ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 712
  • ມື້ວານ2,227
  • ອາທິດນີ້4,426
  • ອາທິດກ່ອນ6,630
  • ເດືອນນີ້25,743
  • ເດືອນກ່ອນ31,045
  • ທັງໝົດ200,450
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ຖະແຫຼ່ງຂ່າວງານປະກວດ Lao ICT Award 2017

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີຖະແຫຼ່ງຂ່າວ ກ່ຽວກັບການຈັດງານປະກວດ Lao ICT Award 2017 ຂຶ້ນ ໃນວັນທີ 14 ມີນາ 2017 ນີ້, ທີ່ ຫ້ອງປະຊຸມຊັ້ນ 1, ສະຖາບັນ ໄປສະນີ, ໂທລະຄົມມະນາຄົມ ແລະ ການສື່ສານ. ເປັນກຽດຖະແຫຼ່ງຂ່າວໂດຍ: ທ່ານ ປອ. ທະວີສັກ ມະໂນທໍາ, ຫົວໜ້າກົມເຕັກໂນໂລຊີຂໍ້ມູນຂ່າວສານ, ກະຊວງ ປທສ, ມີບັນດາແຂກທີ່ຖືກເຊີນຈາກພາກສ່ວນຕ່າງໆເຂົ້າຮ່ວມ.

ທ່ານ ປອ. ທະວີສັກ ມະໂນທໍາ ໄດ້ກ່າວໃນພິທີຖະແຫຼ່ງຂ່າວໃນຄັ້ງນີ້ວ່າ: ເພື່ອປະຕິບັດຕາມພາລະບົດບາດໃນການສົ່ງເສີມ ການພັດທະນາວຽກງານເຕັກໂນໂລຊີສື່ສານ-ຂໍ້ມູນຂ່າວສານ (ໄອຊີທີ), ກະຊວງ ປທສ ຈຶ່ງເປັນເຈົ້າພາບຈັດງານປະກວດການແຂ່ງຂັນທາງດ້ານໄອຊີທີລາວ ຫຼືເອີ້ນວ່າ Lao ICT Award 2017 ຊຶ່ງງານປະກວດຮອບສຸດທ້າຍ ແລະ ປະກາດຜົນລາງວັນ ຈະໄດ້ຈັດຂຶ້ນໃນຕົ້ນເດືອນ ມິຖຸນາ 2017 ທີ່ຈະມາເຖິງ. ຈຸດປະສົງໃນການປະກວດຄັ້ງນີ້ ແມ່ນເພື່ອສົ່ງເສີມໃຫ້ນັກຮຽນ-ນັກສຶກສາ, ນັກຄົ້ນຄວ້າຈາກຂະແໜງການພາກລັດ, ພາກເອກະຊົນ ກໍ່ຄືບັນດາບໍລິສັດ ແລະ ທຸກຄົນໃນສັງຄົມລາວ ໄດ້ມີໂອກາດສະແດງຄວາມສາມາດໃນການພັດທະນາເຕັກໂນໂລຊີ ດ້ານ ICT ກໍ່ຄືຜະລິດຕະພັນ, ການບໍລິການ ແລະ ນະວັດຕະກໍາ ດ້ານ ICT ຂອງຕົນ ໃຫ້ສົງຄົມໄດ້ເຫັນເຖິງສັກກະຍະພາບ ແລະ ຄວາມສາມາດຂອງຄົນລາວທາງດ້ານ ICT. ພ້ອມນັ້ນ, ກໍຍັງເປັນການສ້າງແຮງບັນດານໃຈ ໃນການສົ່ງຜົນງານເຂົ້າຮ່ວມໃນເວທີສາກົນ ໂດຍສະເພາະ ໃນອາຊຽນ ກໍຄືໂຄງການ ASEAN ICT Award 2017.

ພ້ອມນັ້ນ, ງານປະກວດ Lao ICT Award 2017 ແມ່ນການແຂ້ງຂັນທາງດ້ານ ໄອຊີທີທົ່ວປະເທດ ຂອງ ສປປ ລາວ. ຊຶ່ງເປັນການເປີດກວ້າງໃຫ້ທຸກພາກສ່ວນສາມາດນໍາຜະລິດຕະພັນຂອງຕົນເຂົ້າປະກວດ ຊຶ່ງວ່າ ການແຂ່ງຂັນປະກອບມີ 06 ໝວດຄື: ໝວດພາກລັດ (Public Sector), ພາກເອກະຊົນ (Private Sector), ເພື່ອສົງຄົມ (Corporate Social Responsibility), ເນື້ອໃນດີຈິຕອນ (Digital Content), ບໍລິສັດສ້າງຕັ້ງໃໝ່ ທາງດ້ານໄອຊີທີ (Start-Up Company) ແລະ ການຄົ້ນຄວ້າ, ພັດທະນາທາງດ້ານໄອຊີທີ (Research and Development). ນອກຈາກນີ, ໃນໝວດເນື້ອໃນຕິຈິຕອນ ຍັງມີ 2 ລາງວັນພິເສດຄື: ການສ້າງວີດີໂອແນະນໍາກະຊວງ ປທສ ແລະ ການສ້າງຟອນພາສາລາວ (Lao front). ສ່ວນລາງວັນປະກອບມີ ເງີນສົດຈໍານວນໜຶ່ງ, ໂຫຼ້ລາງວັນ,ໃບຍ້ອງຍໍຈາກລັດຖະມົນຕີກະຊວງ, ຂອງລາງວັນຈາກຜູ້ສະໜັບສະໜູນ ແລະ ໄດ້ລົງວາລະສານໄອຊີທີ 1 ສະບັບ. ພ້ອມກັນນັ້ນ, ຜະລິດຕະພັນທີ່ໄດ້ຮັບລາງວັນໃນການແຂ່ງຂັນຄັ້ງນີ້ ກໍ່ຈະຖືກຄັດເລືອກ ເຂົ້າແຂ່ງຂັນປະກວດລະດັບອາຊຽນ ຫຼືເອີ້ນວ່າ ASEAN ICT AWARD 2017.

ງານປະກວດດັ່ງກ່າວ ຈະເລີ່ມຮັບສະໝັກຜະລິດຕະພັນສົ່ງເຂົ້າປະກວດ ຕັ້ງແຕ່ວັນທີ 15 ມີນາ ຈົນເຖິງ 15 ພຶດສະພາ 2017 (ລາຍລະອຽດເງື່ອນໄຂເຂົ້າປະກວດ ແລະ ກະຕິກາການປະກວດ ທ່ານສາມາດຕິດຕໍ່ໄດ້ໃນເວັບໄຊ laoictaward.gov.la). ງານ Lao ICT Award 2017 ປີນີ້ ຈັດຂຶ້ນໂດຍການຮ່ວມມືສະໜັບສະໜູນ ແລະ ອຸປະຖໍາຈາກ ຫຼາຍພາກສ່ວນ ເປັນຕົ້ນແມ່ນບັນດາກະຊວງ, ສະມາຄົມ ໄອຊີທີ, ບັນດາບໍລິສັດເຊັ່ນ: ລັດວິສາຫະກິດ ລາວໂທລະຄົມ,ບໍລິສັດ ETL, ບໍລິສັດ ລາວສະຕາ, SkyTelecom, ບໍລີສັດ TVS (ALO), ບໍລິສັດ DataCom, ບໍລີສັດ Cyberia, ບໍລິສັດ MicroInfo ແລະ ບໍລິສັດອຶ່ນໆ.