ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 661
  • ມື້ວານ1,139
  • ອາທິດນີ້5,198
  • ອາທິດກ່ອນ8,573
  • ເດືອນນີ້24,887
  • ເດືອນກ່ອນ29,097
  • ທັງໝົດ168,549
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ພິທີປະກາດການແຕ່ງຕັ້ງຮອງລັດຖະມົນຕີ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ.

ໃນຕອນເຊົ້າຂອງວັນທີ 29 ກັນຍາ 2016 ທີ່ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ກະຊວງ ປທສ) ໄດ້ມີພິທີປະກາດການແຕ່ງຕັ້ງຮອງລັດຖະມົນຕີ ກະຊວງໄປສະນີ, ໂທລະຄົມມະນາຄົມ ແລະ ການສື່ສານຄົນໃໝ່ ໂດຍການເປັນປະທານຂອງ ທ່ານ ປອ ທັນສະໄໝ ກົມມະສິດ ລັດຖະມົນຕີກະຊວງ ປທສ ແລະ ມີການເຂົ້າຮ່ວມຂອງ ທ່ານ ດວງຕາ ຈູມພາວັນ ຫົວໜ້າກົມຄົ້ນຄວ້ານະໂນບາຍພະນັກງານ, ຕາງໜ້າຄະນະຈັດຕັ້ງສູນກາງ, ມີບັນດາທ່ານຫົວໜ້າກົມ, ຮອງຫົວໜ້າກົມ, ຄະນະອໍານວຍການໃຫຍ່ບໍລິສັດອ້ອມຂ້າງກະຊວງ ພ້ອມດ້ວຍພະນັກງານຂັ້ນພະແນກເຂົ້າຮ່ວມຢ່າງພ້ອມພຽງ.

ທ່ານ ດວງຕາ ຈູມພາວັນ ຫົວໜ້າກົມຄົ້ນຄວ້ານະໂນບາຍພະນັກງານ ຕາງໜ້າຄະນະຈັດຕັ້ງສູນກາງພັກ ໄດ້ປະກາດ ທ່ານ ບຸນສະເຫຼີມໄຊ ເຄນນາວົງ ຂຶ້ນເປັນຮອງລັດຖະມົນຕີຄົນໃໝ່ຂອງກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ຕາມດໍາລັດຂອງນາຍົກລັດຖະມົນຕີ ສະບັບເລກທີ 291/ນຍ, ລົງວັນທີ 16 / 8 /2016 ແລະ ປະກາດ ທ່ານ ສີທົງ ທອງແກ້ວ ຮອງລັດຖະມົນຕີ ກະຊວງ ປທສ ອອກພັກຜ່ອນ-ຮັບເບ້ຍບໍານານ ຕາມດໍາລັດຂອງນາຍົກລັດຖະມົນຕີ ສະບັບເລກທີ 311/ນຍ, ລົງວັນທີ 16 / 8 /2016. ນອກນັ້ນ, ທ່ານ ຄໍາພູ ດວງຖະໜອມ ຫົວໜ້າກົມຈັດຕັ້ງ-ພະນັກງານ ໄດ້ປະກາດ ທ່ານ ສາຍຝົນ ບຸດຈັນທະລາດ ຊັບຊ້ອນເປັນຮັກສາການຫົວໜ້າຫ້ອງການກະຊວງ ປທສ ຕາມຂໍ້ຕົກລົງຂອງລັດຖະມົນຕີ ສະບັບເລກທີ 2842/ປທສ, ລົງວັນທີ 27 / 9 /2016 ແລະ ໄດ້ແຕ່ງຕັ້ງ ທ່ານ ຈັນທະວີພອນ ເຄືອບຄໍາວອນ ເປັນຮອງຫົວໜ້າກົມຈັດຕັ້ງ-ພະນັກງານ ຕາມຂໍ້ຕົກລົງຂອງລັດຖະມົນຕີ ສະບັບເລກທີ 2841/ປທສ, ລົງວັນທີ 27 / 9 /2016.

ທ່ານ ສີທົງ ທອງແກ້ວ ຮອງລັດລັດຖະມົນຕີກະຊວງ ປທສ ໄດ້ຕີລາຄາຄືນຕໍ່ການປະຕິບັດແຜນພັດທະນາວຽກງານຂອງຂະແໜ່ງການໄປສະນີ, ໂທລະຄົມມະນາຄົມ ແລະ ການສື່ສານ ໃນໄລຍະ 5 ປີຜ່ານມາ (2011-2016) ເຊິ່ງກໍ່ໄດ້ມີຜົນສໍາເລັດຫຼາຍດ້ານ ບົນພື້ນຖານນະໂຍບາຍຂອງພັກ-ລັດ ແລະ ກໍ່ມີຫຼາຍອັນທີ່ຈະໄດ້ປັບປຸງຕໍ່ໜ້າ, ຈາກນັ້ນ, ທ່ານກໍ່ໄດ້ກ່າວຄໍາອໍາລາໜ້າທີ່ ພ້ອມທັງມອບໜ້າທີ່ໃຫ້ລັດຖະມົນຕີຄົນໃໝ່ເປັນຜູ້ສືບຕໍ່.

ໃນຕອນທ້າຍ ທ່ານ ປອ ທັນມະສິດ ກົມມະສິດ ລັດຖະມົນຕີກະຊວງ ປທສ ໄດ້ໂອ້ລົມ ກ່ຽວກັບວຽກງານໃນໄລຍະ 5 ປີ ຜ່ານມາຂອງ ຂະແໜງໄປສະນີ ກໍ່ຄືເຕັກໂນໂລຊີສື່ສານ-ຂໍ້ມູນຂ່າວສານ ໄດ້ມີການຂະຫຍາຍຕົວໄວ້ໃນປະເທດເຮົາ ພິເສດແມ່ນການນໍາໃຊ້ລະບົບສື່ສານປະເພດຕ່າງໆ ໄດ້ຂະຫຍາຍຕົວໄປທົ່ວຂະແໜງການ ແລະ ທ້ອງຖິ່ນອັນເປັນການຂັບເຂື່ອນກໍ່ຄືການຜະລິດ ພັດທະນາຕາມທິດການຫັນເປັນທັນສະໄໝຂອງລັດຖະບານ ແລະ ພວກເຮົາຈະສຶບຕໍ່ນໍາພາກະຊວງ ປທສ ຕາມທິດທາງກໍ່ຄືແຜນການ 5 ປີທີ່ກອງປະຊຸມໃຫຍ່ຄັ້ງທີ X ຂອງພັກປະຊາຊົນປະຕິວັດລາວ ໄດ້ຮັບຮອງເອົາກ່ອນໜ້ານີ້ ຄະນະນໍາກໍ່ຄືພະນັກງານຫຼັກແຫຼ່ງຈາກຂະແໜງການໄປສະນີ, ໂທລະຄົມມະນາຄົມ ແລະ ການສື່ສານ ກໍ່ໄດ້ຮັບການເຊື່ອມຊຶມ ໂດຍສະເພາະແຜນການ ແລະ ໜ້າທີ່ວຽກງານລວມ ສະເພາະຂະແໜງການໃນຕໍ່ໜ້າ. ນອກນັ້ນ ທ່ານຍັງໄດ້ສະເໜີບາງທິດຊີ້ນໍາ ໃຫ້ແກ່ຜູ້ທີ່ໄດ້ຮັບຕໍາແໜ່ງໃໝ່ ກໍ່ຄືຢາກປະຕິບັດໃຫ້ສໍາເລັດຜົນນັ້ນ, ບໍ່ມີວິທີການໃດນອກຈາກປະຕິບັດໜ້າທີ່ຢ່າງມີແຜນການ, ມີການຕິດຕາມ ແລະ ສະຫຼຸບຖອດຖອນບົດຮຽນເປັນແຕ່ລະໄລຍະ, ປະຕິບັດເຄັ່ງຄັດຫຼັກການລວມສູນປະຊາທິປະໄຕ, ແບ່ງຄວາມຮັບຜິດຊອບໃຫ້ກັນ, ເສີມຂະຫຍາຍພາລະບົດບາດໂດຍບໍ່ໃຫ້ມີການລະເມີດກັນລະຫວ່າງອົງການຈັດຕັ້ງພັກ-ລັດ ແລະ ອົງການຈັດຕັ້ງມະຫາຊົນ, ຊຸກຍູ້ຊ່ວຍເຫຼືອກັນໃຫ້ການປະຕິບັດໜ້າທີ່ການເມືອງລວມ ກໍ່ຄືຂະແໜງການໃຫ້ມີຜົນສໍາເລັດສູງສຸດ.