ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 79
  • ມື້ວານ1,703
  • ອາທິດນີ້7,108
  • ອາທິດກ່ອນ6,393
  • ເດືອນນີ້18,069
  • ເດືອນກ່ອນ33,258
  • ທັງໝົດ334,159
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ສະຫະພັນກໍາມະບານກະຊວງ ປທສ ຈັດກອງປະຊຸມສຳມະນາ ເພື່ອສະເຫຼີມສະຫຼອງວັນກໍາມະກອນສາກົນຄົບຮອບ 131 ປີ.

ໃນວັນທີ 04 ພຶດສະພາ ທີ່ຜ່ານມາ ສະຫະພັນກໍາມະບານກະຊວງ ໄປສະນີ ໂທລະຄົມມະນາຄົມ ແລະ ການສື່ສານໄດ້ຈັດກອງປະຊຸມສຳມະນາ ໃນຫົວຂໍ້ “ເຕັກນິກໃນການສ້າງຕົນເອງໃຫ້ເປັນຄົນດີໃນອົງກອນ” ເພື່ອສະເຫຼີມສະຫຼອງວັນກໍາມະກອນສາກົນຄົບຮອບ 131 ປີ (01.05.1886 - 01.05.2017), ທີ່ ຫ້ອງປະຊຸມ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ). ໂດຍການເປັນປະທານຂອງ ທ່ານ ສຸລິຍາ ຄໍາບູຣາວົງ ຮອງປະທານ ສະຫະພັນກໍາມະບານກະຊວງ ປທສ ແລະ ໄດ້ເຊີນອາຈານ ຄໍາພັດ ບູລົມ ຜູ້ອໍານວຍການສູນທີ່ປຶກສາເທັກໂດ ມາເປັນນັກວິທະຍາກອນຮັບເຊີນ ພ້ອມດ້ວຍແຂກທີ່ຖືກເຊີນຈາກບັນດາກົມ/ທຽບເທົ່າ ແລະ ບັນດາບໍລິສັດ ລັດວິສາຫາກິດອ້ອມຂ້າງກະຊວງ ປທສ ເຂົ້າຮ່ວມ.

ກອງປະຊຸມສຳມະນາຄັ້ງນີ້ກໍ່ເພື່ອເປັນການໂຄສະນາສຶກສາອົບຮົມໃຫ້ແກ່ສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານໃຫ້ຮັບຮູ້, ເຂົ້າໃຈກ່ຽວກັບມູນເຊື້ອວັນກຳມະກອນສາກົນ, ການເຕີບໃຫຍ່ຂະຫຍາຍຕົວຂອງກຳມະກອນສາກົນ, ກຳມະກອນລາວ ແລະ ຜົນງານການເຄື່ອນໄຫວ ຂອງສະຫະພັນກຳມະບານລາວ ໃນແຕ່ລະໄລຍະຢ່າງເລິກເຊິ່ງ, ກວ້າງຂວາງ ແລະ ຫຼາຍຂຶ້ນກວ່າເກົ່າ ແລະ ເພື່ອແນໃສ່ປຸກລະດົມ ແລະ ສ້າງຈິດສຳນຶກໃຫ້ກັບສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານລາວ ມີຄວາມເອົາໃຈໃສ່ປະກອບສ່ວນເຂົ້າໃນການເຄື່ອນໄຫວວຽກງານກຳມະບານ ແລະ ເປັນການປຸກລະດົມສ້າງຂະບວນການແຂ່ງຂັນໃນການປະຕິບັດໜ້າທີ່ວິຊາສະເພາະ, ມີລະບຽບວິໄນໃນການອອກແຮງງານ ແລະ ປະຕິບັດຂໍ້ແຂ່ງຂັນ 5 ເປັນເຈົ້າຄື: 1. ໂຄສະນາສຶກສາອົບຮົມການເມືອງ-ແນວຄິດ, 2. ການປັບປຸງແບບແຜນການນຳພາ ແລະ ຂະຫຍາຍການຈັດຕັ້ງກຳມະບານ, 3. ການປົກປ້ອງສິດ ແລະ ຜົນປະໂຫຍດອັນຊອບທຳ ຂອງພະນັກງານສະມາຊິກກຳມະບານ, ກຳມະກອນ ແລະ ຜູ້ອອກແຮງງານ, 4. ເຂົ້າຮ່ວມໃນການຕິດຕາມ, ກວດກາການຄຸ້ມຄອງລັດ, ຄຸ້ມຄອງເສດຖະກິດ, ວັດທະນະທຳ-ສັງຄົມ, 5. ເຂົ້າຮ່ວມໃນການຈັດຕັ້ງປະຕິບັດແນວທາງການຕ່າງປະເທດຂອງພັກ, ລະບຽບກົດໝາຍຂອງລັດ. ຂອງສະຫະພັນກຳມະບານລາວ ຕິດພັນກັບຂໍ້ແຂ່ງຂັນ “ຮັກຊາດ ແລະ ພັດທະນາ” ໃຫ້ປະກົດຜົນເປັນຈິງ. ພ້ອມກັນນັ້ນ ນັກວິທະຍາກອນກໍ່ໄດ້ມີການຖ່າຍທອດບົດຮຽນ, ຄວາມຮູ້ຄວາມສາມາດ, ທັກສະ ແລະ ເຕັກນິກໃນການສ້າງຕົວເອງໃຫ້ເປັນຄົນດີໃນອົງກອນ, ໃນນັ້ນ, ບັນດາທ່ານ ບັນດາສະຫາຍ ຈະໄດ້ຮັບຮູ້ ແລະ ເຂົ້າໃຈຢູ່ໃນ 3 ບັນຫາ ຄື: 1. ການຮຽນຮູ້ວຽກງານໃນອົງກອນ, 2. ການເຮັດວຽກຢ່າງມີຄວາມສຸກ ແລະ 3. ການຢູ່ຮ່ວມກັນໃນອົງກອນ ເຊີ່ງທັງສາມບັນຫາ ລ້ວນແລ້ວແຕ່ມີໝາຍຄວາມສຳຄັນ ແລະ ເປັນປະໂຫຍດຕໍ່ສະມາຊິກກຳມະບານ ເພື່ອສ້າງຕົນເອງໃຫ້ເປັນຄົນຮູ້ຜູ້ດີ, ມີຄວາມຮູ້ຄວາມສາມາດສູງ ໃນການຊີ້ນຳ ແລະ ຈັດຕັ້ງປະຕິບັດວຽກງານໃຫ້ປະສົບຜົນສຳເລັດ ແລະ ມີປະສິດທິພາບສູງ.

ໃນໂອກາດນີ້ທ່ານປະທານໄດ້ລາຍງານສະພາບການເຄື່ອນໄຫວຕ່າງໆຂອງສະຫະພັນກຳມະບານກະຊວງ ປທສ ທີ່ພົ້ນເດັ່ນໃນໄລຍະຜ່ານມາເຊັ່ນ: ໄດ້ມີການສ້າງຂະບວນການອອກແຮງງານລວມ, ຂະບວນການແຂ່ງຂັນກິລາ, ຂະບວນການບໍລິຈາກເລືອດ, ຈັດຕັ້ງການປະຖະກະຖາເລົ່າມູນເຊື້ອ ຄວາມເປັນມາ ຂອງວັນກຳມະກອນສາກົນຢ່າງເປັນຂະບວນຟົດຟື້ນ.

ໂດຍ: ຄຳຜາຍ ອິນທະຣາ.