ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 652
  • ມື້ວານ1,139
  • ອາທິດນີ້5,189
  • ອາທິດກ່ອນ8,573
  • ເດືອນນີ້24,878
  • ເດືອນກ່ອນ29,097
  • ທັງໝົດ168,540
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ຄະນະນໍາ ກະຊວງ ປທສ ເຂົ້າຮ່ວມກອງປະຊຸມໂທລະຄົມໂລກປີ 2017

ທ່ານ ທັນສະໄໝ ກົມມະສິດ ລັດຖະມົນຕີກະຊວງ ໄປສະນີ ໂທລະຄົມມະນາຄົມ ແລະການສື່ສານ (ປທສ) ພ້ອມດ້ວຍຄະນະ ໄດ້ເດີນທາງໄປເຂົ້າຮ່ວມກອງປະຊຸມໃຫ່ຍໂທລະຄົມໂລກ (MWC2017) ທີ່ ເມືອງບາເຊໂລນາ, ປະເທດສະເປນ ໃນລະຫວ່າງວັນທີ 27 ກຸມພາ ເຖິງ ວັນທີ 2 ມີນາ ຜ່ານມານີ້, ຈຸດປະສົງຂອງກອງປະຊຸມຄັ້ງນີ້ ແມ່ນເພື່ຈັດກອງປະຊຸມລະດັບລັດຖະມົນຕີ, ກອງປະຊຸມສໍາມະນາ, ພົບປະລະຫວ່າງຜູ້ດັດສົມ ແລະ ຜູ້ປະກອບການ ແລະ ງານວາງສະແດງ, ກອງປະຊຸມຍ່ອຍ ແລະ ງານພົບປະແລກປ່ຽນ.

ໃນກອງປະຊຸມດັ່ງກ່າວ ມີບັນດາຜູ້ແທນລະດັບລັດຖະມົນຕີເຂົ້າຮ່ວມຫຼາຍກວ່າ 1500 ຄົນ ຈາກທັງໝົດ 168 ປະເທດ ທົ່ວໂລກ, ຊຶ່ງໄດ້ປຶກສາຫາລື ກ່ຽວກັບບັນດາຍຸດທະສາດ ໃນການພັດທະນາເຕັກໂນໂລຊີຂໍ້ມູນຂ່າວສານ, ການວາງນະໂຍບາຍທາງພາກລັດ ເພື່ອຮັບປະກັນການຫຼຸດຜ່ອນຄວາມແຕກໂຕນ ດ້ານການພັດທະນາ, ພ້ອມກັບສົ່ງເສີມໃຫ້ມີການພັດທະນາໄປໃນລວງດຽວກັນ. ພ້ອມດຽວກັນນັ້ນ, ບັນດາຜູ້ແທນຈາກອົງການດັດສົມ ແລະຜູ້ປະກອບການ ຍັງໄດ້ແລກປ່ຽນສະພາບການພັດທະນາ ແລະ ຮັບຟັງການນໍາສະເໜີນະວັດຕະກໍາໃໝ່ໆຂອງປີ 2017 ແລະແຜນທ່າອ່ຽງຂອງການພັດທະນາໄອຊີທີຂອງໂລກ ເປັນຕົ້ນແມ່ນ ການສື່ສານຄວາມໄວສູງ, ການນໍາໃຊ້ອິນເຕີເນັດເຊື່ອມຕໍ່ກັບທຸກອຸປະກອນ, ການນໍາໃຊ້ໄອຊີທີໃນຂະແໜງການສາທາລະນະສຸກ, ການພັດທະນາຕົວເມືອງ, ການຫັນປ່ຽນຂອງອຸດສາຫະກໍາ ແລະຄວາມປອດໄພດ້ານຂໍ້ມູນຂ່າວສານ. ພ້ອມນີ້, ຍັງມີກອງປະຊຸມຍ່ອຍ ອື່ນໆອີກເຊັ່ນ: ກອງປະຊຸມຜູ້ປະກອບການ start-up, ກອງປະຊຸມເຕັກໂນໂລຊີສໍາລັບແມ່ຍິງ, ກອງປະຊຸມລາຍງານປະຈໍາປີ ຂອງສະມາຄົມມືຖືໂລກ GSMA, ງານພົບປະແລກປ່ຽນ (Networking) ຊຶ່ງເປັນໂອກາດໃຫ້ແກ່ຄະນະຜູ້ແທນລາວ ໃນການແລກປ່ຽນ ແລະ ຖອດຖອນບົດຮຽນ ເພື່ອມາສົ່ງເສີມການນໍາໃຊ້ເຕັກໂນໂລຊີ ໃຫ້ກັບຜູ້ປະກອບການໃນ ສປປ ລາວ.

ໃນໂອກາດດັ່ງກ່າວ, ທ່ານລັດຖະມົນຕີພ້ອມດ້ວຍຄະນະ ກໍ່ໄດ້ຢ້ຽມຊົມຫ້ອງວາງສະແດງຂອງບໍລິສັດຫົວເຫວີຍ(Huawei), ເຊິ່ງທ່ານໄດ້ຕີລາຄາສູງຕໍ່ການປະກອບສ່ວນຂອງບໍລິສັດຫົວເຫວີຍ ເຂົ້າໃນການພັດທະນາ ICT ແລະ ການຮ່ວມມືລະຫວ່າງບໍລິສັດຫົວເຫວີຍກັບບັນດາບໍລິສັດໂທລະຄົມຢູ່ລາວ. ໃນງານວາງສະແດງດັ່ງກ່າວ ໄດ້ມີການກ່າວບົດປາໄສ ພາຍໃຕ້ຫົວຂໍ້: “ເພື່ອໃຫ້ໂລກມີການເຊື່ອມຕໍ່ທີ່ດີກວ່າ”. ໃນງານ, ມີຜູ້ຄວບຄຸມດ້ານໂທລະຄົມ ແລະ ຄູ່ຮ່ວມ ເຂົ້າຮ່ວມຫລາຍກວ່າ 100 ພາກສ່ວນ ທີ່ມາຈາກທົ່ວໂລກ ທີ່ໄດ້ນໍາສະເໜີນະວັດຕະກໍາ ແລະ ແນວຄວາມຄິດໃໝ່ໆ ໃນການພັດທະນາຮ່ວມກັນກັບ ບໍລິສັດ ຫົວເຫວີຍ.

ໂດຍ: ຫ້ອງການ, ພະແນກປະຊາສໍາພັນ.