ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 54
  • ມື້ວານ1,066
  • ອາທິດນີ້8,164
  • ອາທິດກ່ອນ9,214
  • ເດືອນນີ້21,383
  • ເດືອນກ່ອນ26,947
  • ທັງໝົດ480,113
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ລະນຶກວັນສາກົນລຶບລ້າງການໃຊ້ຄວາມຮຸນແຮງຕໍ່ແມ່ຍິງ

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີປາຖະກະຖາ ລະນຶກວັນສາກົນລຶບລ້າງການໃຊ້ຄວາມຮຸນແຮງຕໍ່ແມ່ຍິງ ຂຶ້ນເມື່ອບໍ່ດົນມານີ້, ທີ່ຫ້ອງປະຊຸມໃຫຍ່ກະຊວງດັ່ງກ່າວ. ໃຫ້ກຽດຂຶ້ນປາຖະກະຖາໂດຍທ່ານ ທອງໃສ ຊານໄຊຍະ ຮອງລັດຖະມົນຕີ, ຄະນະກໍາມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ, ປະທານຄະນະກໍາມາທິການ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ກະຊວງ ປທສ. ມີພາກສ່ວນກ່ຽວຂ້ອງເຂົ້າຮ່ວມ.

ການຈັດພິທີປາຖະກະຖາ ຄັ້ງນີ້ແມ່ນ ເພື່ອເປັນການໂຄສະນາເຜີຍແຜ່ໃຫ້ພະນັກງານ-ລັດຖະກອນ ໃຫ້ຮັບຮູ້ ແລະ ເຂົ້າໃຈແນວທາງນະໂຍບາຍຂອງພັກ ໃນການສົ່ງເສີມຄວາມສະເໝີພາບຍິງ-ຊາຍ, ການຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ, ເປັນການສ້າງຈິດສໍານຶກໃຫ້ມີຄວາມຮັບຮູ້ ແລະ ເຂົ້າໃຈຢ່າງຖືກຕ້ອງວ່າ ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ ເປັນການລ່ວງລະເມີດສິດທິຂອງແມ່ຍິງ ແລະ ເດັກ ໃນສັງຄົມ.

ທ່ານ ທອງໃສ ຊານໄຊຍະ ໄດ້ກ່າວວ່າ: ວັນທີ 25 ພະຈິກ ທຸກໆປີ ຖືເປັນວັນສາກົນຢຸດຕິຄວາມຮຸນແຮງຕໍ່ແມ່ຍິງ, ເຊິ່ງໄດ້ຖືກຮັບຮອງເອົາຢ່າງເປັນທາງການ ຕາມມະຕິຕົກລົງຂອງອົງການສະຫະປະຊາຊາດ ສະບັບເລກທີ A/RES/54/134, ລົງວັນທີ 7 ກຸມພາ 2000. ນັບແຕ່ນັ້ນມາ ວັນທີ 25 ພະຈິກ ຂອງທຸກປີ ຈຶ່ງໄດ້ກາຍເປັນສັນຍາລັກຂອງການຢຸດຕິຄວາມຮຸນແຮງຕໍ່ແມ່ຍິງ ແລະ ເພື່ອໃຫ້ບັນດາປະເທດສະມາຊິກຂອງອົງການສະຫະປະຊາຊາດ ແລະ ບັນດາປະເທດຕ່າງໆ ໃນໂລກ ໄດ້ພ້ອມກັນລະນຶກເຖິງເຫດການຄວາມຮຸນແຮງຕໍ່ແມ່ຍິງທີ່ເກີດຂຶ້ນໃນທົ່ວໂລກ.

ນອກນັ້ນ, ທ່ານຍັງໄດ້ກ່າວຕື່ມອີກວ່າ: ວັນທີ 25 ພະຈິກ ໄດ້ຖືກຍົກຂຶ້ນທໍາອິດໃນອາເມລິກາລາຕິນ ແລະ ໄດ້ຄ່ອຍໆ ແຜ່ຂະຫຍາຍອອກໄປສູ່ປະເທດຕ່າງໆ ໃນທົ່ວໂລກ ໃຫ້ເປັນວັນສາກົນຢຸດຕິຄວາມຮຸນແຮງຕໍ່ແມ່ຍິງ ແລະ ໄດ້ຖືກປະກາດເປັນຄັ້ງທຳອິດໃນກອງປະຊຸມນັກເຄື່ອນໄຫວສົ່ງເສີມດ້ານສິດທິແມ່ຍິງໃນຂົງເຂດອາເມລິກາລາຕິນ ແລະ ຄາຣິບຽນ ເຊິ່ງຈັດຂຶ້ນທີ່ນະຄອນໂບໂກຕາ ປະເທດ ໂກລົມເບຍ ລະຫວ່າງວັນທີ 18-21 ກໍລະກົດ 1981 ເພື່ອລະນຶກເຖິງວິລະກຳຂອງສາມເອື້ອຍນ້ອງຕະກູນ ມີຣາບານ (Mirabal) ຈາກສາທາລະນະລັດໂດມີນີແກນ ທີ່ຖືກລອບຄາດຕະກຳຢ່າງໂຫດຮ້າຍປ່າເຖື່ອນໃນປີ 1960 ໃນລະບອບຜະເດັດການຂອງ ຣາຟາເອລ ທຣູກີໂລ (Rafael Trujillo 1930-1961). ວັນດັ່ງກ່າວໄດ້ຖືກກໍານົດເປັນວັນລະນຶກ ແລະ ໄວ້ອາໄລເຖິງສາມເອື້ອຍນ້ອງຕະກູນ ມີຣາບານ (Mirabal) ເຊິ່ງທົ່ວໂລກໄດ້ຮັບຮູ້ວ່າເປັນວັນຕ້ານຄວາມຮຸນແຮງບົນພື້ນຖານທາງເພດ.

ໃນຕອນທ້າຍ ທ່ານປະທານໄດ້ຮຽກຮ້ອງໃຫ້ຄະນະກົມ/ທຽບເທົ່າ ແລະ ຄະນະອໍານວຍການບໍລິສັດ ລັດວິສາຫະກິດ ນໍາເອົາເນື້ອໃນບົດປາຖະກະຖາລະນຶກວັນສາກົນຢຸດຕິຄວາມຮຸນແຮງຕໍ່ແມ່ຍິງ ວັນທີ 25 ພະຈິກ ໄປຈັດຕັ້ງໂຄສະນາເຜີຍແຜ່ໃຫ້ພະນັກງານ-ລັດຖະກອນ ໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ ແລະ ທົ່ວເຖິງ.

ຂ່າວ: ຫ້ອງການ, ພະແນກສົ່ງເສີມຄວາມກ້າວໜ້າຂອງແມ່ ແລະ ເດັກ.


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 54
  • ມື້ວານ1066
  • ອາທິດນີ້8164
  • ອາທິດກ່ອນ9214
  • ເດືອນນີ້21383
  • ເດືອນກ່ອນ26947
  • ທັງໝົດ480113
Loding...