ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 89
  • ມື້ວານ1,703
  • ອາທິດນີ້7,118
  • ອາທິດກ່ອນ6,393
  • ເດືອນນີ້18,079
  • ເດືອນກ່ອນ33,258
  • ທັງໝົດ334,169
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ຈັດຕັ້ງປະຕິບັດ ການແຈ້ງຊັບສິນ ແລະ ລາຍຮັບ ຮອບທີ II

ໂດຍສືບຕໍ່ຈາກກອງປະຊຸມເຜີຍແຜ່ ການແຈ້ງຊັບສິນ ແລະ ລາຍຮັບ ຮອບທີ II ຂອງກະຊວງ ປທສ ຄັ້ງວັນທີ 1 ສິງຫາ 2017, ໂດຍການເປັນປະທານຂອງ ທ່ານ ທອງໃສ ຊານໄຊຍະ ຮອງເລຂາຄະນະພັກ, ປະທານກວດກາ, ຮອງລັດຖະມົນຕີກະຊວງ ປທສ. ດັ່ງນັ້ນ, ທ່ານ ພຸດທະສັກ ເດດວົງພັນ ຮອງປະທານກວດກາ, ຮອງຫົວໜ້າກົມກວດກາ ໄດ້ລົງເຄື່ອນໄຫວຈັດຕັ້ງປະຕິບັດ ຮັບແຈ້ງຊັບສິນ ແລະ ລາຍຮັບ ຮອບທີ II ຢູ່ບັນດາກົມ/ທຽບເທົ່າ ແລະ ບໍລິສັດ ລັດວິສາຫະກິດ ອ້ອມຂ້າງກະຊວງ ປທສ, ພ້ອມທັງອະທິບາຍເນື້ອໃນ, ແນະນຳວິທີຂຽນແບບຟອມເອກະສານການແຈ້ງຊັບສິນ ໃຫ້ແກ່ພະນັກງານ-ລັດຖະກອນອ້ອມຂ້າງກະຊວງ ແລະເພື່ອຈັດຕັ້ງປະຕິບັດຕາມແຈ້ງການ ຂອງອົງການກວດກາລັດ ຖະບານ ສະບັບເລກທີ 115/ອກລ.ຫກ, ລົງວັນທີ 20 ມີນາ 2017 ວ່າດ້ວຍການຈັດຕັ້ງປະຕິບັດ ບົດແນະນຳຂອງອົງການກວດກາລັດຖະບານ ສະບັບເລກທີ 46/ອກລ, ລົງວັນທີ 20 ກຸມພາ 2017 ການຈັດຕັ້ງປະຕິບັດດຳລັດ ວ່າດ້ວຍການແຈ້ງຊັບສິນ ແລະ ລາຍຮັບ (ສະບັບປັບປຸງ).

ໃນການລົງເຄື່ອນໄຫວຄັ້ງນີ້ ໄດ້ດໍາເນີນໄປເປັນເວລາ 5 ວັນ ລະຫວ່າງວັນທີ 07-11 ກໍລະກົດ 2017 ນີ້. ການລົງເຄື່ອນໄຫວ ເຜີຍແຜ່ ແລະ ແນະນຳການຂຽນແບບຟອມແຈ້ງຊັບສິນໃນຄັ້ງນີ້ ໂດຍ ຜ່ານການລົງຈັດຕັ້ງປະຕິບັດຕົວຈີງ ເຫັນວ່າພະນັກງານ-ລັດຖະກອນ ເຫັນໄດ້ເນື້ອໃນ ຈິດໃຈອັນສຳຄັນຂອງການແຈ້ງຊັບສິນ ແລະ ລາຍຮັບ ເພາະຖືວ່າເປັນພັນທະ ແລະ ໜ້າທີ່ຂອງພະນັກງານ - ລັດຖະກອນ ເພື່ອສະແດງເຖີງຄວາມບໍລິສຸດຂອງຕົນ ຕໍ່ທຸກໆການໄດ້ມາຂອງຊັບສີນ ແລະ ຕໍ່ການຈັດຕັ້ງປະຕິບັດ ໜ້າທີ່ວຽກງານຂອງຕົນ ໄດ້ກຳນົດໄວ້ໃນກົດໝາຍ ແລະ ລະບຽບການຕ່າງໆ, ຕ້ອງເປັນເຈົ້າການໃນການຈັດຕັ້ງປະຕິບັດດ້ວຍຄວາມຮັບຜິດຊອບສູງ ແນໃສ່ເຮັດໃຫ້ການແຈ້ງຊັບສິນ ແລະ ລາຍຮັບ ໄດ້ດຳເນີນໄປຢ່າງຖືກຕ້ອງ, ຈະແຈ້ງ, ຄົບຖ້ວນ ແລະ ທັນຕາມເວລາກຳນົດ.

ໂດຍ: ທ່ານ ອາພິສິດ ພົມມະວົງ, ປທສ.