ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 755
  • ມື້ວານ780
  • ອາທິດນີ້8,165
  • ອາທິດກ່ອນ16,477
  • ເດືອນນີ້18,114
  • ເດືອນກ່ອນ27,619
  • ທັງໝົດ562,212
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ທ່ານ ທອງລຸນ ສີສຸລິດ ຕ້ອນຮັບການເຂົ້າຢ້ຽມຄຳນັບຂອງທ່ານ ລມຕ ກະຊວງດິຈິຕອນ ເພື່ອເສດຖະກິດ ແລະ ສັງຄົມ ປະເທດໄທ

ໃນວັນ 02 ກຸມພາ 2018 ທີ່ ຫ້ອງວ່າການ ສໍານັກງານນາຍົກລັດຖະມົນຕີ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຄໍານັບ ຂອງ ທ່ານ ປອ ພິເຊດ ດຸລົງຄະເວໂລດ ລັດຖະມົນຕີ ກະຊວງ ດີຈີຕອນ ເພື່ອເສດຖະກິດ ແລະ ສັງຄົມ (MDES) ແຫ່ງຣາຊະອານາຈັກໄທ ພ້ອມດ້ວຍຄະນະ ໂອກາດມາຢ້ຽມຢາມ ແລະ ເຮັດວຽກຢູ່ລາວ ເພື່ອຮັດແໜ້ນສາຍພົວພັນການຮ່ວມມືສອງຝ່າຍ ໂດຍສະເພາະ ແມ່ນດ້ານວຽກງານ ເຕັກໂນໂລຊີການສື່ສານຂໍ້ມູນຂ່າວສານ (ICT).

ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ສະແດງຄວາມຍ້ອງຍໍຊົມເຊີຍຄະນະຜູ້ແທນໄທ ທີ່ມາຢ້ຽມຢາມ ແລະ ເຮັດວຽກຮ່ວມກັບ ກະຊວງ ປທສ ຊຶ່ງເປັນນິມິດມາຍອັນດີ ໃນການເສີມຂະຫຍາຍສາຍພົວພັນຮ່ວມມື ຂອງສອງປະເທດ ລາວ ແລະ ໄທ ຊື່ງໄລຍະຜ່ານມາ ລັດຖະບານກໍ່ຄື ປະຊາຊົນສອງຊາດ ຍາມໃດກໍ່ໄດ້ສະແດງຄວາມມີນ້ຳໃຈ ໄມຕີຈິດ ແລະ ການຊ່ວຍເຫຼືອ ເຊິ່ງກັນ ແລະ ກັນ. ໂດຍສະເພາະ ຕໍ່ຜົນສຳເລັດໃນການຮ່ວມມືວຽກງານດ້ານ ໄປສະນີ, ໂທລະຄົມມະນາຄົມ ແລະ ICT ລະຫວ່າງສອງປະເທດ. ຊຶ່ງ ທ່ານ ທອງລຸນ ໄດ້ກ່າວບາງຕອນວ່າ ລັດຖະບານລາວ ເຫັນຄວາມສໍາຄັນຂອງວຽກງານ ເຕັກໂນໂລຊີສື່ສານຂໍ້ມູນຂ່າວສານ ໂດຍຖືເປັນເຄື່ອງມືທີ່ສໍາຄັນ ໃນການຫັນປະເທດ ເປັນອຸດສະຫະກໍາ ແລະ ທັນສະໄໝ ໂດຍສະເພາະແມ່ນການສ້າງພື້ນຖານ ເພື່ອກ້າວໄປສູ່ ການສ້າງເສດຖະກິດ ດີຈີຕອນ. ໃນໄລຍະຜ່ານມາ ລັດຖະບານ ກໍ່ຄື ຂະແໜງການກ່ຽວຂ້ອງ ແມ່ນໄດ້ເອົາໃຈໃສ່ ໃນການສ້າງສະພາບແວດລ້ອມ ເພື່ອຊຸກຍູ້ການນໍາໃຊ້ ແລະ ການພັດທະນາ, ຊຶ່ງກໍ່ໄດ້ມີ ແຜນນະໂຍບາຍ ແລະ ນິຕິກໍາ ອອກມາຈໍານວນໜຶ່ງ ພ້ອມນັ້ນ ກໍ່ມີການລົງທືນຫລາຍສົມຄວນ ໃນການພັດທະນາ ລະບົບພື້ນຖານໂຄງລ່າງ, ສ້າງສູນຂໍ້ມູນແຫ່ງຊາດ ແລະ ລະບົບໂປຼແກຼມຕ່າງໆ. ພວກເຮົາກໍ່ເຫັນໄດ້ວ່າ ປະເທດໄທ ໄດ້ມີການພັດທະນານຳໃຊ້ ICT ເຂົ້າໃນທຸກຂະແໜງການຢ່າງວ່ອງໄວ ອັນເຮັດໃຫ້ເສດຖະກິດຂອງປະເທດ ຂະຫຍາຍໂຕສູງ ແລະ ມີຄວາມຍືນຍົງ.

ພ້ອມນີ້, ພະນະທ່ານ ທອງລຸນ ຍັງໄດ້ເນັ້ນໃຫ້ທັງສອງຝ່າຍ ຜັນຂະຫຍາຍການຮ່ວມມືແບບຮອບດ້ານ ເປັນຕົ້ນ: ແລກປ່ຽນບົດຮຽນ ແລະ ຂໍ້ມູນຂ່າວສານ ໃນວຽກງານ ICT ກໍຄືໃນຂົງເຂດດີຈິຕອນ ເຕັກໂນໂລຊີ; ຄົ້ນຄວ້າສ້າງໂຄງການຮ່ວມກັນ; ຊຸກຍູ້ສົ່ງເສີມ ກິດຈະການ startup ໃນຂະແໜງ ICT ແລະ ດີຈິຕອນ ເຕັກໂນໂລຊີ;

ໂອກາດນີ້ ທ່ານ ປອ ພິເຊດ ດຸລົງຄະເວໂລດ ໃນນາມ ກະຊວງ ດິຈີຕອນ ເພື່ອເສດຖະກີດ ແລະ ສັງຄົມ ປະເທດໄທ ໄດ້ສະແດງຄວາມຂອບໃຈ ຕໍ່ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ໃຫ້ກຽດເຂົ້າພົບ ແລະ ຕ້ອນຮັບຢ່າງອົບອຸ່ນ. ກະຊວງ MEDS ກໍ່ຈະສືບຕໍ່ພົວພັນ ແລະຮ່ວມມືຢ່າງໃກ້ຊິດ ແລະ ຕໍ່ເນື່ອງ ກັບ ກະຊວງ ປທສ ເພື່ອພັດທະນາ ແລະ ສົ່ງເສີມວຽກງານ ICT ຂອງທັງສອງປະເທດ ໃຫ້ເປັນທັນສະໄໝ ແລະ ເປັນພື້ນຖານໃນການຫັນເປັນທັນສະໄໝ ຮອງຮັບເສດຖະກິດດິຈິຕອນ.

ຂ່າວ: ດຣ. ທະວີສັກ,ທ່ານ ພວງປະເສີດ


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 755
  • ມື້ວານ780
  • ອາທິດນີ້8165
  • ອາທິດກ່ອນ16477
  • ເດືອນນີ້18114
  • ເດືອນກ່ອນ27619
  • ທັງໝົດ562212
Loding...