ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 648
  • ມື້ວານ1,139
  • ອາທິດນີ້5,185
  • ອາທິດກ່ອນ8,573
  • ເດືອນນີ້24,874
  • ເດືອນກ່ອນ29,097
  • ທັງໝົດ168,536
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ເປີດກອງປະຊຸມຮຽບຮຽງຄືນກົດໝາຍ 2 ສະບັບ

ກະຊວງ ໄປສະນີ, ໂທລະຄົມມະນາຄົມ ແລະການສື່ສານ (ປທສ) ຮ່ວມກັບສະພາແຫ່ງຊາດ ໄດ້ຈັດກອງປະຊຸມຮຽບຮຽງກົດໝາຍວ່າດ້ວຍ ຄື້ນຄວາມຖີ່ວິທະຍຸສື່ສານ ແລະ ກົດໝ່າຍວ່າດ້ວຍ ການປົກປ້ອງຂໍ້ມູນເອເລັກໂຕຣນິກ ຂື້ນໃນວັນທີ 12 ມີຖຸນາ ທີ່ຜ່ານມານີ້, ທີ່ເມືອງແກ້ວອຸດົມ ແຂວງວຽງຈັນ. ໂດຍການເປັນປະທານຂອງ ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີກະຊວງ ປທສ, ທ່ານ ບຸນປອນ ສີສຸລາດ ປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ, ທ່ານ ສາຍທອງ ແກ້ວດວງດີ, ປະທານ ກຳມາທິການກົດໝາຍ ສະພາແຫ່ງຊາດ, ມີບັນດາພະນັກງານຈາກສະພາແຫ່ງຊາດ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໃນການຈັດກອງປະຊຸມຄັ້ງນີ້ ແມ່ນການສົມທົບ ລະຫວ່າງກໍາມາທິການກົດໝາຍ, ກໍາມາທິການເສດຖະກິດ, ເຕັກໂນໂລຊີ ແລະສິ່ງແວດລ້ອມ ຂອງສະພາແຫ່ງຊາດ ແລະ ກະຊວງ ປທສ ໂດຍມີເປົ້າໝາຍແມ່ນເພື່ອການຮຽບຮຽງຄືນຮ່າງກົດໝາຍວ່າດ້ວຍ ຄື້ນຄວາມຖີ່ວິທະຍຸສື່ສານ ແລະ ກົດໝ່າຍວ່າດ້ວຍ ການປົກປ້ອງຂໍ້ມູນເອເລັກໂຕຣນິກ ຕາມການປະກອບຄໍາເຫັນຂອງສະມາຊິກສະພາແຫ່ງຊາດ ທີ່ຜ່ານການຮັບຮອງເອົາໃນກອງປະຊຸມສະໄໝສາມັນ ເທື່ອທີ່ 3 ຂອງສະພາແຫ່ງຊາດຊຸດທີ VIII ຜ່ານມານີ້. ໃນກອງປະຊຸມ ໄດ້ປັບປຸງບັນດາ ເນື້ອໃນບາງສ່ວນທີ່ເຫັນວ່າເໝາະສົມ ແລະ ສອດຄອງກັບຄໍາເຫັນຂອງສະມາຊິກສະພາແຫ່ງຊາດ ເປັນຕົ້ນ, ການເພີ່ມນິຍາມຄຳສັບທີ່ເຂົ້າໃຈຍາກ ແລະ ບາງມາດຕາທີ່ເຫັນວ່າຍັງບໍ່ສອດຄ່ອງ. ຫຼັງຈາກສຳເລັດກອງປະຊຸມດັ່ງກ່າວ, ຈະໄດ້ສະເໜີປະທານຄະນະປະຈຳສະພາແຫ່ງ ຮັບຮອງ ແລະ ເພື່ອນຳສະເໜີປະທານປະເທດອອກລັດຖະດຳລັດປະກາດໃຊ້.

ໂດຍ: ພະແນກປະຊາສຳພັນ, ຫ້ອງການກະຊວງ ປທສ