ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 765
  • ມື້ວານ1,091
  • ອາທິດນີ້3,482
  • ອາທິດກ່ອນ15,474
  • ເດືອນນີ້32,603
  • ເດືອນກ່ອນ33,385
  • ທັງໝົດ271,455
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ເປີດກອງປະຊຸມຜັນຂະຫຍາຍ ຜົນສໍາເລັດຂອງ ກອງປະຊຸມ ວຽກງານກວດກາ ທົ່ວປະເທດ ຄັ້ງທີ III

ໃນຕອນເຊົ້າ ຂອງວັນທີ 22 ກັນຍາ 2016 ທີ່ຫ້ອງປະຊຸມ ຂອງສະຖາບັນ ໄປສະນີ, ໂທລະຄົມມະນາຄົມ ແລະ ການສື່ສານ (ກະຊວງ ປທສ) ໄດ້ເປີດກອງປະຊຸມຜັນຂະຫຍາຍເນື້ອໃນກອງປະຊຸມວຽກງານກວດກາທົ່ວປະເທດ ຄັ້ງທີ III. ໂດຍໃຫ້ກຽດເຂົ້າຮ່ວມ ແລະ ເປັນປະທານຂອງ: ທ່ານ ທອງໃສ ຊານໄຊຍະ ຮອງເລຂາຄະນະພັກ, ປະທານກວດກາ, ຮອງລັດຖະມົນຕີ ກະຊວງ ປທສ. ມີຄະນະກົມ, ຫົວໜ້າພະແນກ, ຮອງພະແນກ ພ້ອມດ້ວຍພະນັກງານວິຊາການທີ່ເຮັດວຽກກວດກາຂອງກະຊວງ ປທສ ແລະ ບໍລິສັດ ລັດວິສາຫະກິດ ທີ່ຂື້ນກັບການຄຸ້ມຄອງ ຂອງກະຊວງ ປທສ ທັ້ງໝົດ70 ທ່ານ ເຂົ້າຮ່ວມ.

ໃນກອງປະຊຸມຄັ້ງນີ້ ໄດ້ຜັນຂະຫຍາຍເນື້ອໃນການເຄື່ອນໄຫວວຽກງານກວດກາ ແຕ່ປີ 2011 - 2015 ແລະ ທິດທາງແຜນການແຕ່ປີ 2016 - 2020 ຂອງຄະນະກວດກາສູນກາງພັກ, ສະຫຼຸບຖອດຖອນບົດຮຽນການລົງຕິດຕາມກວດກາ ແລະ ຊຸກຍຍູ້ວຽກງານກວດກາປົກກະຕິ 6 ເດືອນ ຕົ້ນປີ 2016 ຢູ່ບັນດາກົມ/ທຽບເທົ່າ ແລະ ບໍລິສັດ ລັດວິສາຫະກິດ ທີ່ຂື້ນກັບການຄຸ້ມຄອງ ຂອງກະຊວງ ປທສ, ການປະກອບຄຳເຫັນຂອງຜູ້ແທນຕໍ່ກອງປະຊຸມຕາມຄຳຖາມເຈາະຈິ້ມ, ພ້ອມນີ້ ໃນກອງປະຊຸມຍັງໄດ້ເນັ້ນຫນັກໃຫ້ພະນັກງານ - ລັດຖະກອນ ເອົາໃຈໃສ່ເພີ່ມທະວີການຈັດຕັ້ງປະຕິບັດ, ພາລະບົດບາດໜ້າທີ່ຄວາມຮັບຜິດຊອບ, ແບບແຜນການນໍາພາ, ເອົາໃຈໃສ່ຄົ້ນຄ້ວາ, ເຊື່ອມຊືມກ່ຽວກັບວຽກງານຕິດຕາມກວດກາໃຫ້ມີຄວາມຮູ້ເລິກເຊິ່ງ, ພະນັກງານທຸກຄົນຕ້ອງມີຈັນຍາບັນ ແລະ ເປັນເຈົ້າການໃນການຈັດ ຕັ້ງປະຕິບັດໜ້າທີ່ວຽກງານ, ມີຄຸນນະສົມບັດສິນທຳປະຕິວັດ, ມີສະຕິເຄົາລົບຕໍ່ການຈັດຕັ້ງ, ການປະຕິບັດລະບຽບຂອງພັກ ແລະ ກົດໝາຍຂອງລັດຢ່າງເຂັ້ມງວດ, ພະນັກງານກວດກາແຕ່ລະຂັ້ນຕ້ອງໄດ້ເຄື່ອນໄຫວຕິດຕາມ, ກວດກາການປະຕິບັດຕາມພາລະບົດບາດ, ແນວທາງນະໂຍບາຍ, ມະຕິ, ຄຳສັ່ງຕ່າງໆ ຕ້ອງຖືເອົາເອົາວຽກງານຕິດຕາມກວດກາ ເປັນພາລະບົດບາດໜື່ງທີ່ສຳຄັນຂອງຕົນ.

ພາຍຫຼັງສໍາເລັດ ກອງປະຊຸມ, ເຫັນໄດ້ວ່າພະນັກງານທຸກຄົນ ໄດ້ເອົາໃຈໃສ່ເຊື່ອມຊືມ, ຮັບຟັງ ແລະ ສາມາດກຳໄດ້ເນື້ອໃນທີ່ສຳຄັນໄດ້ເປັນຢ່າງດີ, ສາມາດຖອດຖອນບົດຮຽນດ້ານດີ, ດ້ານອ່ອນ ແລະ ຂໍ້ຄົງຄ້າງທີ່ຈະຕ້ອງນຳໄປປັບປຸງແກ້ໄຂ ເພື່ອໃຫ້ສອດຄ່ອງກັບໜ້າທີ່ວຽກງານຂອງຕົນ, ພ້ອມທັງ ນຳເອົາບົດຮຽນດັ່ງກ່າວໄປຜັນຂະຫຍາຍ ແລະ ໝູນໃຊ້ເຂົ້າໃນວຽກງານຕົວຈິງ ເຮັດໃຫ້ວຽກງານຕິດຕາມ, ກວດກາຂອງແຕ່ລະພາກສ່ວນເຄື່ອນໄຫວໃຫ້ເປັນລະບົບຕໍ່ເນື່ອງ, ຖືກຕ້ອງຕາມລະບຽບຫຼັກການ, ມີປະສິດທິພາບ ແລະ ປະສິດທິຜົນ.