ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 702
  • ມື້ວານ2,227
  • ອາທິດນີ້4,416
  • ອາທິດກ່ອນ6,630
  • ເດືອນນີ້25,733
  • ເດືອນກ່ອນ31,045
  • ທັງໝົດ200,440
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມເຜີຍແຜ່ຜົນສໍາເລັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງແນວລາວສ້າງຊາດ ແລະ ວັນລັດຖະທໍາມະນູນແຫ່ງ ສປປ ລາວ ຄົບຮອບ 25 ປີ.

ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ກະຊວງ ປທສ) ໄດ້ຈັດກອງປະຊຸມເຜີຍແຜ່ຜົນສໍາເລັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງແນວລາວສ້າງຊາດ ແລະ ວັນລັດຖະທໍາມະນູນແຫ່ງ ສປປ ລາວ ຄົບຮອບ 25 ປີ ໃນວັນທີ 08 ກັນຍາ 2016, ທີ່ຫ້ອງປະຊຸມຊັ້ນ 05 ກະຊວງ ປທສ ພາຍໃຕ້ການເປັນປະທານ ແລະ ເຜີຍແຜ່ເອກະສານໂດຍ ສະຫາຍ ຈັນທະວົງ ແສນອາມາດມົນຕີ ຄະນະພັກ, ຮອງປະທານສູນກາງແນວລາວສ້າງຊາດ ເຊິ່ງມີບັນດາຄະນະພັກກະຊວງ, ໂດຍການເຂົ້າຮ່ວມຂອງທ່ານ ທອງໃສ ຊານໄຊຍະ ຮອງເລຂາພັກກະຊວງ, ຮອງລັດຖະມົນຕີກະຊວງ ປທສ, ມີບັນດາຄະນະພັກກະຊວງ, ຫົວໜ້າກົມ, ຮອງກົມ, ຮອງພະແນກ, ວິຊາການບັນດາກົມ/ທຽບເທົ່າ ແລະ ບໍລິສັດ ລັດວິສາຫະກິດ ໄປສະນີ, ໂທລະຄົມມະນາຄົມ ເຂົ້າຮ່ວມປະມານ 200 ທ່ານ.

ໃນການເຜີຍແຜ່ຜົນສໍາເລັດຂອງກອງປະຊຸມໃຫຍ່ຄັ້ງນີ້ ກໍ່ເພື່ອແນ່ໃສ່ໂຄສະນາສຶກສາອົບຮົມໃຫ້ພະນັກງານ, ສະມາຊິກພັກ, ປະຊາຊົນບັນດາເຜົ່າໄດ້ຮັບຮູ້ບົດບາດ ແລະ ຜົນງານການເຄື່ອນໄຫວຂອງອົງການແນວລາວສ້າງຊາດໃຫ້ກວ້າງຂວາງໃນທົ່ວສັງຄົມ, ເສີມຂະຫຍາຍມູນເຊື້ອແຫ່ງຄວາມສາມັກຄີເປັນປຶກແຜ່ນແໜ້ນໜາຂອງປະຊາຊົນບັນດາ ເຜົ່າພາຍໃຕ້ການນໍາພາຂອງພັກ, ສຶກສານໍ້າໃຈບຸກບືນຫ້າວຫັນ ປະຕິບັດຄາດໝາຍສູ້ຊົນຂອງມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ X ຂອງແນວລາວສ້າງຊາດວາງອອກ ແລະ ສ້າງຜົນງານຂໍ່ານັບຮັບຕ້ອນວັນສ້າງຕັ້ງອົງການຈັດຕັ້ງແນວລາວສ້າງຊາດຄົບຮອບ 66 ປີ (ວັນທີ 13 ສິງຫາ 1950 ເຖິງ 13 ສິງຫາ 2016) ແລະ ເນື່ອງໃນໂອກາດວັນລັດຖະທໍາມະນູນແຫ່ງ ສປປ ລາວຄົບຮອບ 25 ປີ (15 ສິງຫາ 1991 ເຖິງ 15 ສິງຫາ 2016), ຈຶ່ງຖືໂອກາດວັນດັ່ງກ່າວ ໂຄສະນາ-ສຶກສາອົບຮົມໃຫ້ພະນັກງານ, ສະມາຊິກພັກ, ທະຫານ, ຕໍາຫຼວດ ແລະ ປະຊາຊົນລາວບັນດາເຜົ່າໃນທົ່ວສັງຄົມໃຫ້ກໍາແໜ້ນກ່ຽວກັບກົດໝາຍ, ຄວາມສໍາຄັນຂອງລັດຖະທໍາມະນູນແຫ່ງ ສປປ ລາວ ເພື່ອເພີ່ມທະວີເຄົາລົບກົດໝາຍ, ປະຕິບັດຢ່າງຖືກຕ້ອງ, ເຂັ້ມງວດ ສ້າງລັດໃຫ້ເປັນລັດທີ່ປົກຄອງດ້ວຍກົດໝາຍເທື່ອລະກ້າວ ພ້ອມກັນສໍາຫຼວດກວດກາຄືນ ສະພາບການຈັດຕັ້ງປະຕິບັດລັດຖະທໍາມະນູນ ແລະ ກົດໝາຍໃນໄລຍະ 25 ປີຜ່ານມາຊອກໃຫ້ເຫັນມາດຕະການ ແລະ ວິທີການແກ້ໄຂໃຫ້ທັນເວລາ ແນ່ໃສ່ການຕ້ານ ແລະ ສະກັດກັ້ນບັນດາປາກົດການຫຍໍ້ທໍ້ທີ່ເກີດຂື້ນໃນສັງຄົມປະຈຸບັນ.