ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 81
  • ມື້ວານ1,067
  • ອາທິດນີ້7,632
  • ອາທິດກ່ອນ5,790
  • ເດືອນນີ້9,541
  • ເດືອນກ່ອນ28,282
  • ທັງໝົດ353,913
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ເຊັນບົດບັນທຶກຄວາມເຂົ້າໃຈ (MOU) ຮ່ວມກັນ ສາມຝ່າຍ

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ມີພິທີເຊັນບົດບັນທຶກຄວາມເຂົ້າໃຈ (MOU) ຮ່ວມກັນ ສາມຝ່າຍ ລະຫວ່າງ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ (LaoCERT), ບໍລິສັດ ດາຕາຄອມ ຈໍາກັດ ແລະ ບໍລິສັດ ພລັດຄູລິດ ເທັກໂນໂລຊີ ປະເທດ ສິງກະໂປ, ໃນຕອນບ່າຍຂອງມື້ວັນທີ 10 ພະຈິກ 2017, ທີ່ໂຮງແຮມດອນຈັນພາເລດ, ໂດຍມີພາກສ່ວນກ່ຽວຂ້ອງເຂົ້າຮ່ວມ.

ການເຊັນບົດບັນທຶກດັ່ງກ່າວ ແມ່ນເພື່ອເປັນການເປີດບໍລິການ, ຈັດຫຼັກສູດຝຶກອົບຮົມທາງດ້ານເຕັນນິກຄວາມປອດໄພທາງໄຊເບີ (Cyber) ຂັ້ນສູງ ຢູ່ ສປປ ລາວ, ໂດຍແນໃສ່ ການໃຫ້ບໍລິການສັງຄົມທົ່ວໄປ ພ້ອມທັງເປັນການສົ່ງເສີມໃຫ້ບຸກຄະລາກອນຂອງພາກລັດ ແລະ ພາກເອກະຊົນ ມີໂອກາດຍົກລະດັບຄວາມຮູ້ໃນວຽກງານຄວາມປອດໄພທາງໄຊເບີ ໃຫ້ຫຼາຍຂຶ້ນ ແລະ ເປັນການເສີມສ້າງຄວາມເຂັ້ມແຂງໃນການສ້າງຄວາມອາດສາມາດໃນການຮັກສາຄວາມປອດໄພທາງ ໄຊເບີ (Cyber) ໃຫ້ທັນສະພາບການ.

ຊຶ່ງປັດຈຸບັນ ຄອມພິວເຕີ ແລະ ອິນເຕີເນັດໄດ້ກາຍມາເປັນພາກສ່ວນໜຶ່ງທີ່ສ້າງຄວາມສະດວກ, ສະບາຍ ໃນວຽກງານ ແລະ ການດຳລົງຊີວິດຂອງຄົນເຮົາ ແຕ່ໃນທາງກັບກັນ ຄອມພິວເຕີ ແລະ ອິນເຕີເນັດກໍ່ຍັງສົ່ງຜົນກະທົບຕໍ່ ເສດຖະກິດ-ສັງຄົມ ເຊັ່ນ: ການບຸກລຸກຂອງໄວລັສຄອມພິວເຕີ, ການບຸກຊ່ອງໂວ່, ການຮົ່ວໄຫຼຂອງຂໍ້ມູນຂ່າວສານ, ການໂຈມຕີທາງໄຊເບີ (Cyber) ແລະ ອື່ນໆ. ຈາກການບັນທຶກສະຖິຕິຂອງເຫດການທີ່ເກີດຂຶ້ນໃນ ສປປ ລາວ ປີ 2016 ທີ່ຜ່ານມາ ເຫັນວ່າມີເວັບໄຊທີ່ຖືກທຳລາຍເຖິງ 34%, ການໂຈມຕີແບບປະຕິເສດການໃຫ້ບໍລິການ (Denial of service) ມີເຖິງ 25%, ມໍແວ (Malware) 17%, ສະແປມ (Spam) 8%, ຝິດຊິ້ງ (Fishing) ແລະ ການສະແກນຊ່ອງໂວ່ຂອງເຄືອຂ່າຍ 8%. ເພາະສະນັ້ນ, ໄພຄຸກຄາມຈາກໄຊເບີ (Cyber) ມີຄວາມຈຳເປັນຢ່າງຍິ່ງທີ່ທາງພາກລັດ ແລະ ເອກະຊົນຕ້ອງໄດ້ສົ່ງເສີມ ເພື່ອສ້າງຄວາມເຂັ້ມແຂງ, ຄວາມອາດສາມາດໃນການກໍ່ສ້າງບຸກຄະລາກອນ ແລະ ສ້າງພະນັກງານດ້ານເຕັກນິກວິຊາການ ໃນການປ້ອງກັນໂຄງລ່າງພື້ນຖານຂໍ້ມູນຂ່າວສານຂອງຂະແໜງການຕົນ.

ຂ່າວ: ສູນລາວເຊີດ, ປທສ.