ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 83
  • ມື້ວານ1,067
  • ອາທິດນີ້7,634
  • ອາທິດກ່ອນ5,790
  • ເດືອນນີ້9,543
  • ເດືອນກ່ອນ28,282
  • ທັງໝົດ353,915
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ໄຂຊຸດຝຶກອົບຮົມ ທິດສະດີການເມືອງ ແລະ ການປົກຄອງ ຊຸດທີ III

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີ ໄຂຊຸດຝຶກອົບຮົມ ທິດສະດີການເມືອງ ແລະ ການປົກຄອງ ໄລຍະສັ້ນ 45 ວັນ ຊຸດທີ III ຂອງກະຊວງ ປທສ ຂຶ້ນ, ໃນວັນທີ 03 ຕຸລາ 2017 ນີ້, ທີ່ສະຖາບັນເຕັກໂນໂລຊີ ສື່ສານຂໍ້ມູນຂ່າວສານ. ໂດຍການເປັນປະທານຮ່ວມຂອງ ທ່ານ ທອງໃສ ຊານໄຊຍະ, ຮອງເລຂາຄະນະພັກ, ຮອງລັດຖະມົນຕີກະຊວງ ປທສ ແລະທ່ານ ສະໝຸດທອງ ສົມພິນິດ ຄະນະພັກ, ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ. ມີຄະນະພັກກະຊວງ, ຄະນະໜ່ວຍພັກ ບັນດາກົມ/ທຽບເທົ່າ, ຄະນະພັກຮາກຖານ ບໍລິສັດ ລັດວິສາຫະກິດ ອ້ອມຂ້າງກະຊວງ ແລະ ນັກຝຶກອົບຮົມ 40 ສະຫາຍ ເຂົ້າຮ່ວມ.

ການດໍາເນີນຝຶກອົບຮົມ ທິດສະດີການເມືອງ ແລະ ການປົກຄອງຄັ້ງນີ້ ແມ່ນຈະເລີ່ມແຕ່ວັນທີ 03/10 – 07/12/2017 ເພື່ອເປັນການຄົ້ນຄວ້າ ຮຽນຮູ້ ກ່ຽວກັບ ທິດສະດີມາກ - ເລນິນ, ພາກວິຊາ ປັດສະຍາ, ເສດຖະສາດການເມືອງ, ລັດທິສັງຄົມນິຍົມວິທະຍາສາດ, ບໍລິຫານສາດ ແລະ ການກໍ່ສ້າງພັກ, ທັງໝົດເລົ່ານັ້ນ ປະກອບເປັນຄວາມຮູ້ພື້ນຖານໃຫ້ແກ່ພະນັກງານນຳພາ - ຄຸ້ມຄອງຫຼັກແຫຼ່ງ ແລະ ພະນັກງານສືບທອດປ່ຽນແທນ ຂອງກະຊວງພວກເຮົາ ໃນການຊີ້ນຳ - ນຳພາ, ການຄົ້ນຄວ້າ, ເຊື່ອມຊຶມ ແລະ ຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ X ຂອງພັກ ເວົ້າລວມ, ເວົ້າສະເພາະ ມະຕິກອງປະຊຸມໃຫຍ່ ຄັ້ງທີ I ຂອງອົງຄະນະພັກກະຊວງ ປທສ ແລະ ທິດທາງແຜນການ ວິໃສທັດຮອດປີ 2030, ຍຸດທະສາດ ໄລຍະ 10 ປີ (2016-2025) ແລະ ແຜນພັດທະນາ 5 ປີ ຄັ້ງທີ II (2016-2020) ຂອງຂະແໜງໄປສະນີ ໂທລະຄົມມະນາຄົມ ແລະ ການສື່ສານ. ສະນັ້ນ, ສຳລັບພະນັກງານນຳພາ - ຄຸ້ມຄອງຫຼັກແຫຼ່ງ, ພະນັກງານສືບທອດ ເພື່ອທົດແທນ ກໍຄືພະນັກງານສະມາຊິກພັກຂອງພວກເຮົາ ຈຶ່ງມີຄວາມຈຳເປັນ ພາວະວິໃສ ທີ່ຈະຕ້ອງໄດ້ເອົາໃຈໃສ່ຄົ້ນຄວ້າຮ່ຳຮຽນ ໃຫ້ມີຄວາມຮັບຮູ້ເຂົ້າໃຈຢ່າງເລິກເຊິ່ງ ເພື່ອນຳເອົາບົດຮຽນທາງດ້ານທິດສະດີ ໄປໝູນໃຊ້ເຂົ້າໃນວຽກງານຕົວຈິງ ເພື່ອເຮັດໃຫ້ວຽກງານທີ່ຕົນຮັບຜິດຊອບ ປະສົບຜົນສໍາເລັດດ້ວຍຄຸນນະພາບສູງ ແນໃສ່ສ້າງພະນັກງານທີ່ມີຄຸນນະພາບດ້ານການນຳພາ, ດ້ານຄວາມຮູ້ຄວາມສາມາດ, ປະສົບການດ້ານວິຊາສະເພາະໃຫ້ແທດເໝາະກັບວຽກງານ ICT ໃນໄລຍະໃໝ່, ແນໃສ່ຍົກສູງຄວາມສາມາດນຳພາ ແລະ ລັກສະນະນຳໜ້າ ຂອງພັກ ເພີ່ມທະວີມະຫາສາມັກຄີ ທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ຢ່າງມີຫຼັກການຂອງພັກ, ປົກປັກຮັກສາ ແລະ ພັດທະນາປະເທດຊາດ ຕາມທິດຍືນຍົງ ສູ່ຈຸດໝາຍສັງຄົມນິຍົມ ຢ່າງໜັກແໜ້ນ.

ພ້ອມດຽວກັນນັ້ນ, ໃນການຈັດຊຸດຝຶກອົບຮົມ ຄັ້ງນີ້ ແມ່ນໄດ້ຮັບການຮ່ວມມື ແລະ ຊ່ວຍເຫຼືອ ທາງດ້ານເນື້ອໃນຫຼັກສູດ ແລະ ອາຈານສອນ ຈາກ ສະຖາບັນ ການເມືອງ ແລະ ການປົກຄອງແຫ່ງຊາດ ຊຶ່ງຕາມໂຄງການຫຼັກສູດ ມີທັງໝົດ 5 ພາກ ແລະ 37 ບົດ; ໃນນັ້ນຂຶ້ນຫ້ອງຮັບຟັງບັນຍາຍ 33 ວັນ, ຄົ້ນຄວ້າ ແລະ ແກ້ຂໍ້ຂ້ອງໃຈ 9 ວັນ, ທັດສະນະສຶກສາ 1 ວັນ, ຂຽນ ແລະ ຜ່ານບົດເກັບກ່ຽວ 2 ວັນ. ນອກຈາກນັ້ນ, ພວກເຮົາຍັງໄດ້ຮັບການ ອຸປະຖຳ ທາງດ້ານງົບປະມານ ຈາກບັນດາ ບໍລິສັດ ລັດວິສາຫະກິດ ໄປສະນີ, ໂທລະຄົມມະນາຄົມ ເພື່ອຮັບໃຊ້ເຂົ້າໃນບັ້ນຝຶກອົບຮົມໃນຄັ້ງນີ້.

ໂດຍ: ກົມຈັດຕັ້ງ-ພະນັກງານ, ປທສ.