ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 82
  • ມື້ວານ1,067
  • ອາທິດນີ້7,633
  • ອາທິດກ່ອນ5,790
  • ເດືອນນີ້9,542
  • ເດືອນກ່ອນ28,282
  • ທັງໝົດ353,914
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ຖະແຫຼ່ງຂ່າວງານວາງສະແດງ “Lao ICT EXPO 2018”

ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີຖະແຫຼງຂ່າວການຈັດງານວາງສະແດງ “Lao ICT EXPO 2018” ຂຶ້ນທີ່ ໂຮງແຮມ ດອນຈັນ ພາເລດ, ໃນວັນທີ 07 ຕຸລາ 2017 ນີ້. ເປັນກຽດຖະແຫຼງຂ່າວໂດຍ ທ່ານ ທັນສະໄໝ ກົມມະສິດ ລັດຖະມົນຕີ ກະຊວງ ປທສ, ມີບັນດາແຂກທີ່ຖືກເຊີນມາຈາກບັນດາກະຊວງ, ອົງການທາບເທົ່າ, ບັນດາສະຖາບັນການສຶກສາ ແລະ ບັນດາບໍລິສັດຕ່າງໆ ເຂົ້າຮ່ວມຫຼາຍກ່ວາ 100 ທ່ານ.

ງານດັ່ງກ່າວແມ່ນຈະໄດ້ຈັດຂຶ້ນໃນລະຫວ່າງວັນທີ 24-28 ມັງກອນ 2018 ນີ້, ທີ່ ສູນການຄ້າ ລາວໄອເຕັກ, ນະຄອນຫຼວງວຽງຈັນ ໂດຍກະຊວງ ປທສ ຮ່ວມກັບ ສະມາຄົມການຄ້າ ໄອຊີທີລາວ ແລະ ກົມສົ່ງເສີມການຄ້າ ເປັນເຈົ້າພາບຈັດງານ Lao ICT Expo 2018 ຂຶ້ນ ເປັນຄັ້ງທີ II ຂອງ ສປປ ລາວ ພາຍໃຕ້ຫົວຂໍ້ “ການຫັນໄປສູ່ ການປະຕິຮູບ ດີຈິຕໍ” ເພື່ອເປັນການສ້າງເງື່ອນໄຂ ແລະ ໂອກາດໃຫ້ບັນດາຜູ້ປະກອບການດ້ານໄອຊີທີ ໄດ້ແລກປ່ຽນ ບົດຮຽນ ແລະ ຮ່ວມມືພັດທະນາ ທັງເປັນເວທີ ໃຫ້ພາກສ່ວນທຸລະກິດ ຂະໜາດນ້ອຍ ແລະ ກາງ ໄດ້ມາວາງ ສະແດງຜົນງານຂອງຕົນ ແລະ ແລກປ່ຽນບົດຮຽນກັບພາກສ່ວນອື່ນໆ, ເພື່ອເປັນການກະຕຸກຊຸກຍູ້ ແລະ ສົ່ງເສີມການນໍາໃຊ້ເຕັກໂນໂລຢີສື່ສານຂໍ້ມູນຂ່າວສານ ທີ່ເປັນເຄື່ອງມືຊ່ວຍພັດທະນາເສດຖະກິດ ຫັນເປັນທັນສະໄໝເຂົ້າໃນທຸກຂົງເຂດຂອງແຕ່ລະຂະແໜງ ການນັບມື້ນັບຫຼາຍຂຶ້ນ, ພ້ອມນັ້ນ ຍັງເປັນການສ້າງໂອກາດໃຫ້ສັງຄົມໄດ້ມາຮຽນຮູ້ກ່ຽວກັບການພັດທະນາເຕັກໂນໂລຊີສື່ສານຂໍ້ມູນຂ່າວສານ ຫຼື ICT ຂອງ ສປປ ລາວ ແລະ ຮຽນຮູ້ກ່ຽວກັບການນຳໃຊ້, ເຫັນໄດ້ເຖີງຄຸນປະໂຫຍດ ແລະ ຜົນກະທົບດ້ານລົບ ຂອງການນໍາໃຊ້ເຕັກໂນໂລຊີສື່ສານຂໍ້ມູນຂ່າວສານໃນວຽກງານຕ່າງໆ ຂອງສັງຄົມເພື່ອເປີດໂອກາດໃຫ້ປະຊາຊົນລາວ ໄດ້ຮັບຮູ້ຄວາມທັນສະໄໝຂອງການພັດທະນາເຕັກໂນໂລຊີສື່ ສານຂໍ້ມູນຂ່າວສານ ຫຼື ICT ຈາກບັນດາປະເທດ ທັງພາກພື້ນ ແລະ ສາກົນ.

ງານ Lao ICT Expo 2018 ນີ້ຖືວ່າ ເປັນງານໜື່ງທີ່ອອກແບບມາໃຫ້ມີຫຼາຍສີສັນ. ຊຶ່ງຜູ້ເຂົ້າຢ້ຽມຊົມງານຈະໄດ້ທັງຄວາມຮູ້, ຄວາມບັນເທີງ ແລະ ໂອກາດໃນການຂະຫຍາຍທຸລະກິດຂອງທ່ານໃຫ້ກ້າວຫນ້າ, ທັນຍຸກທັນສະໄຫມ. ຊຶ່ງພາຍໃນງານຈະປະກອບມີ: ການວາງສະແດງ ຜະລິດຕະພັນດ້ານເຕັກໂນໂລຊີສື່ສານຂໍ້ມູນຂ່າວສານ ເຊັ່ນ: ຜູ້ໃຫ້ບໍລິການດ້ານ ໂທລະຄົມມະນາຄົມ Data Center Solution, ICT Start-up communities, IOT Devices and Solutions, ງານສຳມະນາຕ່າງໆ ທັງລະດັບສາກົນ ແລະ ລະດັບຊາດ ເຊັ່ນ: ກອງປະຊຸມສົນທະນາການ ພັດທະນາໄອຊີທີຂອງອາຊຽນ ຄັ້ງທີ່ 6 (6th ASEAN CIO forum) ຊຶ່ງຈະມີຜູ້ແທນຈາກ ບັນດາປະເທດ ສະມາຊີກອາຊຽນເຂົ້້າຮ່ວມ, ນອກນັ້ນຍັງມີສໍາມະນາຮ່ວມກັບຜູ້ປະກອບການ ໃນຫົວຂໍ້ຕ່າງໆ ເຊັ່ນ Smart City, Cloud, Cyber Security, IOT ອີກທັງ ICT Recruiting zone. ນອກນັ້ນ, ຍັງມີກິດຈະກໍາຫຼາກຫຼາຍຢ່າງ ໃຫ້ແກ່ຜູ້ເຂົ້າຮ່ວມງານ ເຊັ່ນ: ການຊົມການສະແດງສິນລະປະ ແລະ ນັກຮ້ອງທີ່ມີຊື່ສຽງ ຂອງ ປະເທດ ລາວ ແລະ ປະເທດ ໄທ, ການແຂ່ງຂັນ ຖາມ-ຕອບ ທີ່ໃຫ້ ຄວາມຮູ້, ການຂາຍສີນຄ້າລາຄາຖືກ ແລະ ການຊິງໂຊກຮັບລາງວັນຕ່າງໆ.

ຂ່າວ: ຫ້ອງການ, ພະແນກປະຊາສໍາພັນ.