ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 82
  • ມື້ວານ1,067
  • ອາທິດນີ້7,633
  • ອາທິດກ່ອນ5,790
  • ເດືອນນີ້9,542
  • ເດືອນກ່ອນ28,282
  • ທັງໝົດ353,914
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ລະນຶກວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ

ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີໂຄສະນາ-ປາຖະກະຖາສະເຫຼີມສະຫຼອງວັນອາຫານໂລກ ຄົບຮອບ 37 ປີ(17/10/1980 - 17/10/2017), ລະນຶກວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ ຄົບຮອບ 25 ປີ(17-24/10/1992-17-24/10/2017) ຂຶ້ນໃນຕອນເຊົ້າຂອງວັນທີ 26 ຕຸລາ ຜ່ານມານີ້, ທີ່ຫ້ອງປະຊຸມໃຫຍ່ກະຊວງດັ່ງກ່າວ. ໃຫ້ກຽດປະຖະກະຖາຂອງ ທ່ານ ຈິດທະວີໃສ ຫົວໜ້າກົມພັດທະນາຊົນນະບົດ ແລະ ສະຫະກອນ ກະຊວງກະສິກຳ ແລະ ປ່າໄມ້ ໂດຍການເຂົ້າຮ່ວມຂອງທ່ານ ຄຳພູ ດວງຖະໜອມ ຄະນະພັກກະຊວງ, ຫົວໜ້າກົມຈັດຕັ້ງ-ພະນັກງານ ກະຊວງ ປທສ, ພ້ອມດ້ວຍຄະນະພັກກະຊວງ, ຄະນະບັນດາກົມ/ທຽບເທົ່າ, ຄະນະອຳນວຍການ ບໍລິສັດລັດ ວິສາຫະກິດ ໄປສະນີ, ໂທລະຄົມມະນາຄົມ ອ້ອມຂ້າງກະຊວງ.

ການຈັດຕັ້ງໂຄສະນາ-ປາຖະກະຖາຄັ້ງນີ້ ແມ່ນເພື່ອເຮັດໃຫ້ສະມາຊິກພັກ, ພະນັກງານ-ລັດຖະກອນໄດ້ຮັບຮູ້ເຊື່ອມຊຶມກ່ຽວກັບຄວາມໝາຍຄວາມສຳຄັນ ປະຫວັດຄວາມເປັນມາຂອງວັນອາຫານໂລກ ຄົບຮອບ 37 ປີ, ລະນຶກວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ ແມ່ນມີຄວາມໝາຍຄວາມສຳຄັນ ສະແດງເຖີງ ຄວາມມຸ້ງໝັ້ນອັນເດັດດ່ຽວໜຽວແໜ້ນຂອງລັດຖະບານ ແລະ ຄວາມມຸ້ງມາດປາດຖະໜາອັນແຮງກ້າຂອງປະຊາຊົນລາວເຮົາໃນການແກ້ໄຂຄວາມທຸກຍາກ ແລະ ອຶດຫິວ ໃຫ້ຖືກຕ້ອງຕາມມູນເຊື້ອ ແລະ ທ່າແຮງຂອງຊາດ, ຊຸກຍູ້ການຈັດຕັ້ງປະຕິບັດຕາມຄາດໝາຍສູ້ຊົນຄື: ລຶບລ້າງຄວາມທຸກຍາກໃຫ້ໄດ້ໂດຍພື້ນຖານ ນຳພາປະເທດຊາດ ອອກຈາກສະຖານະພາບປະເທດຊາດດ້ອຍພັດທະນາ ໃຫ້ຫັນເປັນອຸດສະຫະກຳ ທີ່ທັນສະໄໝ, ສ້າງປະຖົມປັດໃຈພື້ນຖານ ກ້າວຂຶ້ນສັງຄົມນິຍົມຕາມທິດທາງຂອງພັກ-ລັດ ເພື່ອເຮັດໃຫ້ປະຊາຊົນມີຄວາມສາມັກຄີປອງດອງ, ຮັ່ງມີຜາສຸກ, ປະເທດຊາດເຂັ້ມແຂງ, ມີປະຊາທິປະໄຕ ຍຸຕິທຳ ແລະ ສີວິໄລ. ທັບມ້າງ ທຸກອຸປະສັກທຸກດ້ານ ທີ່ກົດໜ່ວງຖ່ວງດຶງ-ກິດຂວາງຂະບວນການແກ້ໄຂຄວາມທຸກຍາກ ແລະໄພອຶດຫິວ ຕາມເປົ້າໝາຍພັດທະນາທີ່ຍືນຍົງ SDG1 ທີ່ວ່າ: ລຶບລ້າງຄວາມທຸກແບບຂອງຄວາມທຸກຍາກ ຢູ່ທຸກບ່ອນໃນທົ່ວໂລກ ແລະ SDG2 ທີ່ວ່າ: ລຶບລ້າງຄວາມອຶດຫີວ, ບັນລຸການຄໍ້າປະກັນສະບຽງອາຫານ ແລະປັບປຸງໂພສະນາການ ສົ່ງເສີມການກະສິກໍາແບບຢືນຍົງ ແລະຖືອັນນີ້ເປັນພາລະກິດປະຫວັດສາດຂອງຕົນ. ພ້ອມນີ້, ທ່ານຍັງເນັ້ນໜັກໃຫ້ພະນັກງານ-ລັດຖະກອນພາຍໃນ ແລະ ອ້ອມຂ້າງກະຊວງໃຫ້ມີຄວາມຮູ້ ຄວາມເຂົ້າໃຈຢ່າງທົ່ວເຖີງກວ້າງຂວາງ ໃນວັນສາກົນ ແລະ ສັບປະດາແຫ່ງຊາດເພື່ອລຶກລ້າງຄວາມທຸກຍາກ.

ຂ່າວ: ໄພມະນີ ທອງແກ່ນແກ້ວ, ປທສ.