ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 661
  • ມື້ວານ1,139
  • ອາທິດນີ້5,198
  • ອາທິດກ່ອນ8,573
  • ເດືອນນີ້24,887
  • ເດືອນກ່ອນ29,097
  • ທັງໝົດ168,549
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ເຜີຍແຜ່ເອກະສານດໍາເນີນຊີວິດການເມືອງປັບປຸງປົວແປງພັກ.

ກະຊວງ ໄປສະນີ, ໂທລະຄົມມະນາຄົມ ແລະການສື່ສານ (ປທສ) ໄດ້ຈັດກອງປະຊຸມເຜີຍແຜ່ເອກະສານດໍາເນີນຊີວິດການເມືອງປັບປຸງປົວແປງພັກ ກະຊວງ ປທສ ຂຶ້ນໃນວັນທີ 11 ພຶດສະພາ ຜ່ານມານີ້, ທີ່ຫ້ອງປະຊຸມໃຫຍ່ຂອງກະຊວງດັ່ງກ່າວ. ໂດຍການເປັນປະທານ ແລະ ເຜີຍແຜ່ເອກະສານໂດຍ ສະຫາຍ ທັນສະໄໝ ກົມມະສິດ ກໍາມະການສູນກາງພັກ, ເລຂາຄະນະພັກ, ລັດຖະມົນຕີກະຊວງ ປທສ, ມີພາກສ່ວນທີ່ກ່ຽວຂ້ອງເຂົ້າຮ່ວມ.

ການດໍາເນີນຊີວິດການເມືອງປັບປຸງປົວແປງພັກໃນຄັ້ງນີ້ ແມ່ນເພື່ອເຊື່ອມຊຶມ, ເຊີດຊູສະຕິຄວາມຮັບຜິດຊອບຂອງຄະນະພັກ, ສະມາຊິກພັກ ໃນການເຄົາລົບ ແລະປະຕິບັດບັນດາຫຼັກການກໍ່ສ້າງພັກ, ສ້າງ ແລະຍົກລະດັບຄວາມສາມາດນໍາພາ, ຄວາມເປັນແບບຢ່າງນໍາພາຂອງຄະນະພັກແຕ່ລະຂັ້ນ ແລະສະມາຊິກພັກ ໂດຍຕິດພັນກັບການກວດກາຄືນຄວາມຮັບຮູ້-ເຂົ້າໃຈຕໍ່ແນວທາງນະໂຍບາຍຂອງພັກ. ແກ້ໄຂປາກົດການຫຍໍ້ທໍ້ຕ່າງໆພາຍໃນພັກເຊັ້່ນ: ການຖືເບົາຝຶກຝົນຫຼໍ່ຫຼອມຕົນເອງ, ປະກົດການເຊື່ອມຄຸນປ່ຽນທາດ, ພະຍາດອາດຍາສິດ, ສໍ້ລາດບັງຫຼວງ, ການຝ່າຝືນລະບຽບກົດ ໝາຍທີ່ພວມປາກົດຂຶ້ນຢ່າງແຜ່ຫຼາຍຢູ່ພາຍໃນພັກ. ເພີ່ມທະວີຄວາມສາມັກຄີເປັນປຶກແຜ່ນພາຍໃນພັກ, ພາຍໃນຊາດ ສືບຕໍ່ແນວທາງປ່ຽນແປງໃໝ່ຮອບດ້ານໂດຍມີຫຼັກການຂອງພັກ, ເດັດດ່ຽວປົກປັກຮັກສາ, ພັດທະນາປະເທດຊາດໃຫ້ກ້າວຂຶ້ນສູ່ຈຸດໝາຍສັງຄົມນິຍົມ ເພື່ອແນ່ໃສໃຫ້ພັກ ມີຄວາມປອດໃສ, ເຂັ້ມແຂງ ແລະ ໜັກແໜ້ນ.

ໃນຕອນທ້າຍ ສະຫາຍເລຂາຄະນະພັກກະຊວງ ໄດ້ເນັ້ນໜັກໃຫ້ຄະນະໜ່ວຍພັກ ແລະ ຄະນະພັກຮາກຖານ ທີ່ຂຶ້ນກັບກະຊວງ ປທສ ເອົາໃຈໃສ່ວຽກງານຄຸ້ມຄອງ ແລະ ກໍ່ສ້າງພະນັກງານ, ສະມາຊິກພັກໃຫ້ເປັນລະບົບຕໍ່ເນື່ອງ, ບັນຈຸ, ຊັບຊ້ອນພະນັກງານໃຫ້ເໝາະສົມກັບຕໍາແໜ່ງງານ, ຄົ້ນຄວ້າ, ກໍາແໜ້ນໃນມະຕິ, ຄໍາສັ່ງ, ບົດແນະນໍາຂອງຄະນະພັກຂັ້ນເທິງ, ນໍາພາຈັດຕັ້ງເຜີຍແຜ່ໃຫ້ພະນັກງານສະມາຊິກພັກເຊື່ອມຊຶມ, ກໍາແໜ້ນ, ນໍາໄປຈັດຕັ້ງຜັນຂະຫຍາຍ ແລະສະຫຼຸບຖອດຖອນບົດຮຽນເປັນແຕ່ລະໄລຍະ. ເພີ່ມທະວີປັບປຸງແຜນວິທີການນໍາພາ-ເຮັດວຽກຂອງຄະນະພັກ ໂດຍຖືເອົາປຶກສາຫາລືເປັນໝູ່ຄະນະ, ກໍ່ສ້າງພັກທາງດ້ານການເມືອງ-ແນວຄິດໃຫ້ປອດໃສ, ເຂັ້ມແຂງ ແລະໜັກແໝ້ນ, ເພີ່ມທະວີຄວາມສາມັກຄີເປັນເອກະພາບພາຍໃນພັກ, ສະມາຊິກພັກຕ້ອງຖືເອົາການຕໍານິຂອງຕົນ, ຕໍານິຕິຊົມເຊິ່ງກັນ ແລະກັນ ເພື່ອປັບປຸງຕົນເອງ ແລະ ວຽກງານໃຫ້ດີຂຶ້ນເປັນກ້າວໆ. ພ້ອມນັ້ນ, ທ່ານຍັງໄດ້ເນັ້ນຕຶ່ມ ໃຫ້ທຸກພາກສ່ວນເອົາໃຈໃສ່ ສືບຕໍ່ສະໜັບສະໜູນວຽກງານ ສາມສ້າງ ICT ເປັນຕົວຂັບເຄື່ອນເສດຖະກິດ, ສົ່ງເສີມໃຫ້ມີການຂະຫຍາຍເຄື່ອຂ່າຍ 3G/4G ໃຫ້ຄວບຄຸມທຸກບ້ານສາມສ້າງ, ຂະຫຍາຍພື້ນຖານໂຄງລ່າງ ໂທລະຄົມມະນາຄົມ, ສັນຍານອິນເຕີເນັດ ຮັບໃຊ້ສັງຄົມໃຫ້ດີຂຶ້ນກວ່າເກົ່າ, ປະສານສົມທົບພາກສ່ວນທີ່ກ່ຽວຂ້ອງ ໃນການຄຸ້ມຄອງການນໍາໃຊ້ສື່ສັງຄົມອອນລາຍ ເພື່ອຮັບປະກັນໃຫ້ມີຈັນຍາບັນ ແລະ ຈັນຍາທໍາທີ່ດີ.

ໂດຍ: ພະແນກປະຊາສຳພັນ, ຫ້ອງການກະຊວງ.