ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 648
  • ມື້ວານ1,139
  • ອາທິດນີ້5,185
  • ອາທິດກ່ອນ8,573
  • ເດືອນນີ້24,874
  • ເດືອນກ່ອນ29,097
  • ທັງໝົດ168,536
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ຕ້ອນຮັບການລົງມາເຄື່ອນໄຫວຊຸກຍູ້ຕິດຕາມ, ກວດກາປົກກະຕິ ປະຈຳປີ 2017

ເມື່ອບໍ່ດົນມານີ້, ກົມກວດກາ ກະຊວງ ໄປສະນີ, ໂທລະຄົມມະນາຄົມ ແລະການສື່ສານ (ປທສ) ໄດ້ຕ້ອນຮັບການລົງເຄື່ອນໄຫວຊຸກຍູ້ຕິດຕາມ, ກວດກາປົກກະຕິ ປະຈຳປີ 2017 ຂອງກົມກວດກາພັກອ້ອມຂ້າງ ຄະນະກວດກາສູນກາງພັກ, ໂດຍປະບັດຕາມຂໍ້ຕົກລົງ ສະບັບເລກທີ 468/ຄກສພ, ລົງວັນທີ 05 ທັນວາ 2016. ສຳລັບການເຮັດວຽກຂອງຄະນະກວດກາສູນກາງພັກໃນຄັ້ງນີ້ ແມ່ນເພື່ອຕິດຕາມ, ຊຸກຍູ້, ເກັບກຳຂໍ້ມູນວຽກງານກວດກາພັກ ຢູ່ ກົມກວດກາ ກະຊວງ ປທສ ປະຈຳປີ 2016-2017, ຊຶ່ງໄດ້ຈັດຂື້ນຢູ່ ຫ້ອງປະຊຸມຂອງກົມດັ່ງກ່າວ. ພາກສ່ວນກະຊວງ ປທສ ມີ ທ່ານ ຄຳຝັ້ນ ສຸວັນນາຄະ ຫົວໜ້າກົມກວດກາພ້ອມດ້ວຍພາກສ່ວນກ່ຽວຂ້ອງ ແລະ ພາກສ່ວນຄະນະກວດກາສູນກາງພັກມີ ທ່ານ ສົມລອນ ບຸນລະວົງ ຫົວໜ້າກົມກວດກາພັກອ້ອມຂ້າງ ພ້ອມທັງພະນັກງານຈາກກວດກາສູນກາງພັກເຂົ້າຮ່ວມ.

ກົມກວດກາ ກະຊວງ ປທສ ໄດ້ຜ່ານລາຍງານສະພາບການເຄື່ອນໄຫວ ແລະ ການຈັດຕັ້ງປະຕິບັດຂອງກົມກວດກາ ກະຊວງ ປທສ ໃນໄລຍະທີ່ຜ່ານມາ. ໂດຍຄະນະພັກ, ຄະນະນໍາ ກະຊວງ ປທສ ແມ່ນໄດ້ມີການຊີ້ນໍາຢ່າງໃກ້ຊິດເປັນປົກກະຕິ ແລະ ອໍານວຍຄວາມສະດວກ ໃຫ້ກົມກວດກາ ປະຕິບັດຕາມພາລະບົດບາດ, ສິດ ແລະໜ້າທີຂອງກົມ, ຊຶ່ງສາມາດສຳເລັດການສ້າງເຄື່ອຂ່າຍວຽກງານກວດກາ ຢູ່ ບັນດາກົມ/ທຽບເທົ່າ, ບັນດາບໍລິສັດລັດວິສາຫະກິດທີ່ຂື້ນກັບການຄຸ້ມຄອງ ຂອງກະຊວງ ປທສ ແລະ ພະແນກ ປທສ ແຂວງ/ນະຄອນຫຼວງ; ເຜີຍແຜ່ ຍຸດທະສາດຕ້ານການສໍ້ລາດບັງຫຼວງ ແຕ່ນີ້ ຮອດ 2020 ໃຫ້ແກ່ຜູ້ເຮັດວຽງານກວດກາ; ຜັນຂະຫຍາຍເນື້ອໃນຈິດໃຈຜົນສຳເລັດຂອງກອງປະຊຸມ ວຽກງານກວດກາທົ່ວປະເທດ ປະຈຳປີ 2016 ຂອງຄະນະກວດກາສູນກາງພັກ ແລະ ສະຫຼຸບວຽກງານກວດກາ ຂອງກະຊວງ ປທສ ປະຈໍາປີ 2016 ແລະ ທິດທາງແຜນການ ປະຈຳປີ 2017 , ພ້ອມນີ້ ຍັງໄດ້ລາຍງານວຽກງານກໍ່ສ້າງພັກ ແລະ ຂະຫຍາຍສະມາຊິກພັກ ໂດຍເນັ້ນໃສ່ຄຸນນະພາບເປັນຫຼັກ ໃນການລົງເຄື່ອນໄຫວຕິດຕາມ-ກວດກາ ຢູ່ບັນດາກົມ/ທຽບເທົ່າ ແລະ ບັນດາບໍລິສັດວິສາຫະກິດ ທີ່ຂື້ນກັບການຄຸ້ມຄອງຂອງກະຊວງ ປທສ ເປັນປົກກະຕິ; ການກໍ່ສ້າງໜ່ວຍພັກເຂັ້ມແຂງຮູ້ນຳພາຮອບດ້ານ ໃນປີ 2016 ໄດ້ກວດກາຕີລາຄາ ແລະ ໄດ້ຮັບໃບຢັ້ງຢືນ ຈຳນວນ 10 ໜ່ວຍພັກ; ເຜີຍແຜ່ ແຈ້ງການ ສະບັບເລກທີ 46/ອກລ, ລົງວັນທີ 20/02/2017. ວ່າດ້ວຍການແຈ້ງຊັບສິນ(ສະບັບປັບປຸງ) ໃຫ້ແກ່ຄະນະໜ່ວຍພັກ, ຄະນະກົມ/ທຽບເທົ່າ ແລະ ບັນດາບໍລິສັດລັດວິສາຫະກິດທີ່ຂື້ນກັບການຄຸ້ມຄອງຂອງກະຊວງ ປທສ ພ້ອມນັ້ນ ກໍ່ໄດ້ກຽມການລົງຕິດຕາມ ການແຈ້ງຊັບສິນ ແລະ ລາຍຮັບ ຄັ້ງທີ່ II ໃຫ້ສໍາເລັດຕາມກໍານົດ.

ໃນຕອນທ້າຍ ຄະນະກວດກາສູນກາງພັກ ໄດ້ມີຄຳເຫັນຊົມເຊີຍກົມກວດກາມີການເຄື່ອນໄຫວ ແລະ ຄະນະພັກ, ຄະນະນຳ ກະຊວງ ປທສ ໄດ້ເອົາໃຈໃສ່ຊີ້ນຳຢ່າງໃກ້ຊິດ ມິການປັບປຸງຊັບຊ້ອນບຸກຄະລາກອນຕຳແໜ່ງຂັ້ນຕ່າງໆ ແລະ ອຳນວຍຄວາມສະດວກໃຫ້ແກ່ວຽກງານການກວດກາເປັນຢ່າງດີ, ພ້ອມທັງໄດ້ມີຄຳເຫັນໃຫ້ກົມກວດກາ ແລະ ກົມຈັດຕັ້ງ-ພະນັກງານ ປະສານສົບທົບ ກ່ຽວກັບການເກັບກຳສະຖິຕິຂອງສະມາຊິກພັກ-ພະນັກງານ ພາຍໃນໃຫ້ຖືກຕ້ອງ ແລະ ກົງກັນໂດຍກຳນົດໃຫ້ມີ 0 ໂມງຄັກແນ່, ໃຫ້ກົມກວດກາສືບຕໍ່ ປັບປຸງພາລະບົດບາດຂອງກົມໃຫ້ສອດຄ່ອງ ຕາມກົດລະບຽບຂອງພັກ ສະໄໝທີ X ໝວດທີ X ມາດຕາ 44 ແລະ ກົດໝາຍວ່າດ້ວຍ ການກວດກາລັດ ໂດຍອີງໃສ່ໜ້າວຽກຕົວຈິງຂອງກະຊວງ.

ໂດຍ: ພຸດທະສັກ ບຸນສຸດທະວີ.