ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 59
  • ມື້ວານ1,703
  • ອາທິດນີ້7,088
  • ອາທິດກ່ອນ6,393
  • ເດືອນນີ້18,049
  • ເດືອນກ່ອນ33,258
  • ທັງໝົດ334,139
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ດຳເນີນຊີວິດການເມືອງປັບປຸງປົວແປງພາຍໃນພັກ

ກອງປະຊຸມດຳເນີນຊີວິດການເມືອງປັບປຸງປົວແປງພາຍໃນພັກ ຂອງອົງຄະນະພັກກະຊວງ ປທສ ປະຈຳປີ 2017 ໄດ້ໄຂຂື້ນໃນຕອນເຊົ້້າຂອງວັນທີ 30 ພຶດສະພາທີ່ຜ່ານມາ ຢູ່ທີ່ຫ້ອງປະຊຸມໃຫຍ່ ກະຊວງ ປທສ, ພາຍໃຕ້ການເປັນປະທານຂອງ ສະຫາຍ ທັນສະໄໝ ກົມມະສິດ, ກຳມະການສູນກາງພັກ, ເລຂາຄະນະພັກກະຊວງ ປທສ,ລັດຖະມົນຕີກະຊວງ ປທສ. ໂດຍໃຫ້ກຽດເຂົ້າຮ່ວມ ຂອງສະຫາຍ ຈັນສະໝອນ ຈັນຍະລາດ, ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ; ມີສະຫາຍຮອງລັດຖະມົນຕີ, ຄະນະພັກກະຊວງ ປທສ ແລະ ສະມາຊິກພັກສົມບູນເຂົ້້າຮ່ວມ.

ໃນໂອກາດເປີດກອງປະຊຸມ ສະຫາຍ ທັນສະໄໝ ກົມມະສິດ ໄດ້ຂື້ນຜ່ານບົດສະຫຼຸບການນຳພາຂອງຄະນະພັກກະຊວງ ປທສ ປີ 2015 ຮອດປະຈຸບັນ ແລະ ທິດທາງການນຳພາ ປີ 2017-2019, ເຊີ່ງສະຫາຍກ່າວວ່າ: ກອງປະຊຸມດຳເນີນຊີວິດການເມືອງໃນຄັ້ງນີ້ ແມ່ນມີຄວາມໝາຍສຳຄັນ ເພາະແມ່ນຄວາມຮຽກຮ້ອງຕ້ອງການອັນຮີບດ່ວນ ເພື່ອປັບປຸງປົວແປງພາຍໃນພັກ ຂອງອົງຄະນະພັກກະຊວງ ປທສ ແນໃສ່ສ້າງພັກເຮົາໃຫ້ມີຄວາມປອດໃສ, ໜັກແໜ້ນ, ເຂັ້ມແຂງ, ມີການຫັນປ່ຽນຢ່າງຕັ້ງໜ້າ ແລະ ທັນກັບສະພາບການ ເພື່ອສືບຕໍ່ນຳພາພາລະກິດປົກປັກຮັກສາ ແລະ ພັດທະນາປະເທດຊາດ ຕາມທິດມະຕິກອງປະຊຸມໃຫຍ່ຄັ້ງທີ I ຂອງອົງຄະນະພັກກະຊວງ ປທສ ແລະ ກອງປະຊຸມໃຫຍ່ ຄັ້ງ ທີ X ຂອງພັກ. ໃນໂອກາດດຽວກັນ, ສະຫາຍ ຍັງໄດ້ຮຽກຮ້ອງໃຫ້ບັນດາສະຫາຍສະມາຊິກພັກ ຈົ່ງເຊີດຊູ ແລະ ຍົກສູງຄວາມຮັບຜິດຊອບຂອງຕົນ ດຳເນີນການສຳຫຼວດກວດກາ ດ້ວຍຄວາມກ້າຫານ, ເດັດດ່ຽວ, ບໍລິສຸດ, ຈິງໃຈ ແລະ ສ້າງສັນ ເພື່ອເຮັດໃຫ້ກອງປະຊຸມໃນຄັ້ງນີ້ ບັນລຸຕາມຈຸດປະສົງ ແລະ ລະດັບຄາດໝາຍ ເຮັດໃຫ້ພາຍໃນພັກປອດໃສ, ເຂັ້ມແຂງ ແລະ ໜັກແໜ້ນ ປະກອບສ່ວນເຂົ້າໃນການປົກປັກຮັກສາ ແລະ ພັດທະນາປະເທດຊາດ ກ້າວສູ່ຈຸດໝາຍປາຍທາງຕາມທີ່ພັກເຮົາກຳນົດໃວ້ ແລະ ສຳເລັດແຜນພັດທະນາຂະແໜງການ ປທສ 5ປີຄັ້ງທີ II ເພື່ອໃຫ້ກາຍເປັນອຸດສາຫະກຳທັນສະໄໝ, ມີພື້ນຖານໂຄງລ່າງດ້ວຍລະບົບຄວາມໄວສູງ, ປອດໄພ, ທົ່ວເຖິງ ແລະ ເປັນຈຸດເຊື່ອມໂຍງກັບພາກພື້ນ ແລະ ສາກົນ ຢ່າງມີຄຸນນະພາບສູງ ຊ່ວຍຂັບເຄື່ອນອັດຕາຄວາມໄວຂອງການພັດທະນາເສດຖະກິດ-ສັງຄົມໃຫ້ສູງຂື້ນແບບຍືນຍົງ. ກອງປະຊຸມໃນຄັ້ງນີ້ ຈະໄດ້ພ້ອມກັນຄົ້ນຄວ້າ ເຊື່ອມຊຶມ ເອກະສານສຳຄັນຄື: ເອກະສານເດັດ່ຽວປັບປຸງປົວແປງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ. ຈາກນັ້ນ, ກອງປະຊຸມຈະໄດ້ປະກອບຄຳຄິດຄຳເຫັນ ໃສ່ບົດສະຫຼຸບຕີລາຄາຄວາມຮັບຜິດຊອບລວມຂອງຄະນະພັກ; ປະກອບຄຳເຫັນຕຳນິຕິຊົມຕໍ່ບຸກຄົນພາຍໃນຄະນະພັກ, ຄະນະນຳຂອງ ປທສ; ແນະນຳການສຳຫຼວດບຸກຄົນໃນຄະນະພັກ ແລະ ສະມາຊິກພັກ ເພື່ອພ້ອມກັນຂຽນບົດສຳຫຼວດໃຫ້ຖືກຕ້ອງກັບຄວາມເປັນຈິງ.

ໃໃນໂອກາດທີ່ມີຄວາມໝາຍສຳຄັນນີ້, ກອງປະຊຸມໄດ້ຮັບຟັງການໂອ້ລົມ ແລະ ໃຫ້ທິດຊີ້ນຳຂອງສະຫາຍ ຈັນສະໝອນ ຈັນຍະລາດ. ສະຫາຍໄດ້ຍົກໃຫ້ເຫັນຈຸດປະສົງລະດັບຄາດໝາຍໃນການດຳເນີນຊີວິດການເມືອງ ແມ່ນເພື່ອປັບປຸງປົວແປງພາຍໃນພັກ ທາງດ້ານຄຸນທາດການເມືອງ-ແນວຄິດ, ການຈັດຕັ້ງ, ແບບແຜນການນຳພາ ແລະ ວິທີເຮັດວຽກຂອງຄະນະພັກກະຊວງ ແນໃສ່ຍົກສູງບົດບາດເປັນແກນນຳ ໃນລະບົບການເມືືອງຢູ່ຂັ້ນກະຊວງ ເປັນປັບປຸງກໍ່ສ້າງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ ເສີມຂະຫຍາຍດ້ານຕັ້ງໜ້າຂອງຄະນະບໍລິຫານງານພັກ, ປັບປຸງແກ້ໄຂດ້ານອ່ອນ ແລະ ຂໍ້ຂາດຕົກບົກພ່ອງຂອງແຕ່ລະສະຫາຍໃນຄະນະພັກ. ພາຍຫຼັງດຳເນີນຊີວິດການເມືອງແລ້ວ ຕ້ອງໃຫ້ມີການຫັນປ່ຽນໃໝ່ທີ່ຕັ້ງໜ້າ, ເປັນການປັບປຸງ ແລະ ເພີ່ມທະວີຄວາມສາມັກຄີ ເປັນເອກະພາບພາຍໃນພັກ ໃຫ້ໜັກແໜ້ນຍິ່ງຂື້ນ ບົນພື້ນຖານຫຼັກການ ແລະ ແນວທາງຂອງພັກ, ປັບປຸງຍົກສູງນ້ຳໃຈຮັບຜິດຊອບ ແລະ ຄວາມເປັນແບບຢ່າງນຳໜ້າຂອງຄະນະພັກແຕ່ລະສະຫາຍ. ທີ່ສຳຄັນ ສະຫາຍ ຈັນສະໝອນ ຈັນຍະລາດ ໄດ້ມີຄຳເຫັນຊີ້ນຳຕໍ່ກອງປະຊຸມໃຫ້ເອົາໃຈ່ໃສ່ຕື່ມບາງດ້ານ ເປັນຕົ້ນແມ່ນ ຮຽກຮ້ອງໃຫ້ບັນດາສະຫາຍ ຄະນະພັກ, ຄະນະນຳ ແລະ ສະມາຊິກພັກ ຕ້ອງເຊື່ອມຊຶມ ແລະ ເປັນເອກະພາບສູງຄວາມໝາຍສຳຄັນ, ຄວາມຈຳເປັນ, ຈຸດປະສົງ, ຄາດໝາຍ, ເນື້ອໃນດຳເນີນຊີວິດການເມືອງຂັ້ນຕົ້ນ;ຖືເອົາການດຳເນີນຊີວິດການເມືອງໃນຄັ້ງນີ້ ເປັນບັ້ນປັບປຸງປົວແປງພາຍໃນອົງຄະນະພັກໃຫ້ມີການຫັນປ່ຽນທີ່ດີຂື້ນ, ສາມາດແກ້ໄຂສິ່ງຫຍໍ້ທໍ້, ພະຍາດອາດຍາສິດ ສໍ້ລາດບັງຫຼວງ ການເຊື່ອມຖອຍດ້ານຄຸນທາດການເມືອງ ແລະ ແບບແຜນການດຳລົງຊີວິດ ທືີ່ເກີດຂື້ນພາຍໃນຖັນແຖວສະມາຊິກພັກ-ພະນັກງານທີ່ຢູ່ໃນຄວາມຮັບຜິດຊອບຂອງຕົນ. ນອກຈາກນັ້ນ ຕ້ອງກຳແໜ້ນ ແລະ ມີຄວາມເປັນເອກະພາບສູງກ່ຽວກັບວຽກງານກໍ່ສ້າງພັກ ຕ້ອງຍຶດໝັ້ນຕາມ 5 ຫຼັກການ, 3 ທິດຊີ້ນຳໃນການປັບປຸງກໍ່ສ້າງພັກຢ່າງເຄັ່ງຄັດ.

ກອງປະຊຸມໃນຄັ້ງນີ້ ໄດ້ດຳເນີນເປັນເວລາ 5 ວັນ, ນັບແຕ່ວັນທີ 30 ພຶດສະພາ ຫາວັນທີ 05 ພຶດສະພາ 2017.

ໂດຍ: ພະແນກປະຊາສຳພັນ, ຫ້ອງການກະຊວງ.