເປັນ​ປະ​ເທດ​ເພື່ອນມິດພິເສດ ມີ​ມູນ​ເຊື້ອ​ຮ່ວມ​ມື ​ແລະ ຊ່ວຍ​ເຫຼືອ​ກັນ​ມາ​ແຕ່​ດົນ​ນານ, ພວກ ເຮົາກໍ່ເຫັນໄດ້ວ່າ ສສ. ຫວຽດນາມ ໄດ້ມີການພັດທະນານຳໃຊ້ ICT ເຂົ້າໃນທຸກຂະແໜງການຢ່າງວ່ອງໄວ ອັນເຮັດ ໃຫ້ເສດຖະກິດຂອງປະເທດຂະຫຍາຍໂຕສູງ ແລະ ມີຄວາມຍືນຍົງ​.

     ໃນຂະນະດຽວກັນ, ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີກະຊວງ ປທສ ກໍ່ໄດ້ລາຍ ງານວ່າໃນໂອກາດການມາຢ້ຽມຢາມເຮັດວຽກຄັ້ງນີ້,​ ທັງສອງກະຊວງໄດ້ມີ​ການ​ປຶກສາ​ຫາລື​ຫຼາຍ​ບັນຫາ​ເພື່ອ​ໃຫ້ການ​ຮ່ວມ​ມື​ລະຫວ່າງສອງ​ກະຊວງມີ​ການ​ຂະຫຍາຍຕົວ ​ແລະ ນຳ​ຜົນ​ປະ​ໂຫຍ​ດມ​າ​ໃຫ້​ສອງ​ປະ​ເທດ.

     ໃນນາມຂອງລັດຖະບານແຫ່ງ ສປປ ລາວ ທ່ານຮອງນາຍົກລັດຖະມົນຕີ ກໍ່ໄດ້ສະແດງຂອບໃຈມາຍັງລັດ ຖະບານຫວຽດນາມເວົ້າລວມ, ເວົ້າສະເພາະກໍ່ແມ່ນກະຊວງຖະແຫຼ່ງຂ່າວ ແລະ ຂໍ້ມູນຂ່າວສານ, ສສ ຫວຽດນາມທີ່ ໃຫ້ການຊ່ວຍເຫຼືອສະໜັບສະໜູນ ວຽກງານ ICT ຂອງ ສປປ ລາວຕະຫຼອດມາ.

     ຕອນທ້າຍທ່ານຮອງນາຍົກ ກໍ່ໄດ້ອວຍພອນໃຫ້ ທ່ານ ຫງຽນ ແມງ ຮຸ່ງ ​ ພ້ອມດ້ວຍຄະນະ, ຈົ່ງເຄື່ອນ ໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ໃຫ້ໄດ້ຮັບຜົນສຳເລັດອັນຈົບງາມ.

 

ວາ​ລະ​ສານ ໄອ​ຊີ​ທີ
ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ