ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 659
  • ມື້ວານ1,139
  • ອາທິດນີ້5,196
  • ອາທິດກ່ອນ8,573
  • ເດືອນນີ້24,885
  • ເດືອນກ່ອນ29,097
  • ທັງໝົດ168,547
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ລາວ - ຫວຽດນາມຮ່ວມມືກັນດ້ານໂທລະຄົມມະນາຄົມ - ເຕັກໂນໂລຊີ

ການພົບປະຂອງສອງຝ່າຍລະຫວ່າງ ທ່ານ ປອ ທັນສະໄໝ ກົມມະສິດ ລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ກະຊວງ ປທສ) ແຫ່ງ ສປປ ລາວ ແລະ ທ່ານ ປອ ເຈື່ອງ ມິງ ຕວນ ລັດຖະມົນຕີ ກະຊວງ ຂໍ້ມູນຂ່າວສານ ແລະ ການສື່ສານ (MIC) ແຫ່ງ ສສ ຫວຽດນາມ ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ສປປ ລາວ ຢ່າງເປັນທາງການ ໃນວັນທີ 19 ກັນຍາ 2016 ທີ່ ຫ້ອງປະຊຸມ ໂຮງແຮມລາວພຣາຊາ ໂດຍທ່ານ ປອ ທັນສະໄໝ ກົມມະສິດ ລັດຖະມົນຕີ ກະຊວງ ປທສ ແຫ່ງ ສປປລາວ ໄດ້ຕ້ອນຮັບທ່ານ ປອ ເຈື່ອງ ມິງ ຕວນ ລັດຖະມົນຕີ ກະຊວງ ຂໍ້ມູນຂ່າວສານ ແລະ ການສື່ສານ (MIC) ແຫ່ງ ສສ ຫວຽດນາມ ຫຼັງຈາກນັ້ນ ກໍ່ໄດ້ມີການພົບປະທັງສອງຝ່າຍ ໃນການພົບປະຄັ້ງນີ້ ສອງຝ່າຍໄດ້ສະແດງຄວາມຍິນດີ ແລະ ຕີລາຄາສູງຕໍ່ການພົວພັນຮ່ວມມືຂອງສອງຝ່າຍໃນໄລຍະຜ່ານມາ ເຫັນວ່າການພົວພັນຮ່ວມມືທັງສອງກະຊວງມີຫຼາຍດ້ານທີ່ພົ້ນເດັ່ນ ເປັນຕົ້ນແມ່ນ: ການຮ່ວມມືລະຫວ່າງ ສູນອິນເຕີເນັດແຫ່ງຊາດ (LANIC) ແລະ ສູນເຄືອຂ່າຍຂໍມູນຂ່າວສານ (VNNIC) ສສ.ຫວຽດນາມ ໃນວຽກງານ ການຄຸ້ມຄອງລະຫັດຊື່ອິນເຕີເນັດສູງສຸດແຫ່ງຊາດ (ccTLD .LA), ການໃຫ້ທຶນການຊ່ວຍເຫລືອລ້າ (ODA) ໃນການຈັດຊື້ອຸປະກອນ ແລະ ພາຫະນະ ເຂົ້າສູນຄຸ້ມຄອງຄື້ນຄວາມຖີ່ແຫ່ງຊາດ, ການໃຫ້ທຶນການສຶກສາລະດັບ ປະລິນຍາຕີ ແລະ ປະລິນຍາໂທ ທີ່ ສະຖາບັນ ເຕັກໂນໂລຊີ ໄປສະນີ ແລະ ໂທລະຄົມມະນາຄົມ (PTIT) ທີ່ ສສ.ຫວຽດນາມ ນັບແຕ່ ປີ 2012 ເປັນຕົ້ນມາ.

ນອກຈາກນັ້ນ, ສອງຝ່າຍຍັງໄດ້ແລກປ່ຽນຄໍາຄິດ, ຄໍາເຫັນ ການຮ່ວມມືໃນຂົງເຂດວຽກງານ ໂທລະຄົມມະນາຄົມ ແລະ ICT ລະດັບອາຊຽນ, ເຊິ່ງທັງສອງຝ່າຍ ຈະສຶບຕໍ່ໃຫ້ການຊ່ວຍເຫຼືອ, ປຶກສາຫາລື ແລະ ສະໜັບສະໜູນເຊິ່ງກັນ ແລະ ກັນໃຫ້ຫຼາຍຂຶ້ນກວ່າເກົ່າ. ພາຍຫຼັງການພົບປະ, ທັງສອງຝ່າຍ ໄດ້ເຊັນບົດບັນທຶກຄວາມເຂົ້າໃຈ ລະຫວ່າງ ສູນອິນເຕີເນັດແຫ່ງຊາດ (LANIC) ແລະ ສູນໃບຮັບຮອງເອເລັກໂຕຣນິກແຫ່ງຊາດ (NEAC) ສສ ຫວຽດນາມ, ເພື່ອຮ່ວມມືສ້າງ ແລະ ພັດທະນາໂຄງລ່າງພື້ນຖານລະຫັດຄວາມປອດໄພແຫ່ງຊາດ (National Public Key Infrastructure, National Root Certificate Authority). ພ້ອມນັ້ນ ກໍ່ໄດ້ເຊັນບົດບັນທຶກ ການຮ່ວມມື ລະຫວ່າງ ທັງສອງກະຊວງ ເພື່ອເພີ່ມທະວີການຮ່ວມມື ແລະ ແລກປ່ຽນບົດຮຽນ ຂອງສອງປະເທດທາງດ້ານວຽກງານໂທລະຄົມມະນາຄົມ ແລະ ICT ເປັນຕົ້ນ ການຮ່ວມມືສ້າງລະບົບຕິດຕາມເຝົ້າລະວັງເຫດສຸກເສີນທາງຄອມພິວເຕີ (Threat Monitoring System) ລະຫວ່າງສູນ LAOCERT ແລະ ສູນ VNCERT, ການຝຶກອົບຮົມໄລຍະສັ້ນ ແລະ ໄລຍະຍາວດ້ານໂທລະຄົມມະນາຄົມ ແລະ ICT, ແລກປ່ຽນບົດຮຽນທາງດ້ານວິຊາການ, ດ້ານການຄຸ້ມຄອງ ແລະ ພັດທະນາວຽກງານ ICT.