ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 82
  • ມື້ວານ1,067
  • ອາທິດນີ້7,633
  • ອາທິດກ່ອນ5,790
  • ເດືອນນີ້9,542
  • ເດືອນກ່ອນ28,282
  • ທັງໝົດ353,914
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ທ່ານ ຮອງ ລມຕ ໄດ້ໄປເຄື່ອນໄຫວຊຸກຍູ້ວຽກງານຢູ່ ແຂວງຊຽງຂວາງ ແລະ ຫົວພັນ.

ທ່ານ ບຸນສະເຫລີມໄຊ ເຄນນາວົງ ຮອງລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະການສື່ສານ (ປທສ) ພ້ອມດ້ວຍຄະນະ ໄດ້ໄປເຄື່ອນໄຫວຢ້ຽມຢາມ ແລະ ຊຸກຍູ້ວຽກງານດ້ານວິຊາການ ຂອງພະແນກ ປທສ ແຂວງຊຽງຂວາງ ແລະ ແຂວງຫົວພັນ ໃນລະຫວ່າງ ວັນທີ 09-12 ຕຸລາ 2017 ຜ່ານມາ. ພ້ອມດຽວກັນນັ້ນ, ຍັງໄດ້ເຂົ້າພົບ ທ່ານ ວັນໄຊ ແພງຊຸມມາ ເຈົ້າແຂວງຫົວພັນ ແລະ ທ່ານ ຄຳບາວ ມົວ, ຮອງເຈົ້າແຂວງ ແຂວງຊຽງຂວາງ ເພື່ອຮັບຟັງລາຍງານການເຄື່ອນໄຫວວຽກງານ ຂອງພະແນກ ປທສ ຢູ່ແຕ່ລະແຂວງ ແລະ ໄດ້ລົງຢ້ຽມຢາມບັນດາ ຫ້ອງການພະແນກ ປທສ ປະຈຳແຂວງ.

ໃນໂອກາດ ດັ່ງກ່າວ ທ່ານ ຫົວໜ້າ ພະແນກ ປທສ ແຂວງຊຽງຂວາງ ແລະ ແຂວງຫົວພັນ ໄດ້ລາຍງານສະພາບໂດຍລວມໃນການຈັດຕັ້ງເຄື່ອນໄຫວວຽກງານຮອບດ້ານ ເປັນຕົ້້ນວ່າ ດ້ານວຽກງານ ສົ່ງເສີມການພັດທະນາພື້ນຖານໂຄງລ່າງໂທລະຄົມມະນາຄົມ ແລະ ໄອຊີທີ ໃຫ້ມີຄວາມໄວສູງ ແລະ ມີຄຸນນະພາບ, ພ້ອມທັງໄດ້ລາຍງານບາງບັນຫາທີ່ຍັງຄົງຄ້າງ ເພື່ອສະເໜີຂໍທິດຊີ້ນຳເຊັ່ນ: ການຄຸ້ມຄອງອຸປະກອນສື່ສານ, ເຄື່ອງໂຟນນີ, ໂທລະສັບມືຖື, ເຄື່ອງບິນຂະໜາດນ້ອຍ ແລະ ອື່ນໆ.

ໃນການດໍາເນີນກອງປະຊຸມ, ບັນດາຄະນະກົມຈາກສູນກາງ ກໍ່ໄດ້ປະກອບຄຳຄິດເຫັນຕໍ່ທິດທາງການພັດທະນາ ແລະ ການຄຸ້ມຄອງວຽກງານໄອຊີທີ ໃນຕໍ່ໜ້າ ເພື່ອໃຫ້ ປທສ ແຂວງ ໄດ້ກະກຽມຫັນການຄຸ້ມຄອງເປັນທັນສະໄໝ ແນໃສ່ສົ່ງເສີມການນຳໃຊ້ໄອຊີທີ ເຂົ້າໃນທຸກຂະແໜງການ ເພື່ອຂັບເຄື່ອນເສດຖະກິດ-ສັງຄົມ ໃຫ້ທັນສະໄໝ ແລະ ຍືນຍົງ. ໃນໂອກາດນີ້ ທ່ານ ຮອງ ລມຕ ກໍ່ໄດ້ໂອ້ລົມໃຫ້ທິດຊີ້ນຳ ໂດຍເນັ້ນການພັດທະນາ ຕາມ 7 ຍຸດທະສາດຂອງຂະແໜງ ປທສ ແຕ່ນີ້ ຮອດປີ 2030 ຊຶ່ງມີບາງຕອນວ່າ: “ການພັດທະນາຂອງຂະແໜງການໂທລະຄົມມະນາຄົມ ແລະ ການສື່ສານ ນັບມື້ນັບພັດທະນາຢ່າງວອງໄວ ມັນໄດ້ກາຍເປັນເຄື່ອງມືທີ່ສຳຄັນໃນການຊຸກຍູ້ຜັກດັນ ການພັດພະນາທາງດ້ານເສດຖະກິດ ກໍ່ຄືການພັດທະນາປະເທດຊາດ, ແຕ່ຄຽງຄູ່ກັບອັນດີກໍ່ມີອັນອ່ອນ ໃນນັ້ນກໍ່ຄືການຊົມໃຊ້ສື່ສັງຄົມອອນລາຍໃນປະຈຸບັນ ທີ່ຮຽກຮ້ອງໃຫ້ພະນັກງານທຸກຄົນຕ້ອງມີສະຕິ ເອົາໃຈໃສ່ເຜີຍແຜ່ຄວາມຮູ້ໃນການນຳໃຊ້ຂໍ້ມູນຂ່າວສານຢ່າງຖືກຕ້ອງ ພ້ອມທັງເຜີຍແຜ່ບັນດາລະບຽບ-ນິຕິກຳຕ່າງໆ ຂອງກະຊວງ ປທສ ໃຫ້ປະຊາຊົນໄດ້ຮັບຮູ້ ແລະ ເຂົ້າໃຈຢ່າງກວ້າງຂວາງ”. ພ້ອມນັ້ນ, ທ່ານກໍຍັງໄດ້ຊີ້ໃຫ້ເຫັນເຖິງຄວາມສຳຄັນ ແລະ ໃຫ້ເອົາໃຈໃສ່ຕິດຕາມວຽກງານການຂື້ນທະບຽນເບີໂທລະສັບ ໂດຍສະເພາະໄດ້ເນັ້ນໃຫ້ທຸກບໍລິສັດ ທີ່ໃຫ້ບໍລິການທາງດ້ານໂທລະຄົມໃນ ສປປ ລາວ ໃຫ້ເປັນເຈົ້າການໃນການຮ່ວມມືກັບບັນດາພະແນກ ປທສ ປະຈໍາແຂວງໃນການລົງເກັບກຳໂຕຈິງ ໃຫ້ສໍາເລັດຕາມຄາດໝາຍ.

ໃນຕອນທ້າຍ, ທ່ານ ຮອງລັດຖະມົນຕີ ໄດ້ເນັ້ນໜັກ ການຍົກສູງພາລະບົດບາດ, ສິດ ແລະ ໜ້າທີ່ຂອງພະແນກ ປທສ ແຂວງ ໃນການຄຸ້ມຄອງມະຫາພາກ ບັນດາສາຂາ ບໍລິສັດໂທລະຄົມ ພາຍໃນແຂວງ ແລະ ຮຽກຮ້ອງໃຫ້ບັນດາບໍລິສັດພາຍໃນແຂວງ ຈົ່ງເອົາໃຈໃສ່ ປະຕິບັດຕາມລະບຽບວິໃນ ແລະ ໃຫ້ການຮ່ວມມືກັບພະແນກ ປທສ ປະຈຳແຂວງ, ສຸມໃສ່ຈັດຕັ້ງປະຕິບັດວຽກງານ ປະກອບສ່ວນເຂົ້າໃນການສ້າງສາພັດທະນາປະເທດຊາດ ຕາມແນວທາງແຜນຍຸດທະສາດຂອງລັດຖະບານແຫ່ງ ສປປ ລາວ.

ຂ່າວ: ດຣ. ທະວີສັກ ມະໂນທັມ, ກົມໄອທີ, ປທສ.