ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 703
  • ມື້ວານ2,227
  • ອາທິດນີ້4,417
  • ອາທິດກ່ອນ6,630
  • ເດືອນນີ້25,734
  • ເດືອນກ່ອນ31,045
  • ທັງໝົດ200,441
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ພິທີປະກາດການຈັດຕັ້ງສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ

ໃນຕອນເຊົ້າຂອງວັນທີ 13 ສິງຫາ 2016 ຜ່ານມາ ທີ່ສູນອິນເຕີເນັດແຫ່ງຊາດ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ກະຊວງ ປທສ) ໄດ້ຈັດຕັ້ງພິທີປະກາດການສ້າງຕັ້ງສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ (ສກຄ), ຂຽນເປັນພາສາ ສາກົນວ່າ: Lao Computer Emergency Response Team (Lao CERT) ເປັນສູນໃໝ່ທີ່ແຍກອອກຈາກ ສູນອິນເຕີເນັດແຫ່ງຊາດ ມີສາຍຕັ້ງຂຶ້ນກັບ ກະຊວງ ປທສ ຊຶ່ງປັດຈຸບັນມີທີ່ຕັ້ງຢູ່ອາຄານ ຊັ້ນ 05 ແລະ ຊັ້ນ 06 ຂອງສູນອິນເຕີເນັດແຫ່ງຊາດ ແລະ ໄດ້ແຕ່ງຕັ້ງ ທ່ານ ຄໍາຫຼ້າ ສູນນະລັດ ອະດີດຮອງຫົວໜ້າສູນອິນເຕີເນັດແຫ່ງຊາດ ມາເປັນຮັກສາການຫົວໜ້າສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ. ໂດຍການເປັນປະທານຂອງ ທ່ານ ປອ ທັນສະໄໝ ກົມມະສິດ ກຳມະການສູນກາງພັກ, ເລຂາຄະນະພັກກະຊວງ, ລັດຖະມົນຕີ ກະຊວງ ປທສ ມີບັນດາທ່ານຫົວໜ້າກົມ/ທຽບເທົ່າ, ຄະນະອໍານວຍການໃຫຍ່ຂອງບໍລິສັດອ້ອມຂ້າງກະຊວງ, ຫົວໜ້າພະແນກ, ຮອງພະແນກ ພ້ອມດ້ວຍພະນັກງານວິຊາການເຂົ້າຮ່ວມ.

ຈຸດປະສົງໃນການສ້າງຕັ້ງສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ ກໍ່ແມ່ນເພື່ອເປັນສື່ກາງການປະສານງານພາຍໃນ ແລະ ສາກົນ ໃນການສະກັດກັ້ນ, ປ້ອງກັນ, ແກ້ໄຂເຫດສຸກເສີນທາງຄອມພິວເຕີ ແລະ ຕອບຕ້ານການໂຈລະກໍາ ໂດຍຜ່ານເຕັກໂນໂລຊີຂໍ້ມູນ - ຂ່າວສານ ທີ່ເປັນຜົນສະທ້ອນອັນບໍ່ດີຕໍ່ເສດຖະກິດ-ສັງຄົມ ແລະ ຄວາມໝັ້ນຄົງຂອງຊາດ, ເປັນບ່ອນຮັບ - ແຈ້ງ, ຕອບໂຕ້, ແກ້ໄຂເຫດສຸກເສີນຕ່າງໆທີ່ເກີດຂຶ້ນ ທີ່ກ່ຽວຂ້ອງກັບການກະທໍາຜິດທາງລະບົບຄອມພິວເຕີ, ລະ ບົບເຄື່ອຂ່າຍ ແລະ ຊ່ອງໂຫວ່ຂອງບັນດາເວັບໄຊ໌ ເປັນບ່ອນໃຫ້ຄວາມຮູ້ແຈ້ງເຕືອນການຮັກສາຄວາມປອດໄພ ດ້ານການນໍາໃຊ້ຄອມພິວເຕີ ແລະ ອິນເຕີເນັດດ້ວຍວິທີທີ່ຖືກຕ້ອງ ເພື່ອຫຼຸດຜ່ອນການສູນເສຍຕ່າງໆທີ່ອາດເກີດຂຶ້ນກັບຜູ້ຊົມໃຊ້.