ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 751
  • ມື້ວານ939
  • ອາທິດນີ້6,594
  • ອາທິດກ່ອນ13,248
  • ເດືອນນີ້22,041
  • ເດືອນກ່ອນ29,450
  • ທັງໝົດ538,520
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ສະເຫຼີມສະຫຼອງ ວັນເດັກສາກົນ

ຄະນະກໍາມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ຮ່ວມກັບ ອົງການຈັດຕັ້ງ ຊາວໜຸ່ມ, ແມ່ຍິງ ແລະ ກໍາມະບານ ກະຊວງ ປທສ ໄດ້ຈັດພິທີສະເຫຼີມສະຫຼອງວັນເດັກສາກົນ (01 ມິຖຸນາ) ຂຶ້ນ ໃນຕອນເຊົ້າຂອງວັນທີ 01 ມິຖຸນາ 2018 ທີ່ສະຖາບັນເຕັກໂນໂລຊີການສື່ສານຂໍ້ມູນຂ່າວສານ ພາຍໃຕ້ການເປັນປະທານຂອງທ່ານ ທອງໃສ ຊານໄຊຍະ ຮອງເລຂາຄະນະພັກ, ຮອງລັດຖະມົນຕີ, ປະທານຄະນະກໍາມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ກະຊວງ ປທສ; ຊຶ່ງມີຄະນະໜ່ວຍ, ຄະນະກົມ/ທຽບເທົ່າ ແລະ 03 ອົງການຈັດຕັ້ງມະຫາຊົນ ( ຊາວໜຸ່ມ, ແມ່ຍິງ, ກໍາມະບານ ) ພ້ອມດ້ວຍລູກຫຼານພະນັກງານ ຈາກບັນດາກົມ/ທຽບເທົ່າ ອ້ອມຂ້າງກະຊວງ ປທສ ເຂົ້າຮ່ວມຢ່າງພ້ອມພຽງ.

ການຈັດງານຄັ້ງນີ້ ຈັດຂຶ້ນໂດຍຕິດພັນກັບວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ ແລະ ວັນສາກົນຢຸດຕິການໃຊ້ແຮງງານເດັກ 12 ມິຖຸນາ 2018. ໃນພິທີ ທ່ານ ທອງໃສ ຊານໄຊຍະ ຍັງໄດ້ຍົກໃຫ້ເຫັນຄວາມໝາຍຄວາມສາໍຄັນ ການເອົາໃຈໃສ່ຂອງພັກ ແລະ ລັດຖະບານຂອງ ສປປ ລາວ ຕໍ່ກັບວຽກງານພັດທະນາເດັກ ທີ່ເປັນອະນາຄົດຂອງຊາດ, ການມີສ່ວນຮ່ວມຂອງໝົດທຸກຄົນ ແລະ ທຸກພາກສ່ວນ ຕໍ່ກັບການປົກປ້ອງສິດ ແລະ ຜົນປະໂຫຍດຂອງເດັກ ໂດຍສະເພາະ ການປະຕິບັດພັນທະຕໍ່ສາກົນ ໃນສົນທິສັນຍາ ວ່າດ້ວຍການລຶບລ້າງທຸກຮູບການຈຳແນກຕໍ່ແມ່ຍິງ (ຊີດໍ) ແລະ ສົນທິສັນຍາວ່າດ້ວຍ ສິດທິເດັກ ລວມເຖິງອະນຸສັນຍາ 2 ສະບັບກ່ຽວກັບເດັກ ແລະ ການຈັດຕັ້ງຜັນຂະຫຍາຍ ແຜນຍຸດທະສາດແຫ່ງຊາດ, ແຜນງານແຫ່ງຊາດ 5 ປີ ກ່ຽວກັບວຽກງານແມ່ ແລະ ເດັກ (2014-2020) ເພື່ອໃຫ້ເດັກນ້ອຍທຸກຄົນໄດ້ຮັບຜົນປະໂຫຍດອັນສູງສຸດຕາມສິດທິຂອງເດັກໃນການຢູ່ລອດ, ສິດທິໃນການພັດທະນາ, ສິດທິໃນການປົກປ້ອງ ແລະ ສິດທິໃນການມີສ່ວນຮ່ວມ.

ໃນພິທີສະເຫຼີມສະຫຼອງຄັ້ງນີ້ ຍັງໄດ້ສ້າງກິດຈະກໍາຫລາຍຢ່າງ ເພື່ອໃຫ້ຫຼານນ້ອຍໄດ້ສະແດງຄວາມຮູ້ຄວາມສາມາດຂອງຕົນເອງ ດ້ວຍການຖາມ-ຕອບຄວາມຮູ້ຮອບຕົວ, ຫຼິ້ນເກມ, ຮ້ອງເພງ ແລະ ອື່ນໆ ທັງນີ້ກໍ່ເພື່ອເປັນການສົ່ງເສີມການມິີສ່ວນຮ່ວມຂອງເດັກ ໃຫ້ມີການພັດທະນາຄຽງຄູ່ກັບຄວາມເບີກບານມ່ວນຊື່ນ ເພື່ອເສີມສ້າງໃຫ້ເດັກ ມີສະຕິປັນຍາ, ຮູ້ຮັກ ແລະ ເຄົາລົບນັບຖືຜູ້ໃຫຍ່, ພໍ່ແມ່, ມີຄວາມສາມັກຄີກັບໝູ່ເພື່ອນ ແລະ ການສະແດງຄວາມສາມາດຂອງຕົນເອງຕໍ່ສັງຄົມ. ພ້ອມນີ້ ຜູ້ເຂົ້າຮ່ວມຍັງໄດ້ຮັບຊົມການສະແດງສິນລະປະບົດຟ້ອນຈາກນ້ອງນັກຮຽນສະຖາບັນເຕັກໂນໂລຊີການສື່ສານຂໍ້ມູນຂ່າວສານ ເພື່ອເປັນການສ້າງບັນຍາກາດເບີກບານມ່ວນຊື່ນໃນຄັ້ງນີ້.

ຂ່າວ+ພາບ: ຫ້ອງການ, ກະຊວງ ປທສ.


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 751
  • ມື້ວານ939
  • ອາທິດນີ້6594
  • ອາທິດກ່ອນ13248
  • ເດືອນນີ້22041
  • ເດືອນກ່ອນ29450
  • ທັງໝົດ538520
Loding...