ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 89
  • ມື້ວານ1,703
  • ອາທິດນີ້7,118
  • ອາທິດກ່ອນ6,393
  • ເດືອນນີ້18,079
  • ເດືອນກ່ອນ33,258
  • ທັງໝົດ334,169
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ຮອງລັດຖະມົນຕີ ກະຊວງ ປທສ ສໍາເລັດການຢ້ຽມຢາມ ບໍລິສັດ ໄມໂຄຣຊອບ ສປ ສິງກະໂປ.

ໂດຍອີງຕາມ ການເຊື້ອເຊີນຂອງບໍລິສັດ ໄມໂຄຣຊອບ, ທ່ານ ບຸນສະເຫລີມໄຊ ເຄນນາວົງ, ຮອງລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ປທສ), ພ້ອມດ້ວຍຄະນະ 12 ທ່ານ ໄດ້ເດີນທາງໄປຢ້ຽມຢາມ ບໍລິສັດ ໄມໂຄຣຊອບ ທີ່ປະເທດ ສິງກະໂປ ໃນເມື່ອບໍ່ດົົນມານີ້.

ໃນກາຮຢ້ຽມຢາມຄັ້ງນີ້, ຮອງ ລັດຖະມົນຕີ ກະຊວງ ປທສ ໄດ້ຢ້ຽມຊົມລະບົບຊອບແວ ຄລາວຄອມພິວຕິ້ງ ຢູ່ສູນຂໍ້ມູນ ຂອງບໍລິສັດ ໄມໂຄຣຊອບ ແລະ ກໍໄດ້ສະເຫນີ ໃຫ້ທາງ ບໍລິສັດ ໄມໂຄຣຊອບ ພິຈາລະນາຮັບຮອງເອົາຕົວອັກສອນເພັດສະຣາດ (Phetsarath OT) ທີ່ເປັນຕົວອັກສອນມາດຕະຖານ ແຫ່ງຊາດ ເຂົ້າໃນບັນດາ ລະບົບປະຕິບັດການ ແລະ ຊອບແວ ອື່ນໆ ທີ່ເປັນຜະລິດຕະພັນສິນຄ້າ ຂອງໄມໂຄຣຊອບ ເພື່ອໃຫ້ ສິນຄ້າດັ່ງກ່າວສາມາດສະແດງພາສາລາວ ແລະ ແປ້ນພິມພາສາລາວໄດ້ຢ່າງຖືກຕ້ອງ.

ເພື່ອເປັນການຜັນຂະຫຍາຍບົດບັນທຶກຄວາມເຂົ້າໃຈ (MOU) ລະຫວ່າງ ກະຊວງ ປທສ, ກະຊວງ ສຶກສາທິການ ແລະ ກິລາ ແລະ ບໍລິສັດ ໄມໂຄຣຊອບ ທີ່ໄດ້ລົງນາມກັນ ໃນເດືອນ 09/2016 ທີ່ຜ່ານມານັ້ນ, ພ້ອມກັນນັ້ນ ກໍໄດ້ປຶກສາເລື່ອງການພັດທະນາຊັບພະຍາກອນມະນຸດ ໂດຍການສະເຫນີ ໃຫ້ບໍລິສັດ ໄມໂຄຣຊອບ ເປີດສູນຝຶກ ແລະ ສະຫນອງຫລັກສູດການຝຶກ ທີ່ກ່ຽວຂ້ອງກັບຂະແຫນງ ICT ຢູ່ທີ່ສະຖາບັນ ເຕັກໂນໂລຊີການສື່ສານຂໍ້ມູນຂ່າວສານ (ສະຖາບັນ ICT) ທີ່ຂື້ນກັບກະຊວງ ປທສ .

ໃນຂະນະດຽວກັນ, ບໍລິສັດ ໄມໂຄຣຊອບ ຍັງເຫັນດີໃຫ້ການຮ່ວມມືສະຫນອງຂໍ້ມູນທີ່ກ່ຽວຂ້ອງກັບບັນດາ ການແຜ່ກະຈາຍຂອງຄອມພິວເຕີວິຣຸສ ແລະ ການໂຈມຕີທາງໄຊເບີ ໃນແກ່ສູນສະກັດກັ້ນ ແລະ ແກ້ໄຂເຫດການສຸກເສີນທາງຄອມພິວເຕີ (ສູນ LAOCERT) ເພື່ອເປັນຂໍ້ມູນອ້າງອີງໃນການຮັບມື ແລະ ເຜີຍແຜ່ຂໍ້ມູນແຈ້ງເຕືອນ ທີ່ກ່ຽວຂ້ອງກັບການນໍາໃຊ້ ICT ໃຫ້ປອດໄພ ໂດຍມອບໃຫ້ ສູນ Microsoft Digital Crimes Unit ເປັນຜູ້ຈັດຕັ້ງປະຕິບັດ.

ໃນໂອກາດຄັ້ງນີ້, ທ່ານ ຮອງລັດຖະມົນຕີ ກະຊວງ ປທສ ພ້ອມດ້ວຍຄະນະ ກໍ່ໄດ້ສະແດງຄວາມຂອບໃຈ ຕໍ່ບໍລິສັດ ໄມໂຄຣຊອບ ທີ່ໄດ້ຮ່ວມກັບ ບໍລິສັດ Top Value Service ທີ່ເປັນບໍລິສັດຕົວແທນຈໍາຫນ່າຍ ໃນສປປລາວ ເຂົ້າຮ່ວມງານ Lao ICT Expo 2016 ໃນຕົ້ນເດືອນທັນວາ 2016 ທີ່ຜ່ານມາ, ເຊິ່ງເຫັນວ່າ ມວນຊົນຈໍານວນຫລາຍ ກໍ່ໄດ້ໃຫ້ຄວາມສົນໃຈ ຕໍ່ກັບຜະລິດຕະພັນສິນຄ້າຂອງ ໄມໂຄຣຊອບ ແລະ ໄດ້ເຊື້ອເຊີນ ບໍລິສັດ ໄມໂຄຣຊອບ ໃຫ້ການຮ່ວມມື ແລະ ສືບຕໍ່ເຂົ້າຮ່ວມງານ Lao ICT Expo 2017, ເຊິ່ງກະຊວງ ປທສ ໄດ້ວາງແຜນຈະຈັດຂື້ນ ໃນທ້າຍປີ 2017 ນີ້.

ໂດຍ: ຫ້ອງການ, ພະແນກປະຊາສຳພັນ.