ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 81
  • ມື້ວານ1,067
  • ອາທິດນີ້7,632
  • ອາທິດກ່ອນ5,790
  • ເດືອນນີ້9,541
  • ເດືອນກ່ອນ28,282
  • ທັງໝົດ353,913
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ເຊື່ອມຊຶມມະຕິ 5 ສະໄໝທີ X ຂອງພັກ

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມເຊື່ອມຊຶມ ມະຕິກອງປະຊຸມຄົບຄະນະ ຄັ້ງທີ 5 ຂອງຄະນະບໍລິຫານງານສູນກາງພັກ ສະໄໝທີ X ໃນວັນທີ 17 ພະຈິກ ຜ່ານມານີ້, ໃຫ້ກຽດເຊື່ອມຊຶມເອກະສານຂອງ ສະຫາຍ ປອ ທັນສະໄໝ ກົມມະສິດ, ກຳມະການສູນກາງພັກ, ເລຂາຄະນະພັກກະຊວງ . ໂດຍການເຂົ້າຮ່ວມຂອງສະຫາຍຮອງເລຂາຄະນະພັກ, ຄະນະປະຈຳພັກ, ຄະນະພັກກະຊວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໃນກອງປະຊຸມ ສະຫາຍ ປອ ທັນສະໄໝ ກົມມະສິດ, ກຳມະການສູນກາງພັກ, ເລຂາຄະນະພັກກະຊວງ ໄດ້ກ່າວວ່າ: ກອງປະຊຸມເຊື່ອມຊຶມເອະສານຄັ້ງນີ້ແມ່ນເພື່ອເຮັດໃຫ້ຄະນະພັກທຸກຂັ້ນ, ສະມາຊິກພັກທຸກສະຫາຍ ໄດ້ມີຄວາມຮັບຮູ້ເຂົ້າໃຈ, ກຳແໜ້ນ, ເຊື່ອມຊຶມ ແລະ ເປັນເອກະພາບສູງ ຕໍ່ບັນດາເນື້ອໃນທີ່ສຳຄັນຂອງມະຕິກອງປະຊຸມຄົບຄະນະ ຄັ້ງທີ 5 ຂອງຄະນະບໍລິຫານງານສູນກາງພັກ ສະໄໝທີ X ແລະ ເພື່ອຫັນມະຕິດັ່ງກ່າວເປັນທິດທາງ, ວຽກງານ ແລະ ເປັນແຜນປະຕິບັດງານລະອຽດຂອງອົງຄະນະພັກຕົນ ແລະ ເພື່ອຍົກສູງຄວາມເປັນເຈົ້າການ ຄວາມສາມາດໃນການນຳພາ ຈັດຕັ້ງຜັນຂະຫຍາຍ ມະຕີ 5 ສະໄໝທີ X ຕິດພັນກັບການສືບຕໍ່ຈັດຕັ້ງປະຕິບັດ ມະຕິ 4 ສະ ໄໝທີ X ເພື່ອຍູ້ແຮງຂະບວນການຮອບດ້ານຢູ່ຂະແໜງການຕົນ ໃຫ້ຟົດຟື້ນ,ແຂງແຮງ, ຕໍ່ເນື່ອງ ເຂົ້າສູ່ລວງເລີກ ແລະ ປະເມີນຄືນກ່ຽວກັບໝາກຜົນເບື້ອງຕົ້ນການດຳເນີນຊີວິດການເມືອງປັບປຸງປົວແປງທົ່ວອົງຄະນະພັກຕົນ ຕິດພັນກັບການປັບປຸງກົງຈັກການຈັດຕັ້ງ, ແບບແຜນວິທີເຮັດວຽກ, ແບບແຜນດຳລົງຊີວິດ ແລະ ແກ້ໄຂປະກົດການຫຍໍ້ທໍ້ ໃນການຈັດຕັ້ງ ແລະ ຖັນແຖວສະມາຊີກພັກ-ພະນັກງານ.

ທ່ານຍັງໄດ້ຍົກໃຫ້ເຫັນເຖິງການຜັນຂະຫຍາຍ ແລະ ຈັດຕັ້ງປະຕິບັດມະຕິ ຄັ້ງທີ່ 4 ສະໄໝທີ X ໃນໄລຍະຜ່ານມາ ແລະ ທິດທາງລວມ ຕ້ອງສຸມໃສ່ສ້າງການຫັນປ່ຽນອັນແຂງແຮງຢູ່ພາຍໃນພັກ, ນຳພາການພັດທະນາເສດຖະກິດສັງຄົມ, ສ້າງປັບປຸງ ແລະ ປະຕິບັດນະໂຍບາຍອັນຈຳເປັນ, ຕັ້ງໜ້າແກ້ໄຂບັນດາຂໍ້ຄົງຄ້າງ ແລະ ສົມທົບໃນການຈັດຕັ້ງຜັນຂະຫຍາຍມະຕິ ຄັ້ງທີ 4 ສະໄໝທີ X ແລະ ໜ້າທີ່ຈຸດສຸມໃນຕໍ່ໜ້າທີ່ຈະຕ້ອງໄດ້ເອົາໃຈໃສ່ວຽກງານປ້ອງກັນຊາດ-ປ້ອງກັນຄວາມສະຫງົບ,ວຽກພົວພັນຕ່າງປະເທດ, ວຽກງານລັດ,ວຽກງານແນວໂຮມ ແລະ ອົງການຈັດຕັ້ງມະຫາຊົນຂອງພັກ ແລະ ວຽກພັກ-ພະນັກງານ .

ທ່ານຍັງໄດ້ກ່າວຕື່ມອິກວ່າ: ວຽກງານຄຸ້ມຄອງ ພັດທະນາທີ່ດິນໃນໄລຍະໄໝ ແລະ ການສົ່ງເສີມວິສາຫະກິດຂະໜາດນ້ອຍ ແລະ ຂະໜາດກາງ ກໍ່ເປັນວຽກໜຶ່ງທີ່ສຳຄັນ ແລະ ຈຳເປັນຈະຕ້ອງໄດ້ ຄຸ້ມຄອງ ພັດທະນາ ແລະ ສົ່ງເສີມ ຕາມນະໂຍບາຍຂອງພັກ-ລັດ. ໃນຕອນທ້າຍທ່ານຍັງໄດ້ເໜັ້ນໜັກ ແລະ ຊີ້ນຳໃຫ້ໜ່ວຍພັກບັນດາກົມ/ທຽບເທົ່າ ແລະ ຄະນະພັກຮາກຖານ ບໍລິສັດ ລັດວິສາຫະກິດ ໄປສະນີ, ໂທລະຄົມມະນາຄົມ ນຳເອົາເນື້ອໃນກອງປະຊຸມເຊື່ອຊຶມ ມະຕິກອງປະຊຸມຄະນະ ຄັ້ງທີ 5 ຂອງຄະນະບໍລິຫານງານສູນກາງພັກ ສະໄໝທີ X ໄປຈັດຕັ້ງເຊື່ອມຊຶມໃຫ້ສະມາຊິກພັກ-ພະນັກງານຂອງຕົນ ໄດ້ຮັບຮູ້ ເຂົ້າໃຈຢ່າງເລີກເຊີ່ງ ແລະ ທົ່ວເຖິງ.

ຂ່າວ: ກົມຈັດຕັ້ງ-ພະນັກງານ..