ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 81
  • ມື້ວານ1,067
  • ອາທິດນີ້7,632
  • ອາທິດກ່ອນ5,790
  • ເດືອນນີ້9,541
  • ເດືອນກ່ອນ28,282
  • ທັງໝົດ353,913
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ສ້າງຂະບວນການ ລະນຶກວັນສາກົນລຶບລ້າງການໃຊ້ຄວາມຮຸນແຮງຕໍ່ແມ່ຍິງ.

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ສ້າງຂະບວນການອອກກຳລັງກາຍ (ເຕັ້ນແອໂລບິກ) ເພື່ອລະນຶກວັນສາກົນ ລຶບລ້າງການໃຊ້ຄວາມຮຸນແຮງຕໍ່ແມ່ຍິງ (25 ພະຈິກ 2017) ຂຶ້ນໃນວັນທີ 24 ພະຈິກ ຜ່ານມານີ້, ທີ່ເດີ່ນພະທາດຫຼວງວຽງຈັນ ພາຍໃຕ້ຄໍາຂັວັນ “ ບໍ່ປະຜູ້ໃດໄວ້ຂ້າງຫຼັງ, ຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ ”. ໂດຍການເປັນປະທານກ່າວເປີດງານຂອງ ທ່ານ ຖາວອນ ສົມສະກຸນ ຄະນະນະພັກກະຊວງ ປທສ, ຜູ້ອໍານວຍການໃຫຍ່ ບໍລິສັດ ລັດວິສາຫະກິດ ລາວໂທລະຄົມມະນາຄົມ, ມີບັນດາທ່ານຄະນະກຳມາທິການ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ກະຊວງ ປທສ ແລະ ບັນດາບໍລິສັດ ລັດວິສາຫະກິດ ພ້ອມດ້ວຍພະນັກງານອ້ອມຂ້າງກະຊວງ ເຂົ້າຮ່ວມ.

ທ່ານ ຖາວອນ ສົມສະກຸນ ໄດ້ກ່າວວ່າ: ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ ເປັນບັນຫາທີ່ເກີດຂຶ້ນ ດົນນານມາແລ້ວ ໃນທົ່ວໂລກ ແລະ ປະຈຸບັນ ກໍເປັນປະກົດການຫຍໍ້ທໍ້ອັນໜຶ່ງ ໃນສັງຄົມ ແລະ ສົ່ງຜົນກະທົບທາງລົບ ຕໍ່ການພັດທະນາເສດຖະກິດ-ສັງຄົມ ເວົ້າລວມ, ເວົ້າສະເພາະແມ່ນເປັນອັນຕະລາຍຕໍ່ຮ່າງກາຍ, ຊີວິດຈິດໃຈ, ອາລົມຈິດຂອງແມ່ຍິງ ແລະ ເດັກ. ຊຶ່ງການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ ແມ່ນມີຫຼາຍສາເຫດ ແຕ່ສາເຫດຕົ້ນຕໍ ແມ່ນຍ້ອນຮີດຄອງປະເພນີ, ທຳນຽມປະຕິບັດ, ຄວາມເຊື່ອຖື, ຄວາມທຸກຍາກ, ທັດສະນະຂອງສັງຄົມຕໍ່ແມ່ຍິງ, ລະດັບການສຶກສາ ແລະ ອື່ນໆ. ຍ້ອນເຫັນໄດ້ຄວາມສຳຄັນ ຕໍ່ບັນຫາດັ່ງກ່າວ, ອົງການສະຫະປະຊາຊາດ ຈຶ່ງໄດ້ຮັບຮອງເອົາຖະແຫຼງການວ່າດ້ວຍການລຶບລ້າງການໃຊ້ຄວາມຮຸນແຮງຕໍ່ແມ່ຍິງຢູ່ກອງປະຊຸມ ສະມັດຊາໃຫຍ່ອົງການສະຫະປະຊາຊາດໃນ ປີ 1993 ແລະ ກຳນົດເອົາວັນ ທີ 25 ພະຈິກ ຂອງທຸກໆປີເປັນວັນສາກົນເພື່ອລຶບລ້າງຄວາມຮຸນແຮງຕໍ່ແມ່ຍິງໃນທົ່ວໂລກ.

ໃນໂອກາດດຽວກັນນີ້ ກະຊວງ ປທສ ຈຶ່ງໄດ້ຈັດກິດຈະກໍາ ອອກກຳລັງກາຍ (ເຕັ້ນແອໂລບິກ) ເພື່ອລະນຶກວັນສາກົນລຶບລ້າງການໃຊ້ຄວາມຮຸນແຮງຕໍ່ແມ່ຍິງ ໃນຂະນະທີ່ພວກເຮົາກຳລັງຢູ່ໃນທ່າມກາງ ບັນຍາກາດທີ່ທົ່ວພັກ, ທົ່ວກອງທັບ ແລະ ທົ່ວປວງຊົນລາວທັງຊາດ ພວມກະກຽມຈັດຕັ້ງການສະເຫຼີມສະຫຼອງວັນສໍາຄັນຕ່າງໆຂອງຊາດ ເປັນຕົ້ນ: ວັນຊາດທີ 2 ທັນວາ ແລະ ວັນຄ້າຍວັນເກີດຂອງທ່ານ ປະທານ ໄກສອນ ພົມວິຫານ.

ຂ່າວ: ນ. ດາວອນ ສົມມະນີ, ປທສ.