ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 54
  • ມື້ວານ1,066
  • ອາທິດນີ້8,164
  • ອາທິດກ່ອນ9,214
  • ເດືອນນີ້21,383
  • ເດືອນກ່ອນ26,947
  • ທັງໝົດ480,113
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມວຽກງານຂະແໜງການໄປສະນີ, ໂທລະຄົມມະນາຄົມ ແລະການສື່ສານ ອັດລົງດ້ວຍຜົນສໍາເລັດ

ກອງປະຊຸມວຽກງານຂະແໜງການໄປສະນີ, ໂທລະຄົມມະນາຄົມ ແລະການສື່ສານ ປີ 2017 ແລະກອງປະຊຸມວຽກງານ ໄອຊີທີ ປີ 2017 ອັດລົງດ້ວຍຜົນສໍາເລັດອັນຈົບງາມ ທີ່ສູນການຄ້າລາວ-ໄອເຕັກ ໃນຕອນສວຍຂອງວັນທີ 24 ມັງກອນ ຜ່ານມານີ້ ໂດຍການເປັນປະທານຂອງ ທ່ານ ສົມດີ ດວງດີ ກໍາມະການສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ມີບັນດາທ່ານລັດຖະມົນຕີ/ຮອງລັດຖະມົນຕີ, ຮອງເຈົ້າຄອງນະຄອນຫຼວງ/ຮອງເຈົ້າ ແຂວງ, ຄະນະກົມ/ທຽບເທົ່າ ແລະຄະນະພະແນກ ປທສ ແຂວງ ພ້ອມດ້ວຍແຂກທີ່ຖືກເຊີນເຂົ້່າຮ່ວມ.

ໃນກອງປະຊຸມ ທ່ານ ປອ. ທັນສະໄໝ ກົມມະສິດ ລັດຖະມົນຕີກະຊວງ ໄປສະນີ, ໂທລະຄົມມະນາຄົມ ແລະການສື່ສານ (ປທສ) ໄດ້ລາຍງານຜົນຂອງກອງປະຊຸມວຽກງານຂະແໜງການໄປສະນີ, ໂທລະຄົມ ແລະທິດທາງແຜນການ ປະຈໍາປີ 2018 ຊຶ່ງຈະໄດ້ສືບຕໍ່ຈັດຕັ້ງຜັນຂະຫຍາຍແນວທາງຂອງພັກ ແລະ ແຜນພັດທະນາເສດຖະກິດ-ສັງຄົມ ໃຫ້ເປັນອັນລະອຽດ ໃນຂົງເຂດໄປສະນີ, ໂທລະຄົມມະນາຄົມ ແລະ ການສື່ສານ ເພື່ອເຮັດໃຫ້ວຽກງານດັ່ງກ່າວ ກາຍເປັນກຳລັງຂັບເຄື່ອນທີ່ແຂງແຮງ ເຂົ້າໃນການພັດທະນາເສດຖະກິດ, ສັງຄົມ, ວັດທະນະທຳ, ສິ່ງແວດລ້ອມ, ວຽກງານປ້ອງກັນຊາດ ແລະ ປ້ອງກັນຄວາມສະຫງົບ, ການເຊື່ອມຍົງກັບພາກພື້ນ ແລະ ສາກົນ.

ໃນຕອນທ້າຍ ທ່ານ ສົມດີ ດວງດີ ໄດ້ໃຫ້ກຽດໂອ້ລົມຕໍ່ກອງປະຊຸມ ກ່ອນອື່ນໝົດທ່ານໄດ້ກ່າວຊົມເຊີຍຄໍາຂວັນຂອງກອງປະຊຸມ ໃນຫົວຂໍ້“ ສົ່ງເສີມ, ນຳໃຊ້ ໄອຊີທີ (ICT) ເຂົ້າໃນ ເອັດເອັມອີ (SME) ແລະ ສະຕາດອັບ (Start up) ເພື່ອຂັບເຄື່ອນເສດຖະກິດ ດີຈີຕອນ ’’ ທີ່ສ່ອງແສງເຖິງ ຄວາມຮັບຜິດຊອບຂອງທຸກຂະແໜງການ ແລະ ສັງຄົມ ຕໍ່ວຽກງານໄອຊີທີ. ຊຶ່ງທ່ານໄດ້ຍົກໃຫ້ເຫັນວ່າ ໃນປະຈຸບັນເຕັກໂນໂລຊີການສື່ສານ ຂໍ້ມູນຂ່າວສານ ຫຼື ໄອຊີທີໄດ້ມີບົດບາດສໍາຄັນ ຊ່ວຍໃຫ້ວຽກງານຂອງທຸກຂະແໜງການ, ທ້ອງຖິ່ນ ມີປະສິດທິພາບ ແລະ ວ່ອງໄວ ທີ່ທັນໄຫມ ແລະ ປະຢັດງົບປະມານ. ການນໍາໃຊ້ລະບົບໄອຊີທີ ຈຶ່ງກາຍເປັນຄວາມຈໍາເປັນແກ່ທຸກພາກສ່ວນ ໃນລະດັບທີ່ແຕກຕ່າງ. ດັ່ງນັ້ນ ການລວມສູນ ລະບົບການສື່ສານ ແມ່ນຄວາມຈໍາເປັນຢ່າງຍິ່ງ ທີ່ຕ້ອງໄດ້ປະຕິບັດ ເພື່ອສະດວກໃນການຄຸ້ມຄອງ ໂດຍສະເພາະ ແມ່ນບັນດາບໍລິສັດລັດວິສາຫະກິດ ຕ້ອງໄດ້ເອົາໃຈໃສ່ປະຕິບັດກົດໝາຍ ແລະ ລະບຽບການຢ່າງເຂັ້ມງວດ ເປັນຕົ້ນ ການປະຕິບັດພັນທະຕໍ່ລັດຖະບານ ແລະ ການຂະຫຍາຍເຄື່ອຂ່າຍທາງດ້ານໄປສະນີ ແລະ ໂທລະຄົມມະນາຄົມໄປສູ່ເຂດຊົນນະບົດ, ໃນການສ້າງເງື່ອນໄຂ ຫັນເປັນທັນສະໄໝ ດ້ວຍມາດຕະຖານສູງ ເພື່ອໃຫ້ບໍລິການແກ່ສັງຄົມ ມີຄວາມສະດວກ, ວ່ອງໄວ, ປອດໄພ, ທົ່ວເຖິງ, ມີຄຸນນະພາບ ແລະ ລາຄາສົມເຫດສົມຜົນ ເຊື່ອມໂຍງເຂົ້າກັບພາກພື້ນ ແລະ ສາກົນໄດ້ຢ່າງມີປະສິດທິພາບ.

ໃນໂອກາດນີ້ ທ່ານໄດ້ເນັ້ນໜັກໃຫ້ຂະແໜງການ ປທສ ເລັ່ງປັບປຸງ ແລະ ສ້າງກົດໝາຍ, ນິຕິກໍາລຸ່ມກົດໝາຍ ໃຫ້ຮັດກຸມ ແລະ ຄົບຖ້ວນ ເພື່ອຫັນການຄຸ້ມຄອງລັດດ້ານໄປສະນີ, ໂທລະຄົມມະນາຄົມ ແລະ ການສື່ສານ ດ້ວຍກົດໝາຍ. ພ້ອມກັນນັ້ນ, ກໍ່ຕ້ອງເຜີຍແຜ່ ແລະ ບັງຄັບໃຊ້ນິຕິກຳທີ່ມີຢູ່ແລ້ວໃຫ້ໄດ້ຮັບຜົນດີ. ທັງເຮັດໜ້າທີ່ກວດກາ-ຢັ້ງຢືນມາດຕະຖານເຕັກນິກ ຂອງອຸປະກອນໂທລະຄົມໃຫ້ສອດຄ່ອງກັບສາກົນ, ມີມາດຕະຖານຄຸນນະພາບການໃຫ້ບໍລິການດ້ວຍລາຄາທີ່ເປັນທຳ ແກ່ຜູ້ຊົມໃຊ້, ພ້ອມທັງ ສືບຕໍ່ເຜີຍແຜ່ ແລະ ສ້າງຄວາມເຂົ້າໃຈໃຫ້ສັງຄົມ ຕໍ່ການນໍາໃຊ້ສື່ສັງຄົມອອນລາຍ ຢ່າງມີຈັນຍາບັນ ແລະ ມີຄວາມຮັບຜິດຊອບ ນໍາໃຊ້ໃນທາງທີ່ດີ, ມີປະໂຫຍດ ແລະ ຈໍາກັດສິ່ງຫຍໍ້ທໍ້ຕ່າງໆ, ດັດສົມການດໍາເນີນທຸລະກິດຂອງບັນດາວິສາຫະກິດທີ່ຂຶ້ນກັບກະຊວງ ຍົກສູງການບໍລິການທີ່ມີຄຸນນະພາບ, ທັນສະໄໝ, ມີກໍາໄລທີ່ຖືກຕ້ອງ ແລະ ມີຄວາມສະເໜີພາບພາຍໃຕ້ກົດໝາຍ ປັບປຸງ, ຍົກລະດັບ ແລະ ຂະຫຍາຍໂຄງລ່າງ ພື້ນຖານຍຸດທະສາດ ໂທລະຄົມມະນາຄົມ ແລະ ອິນເຕີເນັດຄວາມໄວສູງ ໃຫ້ສາມາດຕອບສະໜອງຄວາມຕ້ອງການ ທີ່ນັບມື້ນັບເພີ່ມຂຶ້ນໄວ ທັງພາກລັດ, ພາກທຸລະກິດ ກໍ່ຄືປະຊາຊົນ. ພ້ອມທັງ. ໃຫ້ມີລະບົບເຊື່ອມໂຍງດ້ານໂທລະຄົມມະນາຄົມ ແລະ ອິນເຕີເນັດຄວາມໄວສູງ ທີ່ມີຄຸນນະພາບ ດ້ວຍຕົ້ນທຶນຕ່ຳ ກັບບັນດາປະເທດອ້ອມຂ້າງ ແລະ ບັນດາປະເທດພາກພື້ນ. ນອກຈາກນີ້, ຕ້ອງເອົາໃຈໃສ່ຕື່ມໃນການສຶກສາອົບຮົມການເມືອງ-ແນວຄິດຂອງສະມາຊິກ, ເອົາໃຈໃສ່ປັບປຸງກໍ່ສ້າງຮາກຖານພັກຢູ່ແຕ່ລະກົມ, ແຕ່ລະຂະແໜງໃຫ້ປອດໃສ, ເຂັ້ມແຂງ ແລະ ໜັກແໜ້ນ, ເພີ່ມທະວີວຽກງານກວດກາ ການເຄື່ອນໄຫວ ປະຕິບັດໜ້າທີ່ຂອງພະນັກງານ, ສະມາຊິກພັກຢ່າງເປັນປົກກະຕິ, ເອົາໃຈໃສ່ພິເສດ ໃນການຫັນເປັນທັນສະໄໝ ເພື່ອຍົກສູງປະສິດທິຜົນໃນການບໍລິຫານ, ການໃຫ້ບໍລິການ ແລະ ການໃຊ້ບໍລິການ.

ພ້ອມດຽວກັນນີ້ ຕ້ອງເພີ່ມທະວີເອົາໃຈໃສ່ພັດທະນາບຸກຄະລາກອນ ດ້ານໄອຊີທີ ໃຫ້ເປັນລະບົບ ມີທັງຄຸນນະພາບ ແລະ ປະລິມານ, ເພີ້ມທະວີເລັ່ງປັບປຸງພື້ນຖານໂຄງລ່າງທີ່ຈຳເປັນ ມອບໃຫ້ສະຖາບັນເຕັກໂນໂລຊີສື່ສານຂໍ້ມູນຂ່າວສານ ມີຫຼັກສູດ ແລະ ມີສິ່ງອໍານວຍຄວາມສະດວກໃຫ້ແກ່ການຮຽນ-ການສອນ ເພື່ອເຮັດໃຫ້ສະຖາບັນນີ້ ເປັນບ່ອນຝຶກ ສ້າງວິຊາການ ໄອຊີທີ ໃຫ້ແກ່ສົງຄົມ.

ຂ່າວ: ຫ້ອງການ, ພະແນກປະຊາສໍາພັນ.


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 54
  • ມື້ວານ1066
  • ອາທິດນີ້8164
  • ອາທິດກ່ອນ9214
  • ເດືອນນີ້21383
  • ເດືອນກ່ອນ26947
  • ທັງໝົດ480113
Loding...