ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 80
  • ມື້ວານ1,067
  • ອາທິດນີ້7,631
  • ອາທິດກ່ອນ5,790
  • ເດືອນນີ້9,540
  • ເດືອນກ່ອນ28,282
  • ທັງໝົດ353,912
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ປຶກສາຫາລື ແກ້ໄຂບັນຫາອິນເຕີເນັດຊ້າ.

ກະຊວງ ໄປສະນີ ໂທລະຄົມມະນາຄົມ ແລະການສື່ສານ (ປທສ) ໄດ້ຈັດກອງປະຊຸມປຶກສາຫາລື ເພື່ອແກ້ໄຂ ບັນຫາອິນເຕີເນັດຊ້າ, ລາຄາແພງ ແລະ ການຈັດໂປໂມຊັ້ນຕ່າງໆ ຂຶ້ນເມື່ອບໍ່ດົນມານີ້, ທີ່ສູນຝຶກອົບຮົມຄື້ນຄວາມຖີ່. ໂດຍການເປັນປະທານຂອງ ທ່ານ ວັນເພງ ໄຊຍະກອນ, ຫົວໜ້າອົງການດັດສົມໂທລະຄົມມະນາຄົມ (ອດທ), ປທສ ມີຜູ້ຕາງໜ້າຈາກບັນດາບໍລິສັດ ລັດວິສາຫະກິດ ລາວໂທລະຄົມ, ບໍລິສັດ ອີທີແອລ ຈຳກັດ, ບໍລິສັດ ວີມເປວຄອມລາວ ຈຳກັດ, ບໍລິສັດ ສະຕຣາໂທລະຄົມ ຈຳກັດ ແລະ ພະນັກງານວິຊາການ ທີ່ກ່ຽວຂ້ອງເຂົ້າຮ່ວມ

ໃນກອງປະຊຸມ ໄດ້ເປີດໂອກາດໃຫ້ແຕ່ພາກສ່ວນໄດ້ປະກອບຄຳຄິດເຫັນ ພ້ອມດ້ວຍແລກປ່ຽນກ່ຽວກັບບັນຫາດັ່ງກ່າວ ແລະ ໄດ້ມີມະຕິຕົກລົງມອບໃຫ້ບັນດາບໍລິສັດທີ່ໃຫ້ບໍລິການດ້ານ ໂທລະຄົມມະນາຄົມ ຮັບຜິດຊອບແກ້ໄຂ ແລະ ຊີ້ແຈງບັນຫາດັ່ງກ່າວ ຕໍ່ສັງຄົມ ກໍ່ຄືລູກຄ້າຂອງຕົນເອງ ກ່ຽວກັບບັນຫາອິນເຕີເນັດຊ້າ, ການນຳໃຊ້ດາຕ້າທີ່ຖືກຕັດເງິນຫລາຍ ແລະເຮັດໃຫ້ຜູ້ຊົມໃຊ້ ມີຄວາມເຂົ້າໃຈຢ່າງຖືກຕ້ອງຕໍ່ລະບົບເຕັກນິກ ພ້ອມທັງວິທີການນຳໃຊ້ ເຄື່ອງມືການສື່ສານຕ່າງໆ ເຊັ່ນວ່າ: ການສະໝັກແພັກເກັດ, ການຕັດເງິນຂອງແຕ່ລະແພັກເກັດ, ການນຳໃຊ້ດາຕ້າຂອງແອັບພິເຄຊັນ.

ໃນໂອກາດດັ່ງກ່າວ, ທ່ານ ວັນເພງ ໄຊຍະກອນ ຍັງໄດ້ເນັ້ນຕື່ມ ໃຫ້ບັນດາບໍລິສັດ ເລັ່ງປັບປຸງຄືນຄຸນນະພາບການບໍລິການຂອງຕົນເອງ ໃຫ້ທັນກັບຄວາມຕ້ອງການຂອງລູກຄ້າ ໂດຍການຂະຫຍາຍຕາໜ່າງເຄື່ອຂ່າຍ ໃຫ້ທົ່ວເຖິງພື້ນທີ່ ທີ່ຫ່າງໄກຊອກຫຼີກ ແລະ ຈັດຕັ້ງລະບົບການແຈ້ງເຕືອນກ່ອນດ້າຕ້າໝົດ ຫຼື ການຕັດເງິນໃນທຸກແພັກເກັດການນໍາໃຊ້ຕ້ອງຊັດເຈນ, ເຂົ້າໃຈງ່າຍ ແລະຖືກຕ້ອງ. ສ່ວນການຈັດໂປຼໂມຊັນຕ່າງໆ ແມ່ນຕ້ອງໄດ້ປະຕິບັດຕາມລະບຽບການຂອງກະຊວງ ປທສ ວາງອອກຢ່າງເຂັ້ມງວດ.

ຂ່າວ: ອົງການດັດສົມໂທລະຄົມມະນາຄົມ.