ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 82
  • ມື້ວານ1,067
  • ອາທິດນີ້7,633
  • ອາທິດກ່ອນ5,790
  • ເດືອນນີ້9,542
  • ເດືອນກ່ອນ28,282
  • ທັງໝົດ353,914
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ຝຶກອົບຮົມກ່ຽວກັບການຮຽນຮູ້ຄວາມເປັນຜູ້ນຳ ຊຸດທີ 5

ກະຊວງ ໄປສະນີ ໂທລະຄົມມະນາຄົມ ແລະການສື່ສານ (ປທສ) ໄດ້ເປີດຊຸດຝຶກອົບຮົມກ່ຽວກັບການຮຽນຮູ້ຄວາມເປັນຜູ້ນຳ ຊຸດທີ 5 ຂອງກະຊວງ ປທສ ຂຶ້ນ, ໃນວັນທີ 11 ຕຸລາ ຜ່ານມານີ້, ທີ່ຫ້ອງປະຊຸມ ຂອງ ໂຮງແຮມຄຳປະເສີດ ເມືອງວັງວຽງ ແຂວງວຽງຈັນ. ໂດຍການເປັນປະທານຮ່ວມຂອງ ທ່ານ ນ ວັນນາ ພົມມະວົງ ຮອງຫົວໜ້າກົມຈັດຕັ້ງ-ພະນັກງານ ກະຊວງ ປທສ ແລະທ່ານ ສິງທະວອນ ດາລາວົງ ຄະນະພັກ, ຫົວຫນ້າຫ້ອງການກະຊວງພາຍໃນ ມີພະນັກງານຂັ້ນພະແນກຂອງບັນດາກົມ/ທຽບເທົ່າ ແລະ ພະແນກ ປທສ 3 ແຂວງເຂົ້າຮ່ວມ.

ໃນພິທີ ທ່ານ ນາງ ວັນນາ ພົມມະວົງ ໄດ້ໃຫ້ກຽດກ່າວເປີດຊຸດ ຝຶກອົບຮົມກ່ຽວກັບການຮຽນຮູ້ຄວາມເປັນຜູ້ນຳຊຸດທີ 5 ຂອງກະຊວງ ປທສ ໂດຍທ່ານໄດ້ຍົກໃຫ້ເຫັນວ່າ: ການພັດທະນາ ແລະ ການຍົກສູງລະດັບຄວາມຮູ້ຄວາມສາມາດໃຫ້ ພະນັກງານນຳພາຄຸ້ມຄອງສຶບທອດປ່ຽນແທນຂັ້ນຕ່າງໆ ທີ່ເປັນເສນາທິການຊ່ວຍຂັ້ນເທິງ ໃນການຄົ້ນຄວ້າແລະຜັນຂະຫຍາຍແນວທາງນະໂຍບາຍພັກ-ລັດ ໂດຍຖືເປັນວຽກຫນຶ່ງທີ່ມີຄວາມສຳຄັນແລະຈຳເປັນຕ້ອງໄດ້ຮັບຮູ້ ແລະເຂົ້າໃຈຢ່າງເລິກເຊິ່ງ ກ່ຽວກັບການເປັນຜູ້ນຳ ຫຼືຜູ້ບໍລິຫານທີ່ດີ, ຮຽນຮູ້ປະສົບການໃນການເຮັດວຽກເພື່ອສ້າງຄວາມເຂັ້ມແຂງທາງດ້ານຄວາມຮູ້ຄວາມສາມາດ, ສາມາດນຳພາໜ່ວຍງານ ແລະ ການສ້າງທີມງານໃຫ້ມີປະສິດທິພາບດ້ວຍການໝູນໃຊ້ວິໃສທັດຮ່ວມກັນ ໃນການວາງແຜນວຽກ, ການຄຸ້ມຄອງ, ການປະກອບສ່ວນເຂົ້າໃນໃນການຈັດຕັ້ງປະຕິບັດວຽກງານຕົວຈິງ ໃຫ້ມີຄວາມສະດວກວ່ອງໄວ ທັນກັບສະພາບຄວາມຮຽກຮ້ອງຕ້ອງການຂອງວຽກງານ ໃນໄລຍະໃໝ່. ການຝຶກອົບຮົມການຮຽນຮູ້ຄວາມເປັນຜູ້ນໍາຄັ້ງນີ້ ຈະໄດ້ດໍາເນີນໄປເປັນເວລາ 3 ວັນ (ລະຫວ່າງວັນທີ 11-13 ຕຸລາ 2017) ຊຶ່ງມີຫົວຂໍ້ທີ່ສໍາຄັນຄື: ການຮັບຮູ້ ແລະການພັດທະນາຕົນເອງ, ການສ້າງທີມງານໃຫ້ມີປະສິດທິພາບ ຄ່ານິຍົມ ແລະ ຈັນຍາບັນ, ການວິເຄາະໂດຍນຳໃຊ້ ແລະການມີວິໃສທັດ.

ໃນຕອນທ້າຍທ່ານຍັງໄດ້ເນັ້ນຕື່ມ ໃຫ້ນັກຝຶກອົບຮົມທັງໝົດ ຈົ່ງມີຄວາມຮັບຜິດຊອບສູງ ແລະເອົາໃຈໃສໃນການຄົ້ນຄ້ວາບັນດາເອກະສານ ຮັບຟັງການບັນລະຍາຍຂອງຄູຝຶກ ແລະ ແລກປ່ຽນຄຳຄິດຄຳເຫັນຈາກນັກຝຶກອົບຮົມດ້ວຍກັນ ພວກເຮົາເປັນພະນັກງານນຳພາຄຸ້ມຄອງ ແລະສືບທອດປ່ຽນແທນ ຕ້ອງກ້າສະແດງປະກອບຄຳເຫັນເພື່ອເຮັດໃຫ້ການຝຶກອົບຮົມມີບັນຍາກາດຟົດຟື້ນ ແລະສຳເລັດຕາມລະດັບຄາດຫມາຍທີ່ກຳນົດໄວ້.

ຂ່າວ: ກົມຈັດຕັ້ງ-ພະນັກງານ, ປທສ.