ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 345
  • ມື້ວານ837
  • ອາທິດນີ້11,442
  • ອາທິດກ່ອນ21,305
  • ເດືອນນີ້16,508
  • ເດືອນກ່ອນ31,769
  • ທັງໝົດ621,637
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ພິທີມອບໃບຢັ້ງຢືນໜ່ວຍພັກແຂງ-ຮູ້ນຳພາຮອບດ້ານ ປີ 2017

ໃນຕອນເຊົ້າຂອງວັນທີ 02 ມີນາ 2018 ອົງຄະນະກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີມອບໃບຢັ້ງຢືນ ໜ່ວຍພັກເຂັ້ມແຂງ-ຮູ້ນຳພາຮອບດ້ານ ປີ 2017. ໂດຍການເປັນປະທານ ຂອງສະຫາຍ ທອງໃສ ໄຊຍະສານ ຮອງເລຂາຄະນະພັກ, ຮອງລັດຖະມົນຕີ ກະຊວງ ປທສ ມີບັນດສາຄະນະພັກ, ຄະນະນຳກະຊວງ, ຄະນະໜ່ວຍພັກບັນດາກົມ/ທຽບເທົ່າ, ຄະນະພັກຮາກຖານ, ຄະນະອຳນວຍການ ບໍລິສັດ ວິສາຫະກິດໄປສະນີ, ໂທລະຄົມມະນາຄົມ ພ້ອມພະນັກງານ-ສະມາຊິກພັກເຂົ້ສຮ່ວມ.

ໃນພິທີ ໄດ້ຜ່ານບົດສະຫຼຸບການສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ ຂອງກະຊວງ ປທສ ໃນໄລຍະຜ່ານມາເຊິ່ງຄະນະພັກໄດ້ເອົາໃຈໃສ່ ຊີ້ນຳ-ນຳພາ ຕໍ່ວຽກງານທີ່ພັກ-ລັດ ມອບໝາຍໃຫ້ ໂດຍຖືເອົາວຽກງານສຶກສາອົບຮົມການເມືອງ-ແນວຄິດ ເປັນຕົ້ນຕໍ ເຮັດໃຫ້ສະມາຊິພັກສ່ວນຫຼາຍ ຮັກສາຄຸນທາດການເມືອງໄດ້ຢ່າງໜັກແໜ້ນ, ມີອຸດົມການ ແລະ ນໍ້າໃຈປະຕິວັດສູງ ໂດຍປະຕິບັດແນວທາງຂອງພັກ, ກົດໝາຍຂອງລັດໄດ້ດີ, ມີການເຄື່ອນໄຫວຕາມແບບແຜນທີ່ໄດ້ກຳນົດໄວ້ ແລະ ຮ່ວມຊີວິດເປັນປົກກະຕິ, ສຶບຕໍ່ປັບປຸງໜ່ວຍພັກຂອງຕົນໃຫ້ມີຄວາມໜັກແໜ້ນເຂັ້ມແຂງເທື່ອລະກ້າວ, ພ້ອມກັນ ຕັ້ງໜ້າຈັດຕັ້ງປະຕິບັດ ວຽກງານດ້ານການເມືອງ-ແນວຄິດ ຕິດພັນກັບວຽກງານສະເພາະທີ່ໄດ້ຮັບມອບໝາຍຢ່າງມີຜົນສຳເລັດ. ຄະນະໜ່ວຍພັກ ແລະ ສະມາຊິກພັກແຕ່ລະສະຫາຍ ກໍ່ໄດ້ສຸ່ມໃສ່ວຽກງານການສ້າງໜ່ວຍພັກໃຫ້ເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຕາມ 5 ເນື້ອໃນ ຈົນສາມາດສຶບຕໍ່ຮັບນາມມະຍົດເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ໄດ້ 17 ໜ່ວຍພັກທຽບໃສ່ປີ 2016 ແມ່ນເພີ່ມຂຶ້ນ 7 ໜ່ວຍພັກ.

ພາຍຫຼັງມອບໃບຢັ້ງຢືນ ໜ່ວຍພັກເຂັ້ມແຂງ-ຮູ້ນຳພາຮອບດ້ານ ສະຫາຍ ທອງໃສ ຊານໄຊຍະ ຮອງເລຂາຄະນະພັກ, ຮອງລັດຖະມົນຕີ ກະຊວງ ປທສ ໄດ້ມີຄຳເຫັນໂອ້ລົມ ແລະ ເຜີຍແຜ່ຄຳສັ່ງ ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ ເຂັ້ມແຂງ, ໜັກແໜ້ນ ສະບັບເລກທີ 01/ກມສພ, ລົງວັນທີ 03/01/2018 ແລະ ມະຕິວ່າດ້ວຍວຽກງານຄຸ້ມຄອງພະນັກງານ ສະບັບເລກທີ 031/ກມສພ, ລົງວັນທີ03/01/2018 ເພື່ອເຮັດໃຫ້ໜ່ວຍພັກ, ສະມາຊິກພັກມີຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງ ສຶບຕໍ່ຂະຫຍາຍມູນເຊື້ອອັນດີງາມ, ຜົນງານດ້ານດີ, ເດັດດ່ຽວປັບປຸງແກ້ໄຂຈຸດອ່ອນຂໍ້ຄົງຄ້າງ ແລະ ສິ່ງທ້າທາຍທີ່ເປັນອັນຕະລາຍ ຕໍ່ພັກເຮົາ, ແນໃສ່ເຊີດຊູບົດບາດຄວາມສາມາດນຳພສຂອງໜ່ວຍພັກ ແລະ ຍົກສູງຄວາມເປັນແບບຢ່າງນຳໜ້າ ຂອງຖັນແຖວສະມາຊິກພັກ ຮັບປະກັນໃຫ້ເຮົາມີຄວາມປອດໃສ, ເຂັ້ມແຂງ, ໜັກແໜ້ນ.

ໃນຕອນທ້າຍສະຫາຍຍັງໄດ້ເໜັ້ນໜັກ ແລະ ຊີ້ນຳໃຫ້ບັນດາກົມທຽບເທົ່າ, ຄະນະພັກຮາກຖານ ບໍລິສັດ ລັດວິສາຫະກິດ ເອົາໃຈໃສ່ສ້າງແຜນການ ສູ້ຊົນໃຫ້ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຖືເອົາຄຸນນະພາບເປັນກົກ ແລະ ຖຶກຕ້ອງຕາມ 5 ເນື້ອໃນ.

ຂ່າວ: ກົມຈັດຕັ້ງ-ພະນັກງານ, ປທສ

ພາບ: ຫ້ອງການ, ພະແນກປະຊາສໍາພັນ.


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 345
  • ມື້ວານ837
  • ອາທິດນີ້11442
  • ອາທິດກ່ອນ21305
  • ເດືອນນີ້16508
  • ເດືອນກ່ອນ31769
  • ທັງໝົດ621637
Loding...