ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 754
  • ມື້ວານ780
  • ອາທິດນີ້8,164
  • ອາທິດກ່ອນ16,477
  • ເດືອນນີ້18,113
  • ເດືອນກ່ອນ27,619
  • ທັງໝົດ562,211
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ເຜີຍແຜ່ ແຜນແມ່ບົດ ໄອຊີທີ ອາຊຽນ 2020 (AIM 2020)

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມສໍາມະນາ ເຜີຍແຜ່ ແຜນແມ່ບົດ ໄອຊີທີ ອາຊຽນ 2020 (The ASEAN ICT Master plan 2020 (AIM 2020)) ຂຶ້ນໃນວັນທີ 06 ກໍລະກົດ ຜ່ານມານີ້, ທີ່ ສະຖາບັນເຕັກໂນໂລຊີການສື່ສານຂໍ້ມູນຂ່າວສານ. ໂດຍການເປັນປະທານຂອງ ທ່ານ ພູຂົງ ຈິດຮູບໂລກ ຫົວໜ້າກົມແຜນການ ແລະ ການຮ່ວມມື, ກະຊວງ ປທສ ມີບັນດາຫົວໜ້າກົມ, ຫົວໜ້າພະແນກ, ວິຊາການຈາກບັນດາ ກົມ/ທຽບເທົ່າ ພ້ອມດ້ວຍພະນັກງານກະຊວງອ້ອມຂ້າງ ເຂົົ້າຮ່ວມຢ່າງພ້ອມພຽງ.

ທ່ານ ພູຂົງ ຈິດຮູບໂລກ ໄດ້ກ່າວວ່າ ການຈັດກອງປະຊມໃນຄັ້ງນີ້ ມີຈຸດປະສົງເພື່ອເຜີຍແຜ່, ຜັນຂະຫຍາຍ ແລະ ປະເມີນຜົນການຈັດຕັ້ງປະຕິບັດ ແຜນແມ່ບົດ ໄອຊີທີ ອາຊຽນ 2020 ແລະ ໄດ້ຖືກຮັບຮອງເອົາໃນກອງປະຊຸມລັດຖະມົນຕີອາຊຽນດ້ານໂທລະຄົມມະນາຄົມ (TELMIN) ຄັ້ງທີ 15 ໃນເດືອນພະຈິກ ປີ 2015 ທີ່ ດານັງ, ສສ.ຫວຽດນາມ. ຊຶ່ງແຜນດັ່ງກ່າວ ຈະເປັນຕົວຂັບເຄື່ອນອາຊຽນສູ່ເສດຖະກິດແບບດິຈິຕອນ ໃຫ້ມີຄວາມປອດໄພ, ຄວາມຍືນຍົງ, ການປ່ຽນແປງໃໝ່, ການສ້າງນະວັດຕະກຳ, ການມີສ່ວນຮ່ວມ ແລະ ການເຊື່ອມໂຍງປະຊາຄົມອາຊຽນ ໃນໄລຍະເວລາ 5 ປີ (2016-2020).

ໂອກາດດຽວກັນນີ້, ຍັງໄດ້ມີການສໍາມະນາ ແນະນໍາກ່ຽວກັບ ລະບຽບການ ແລະ ຂັ້ນຕອນຕ່າງໆ ໃນການຂຽນບົດສະເໜີໂຄງການ/ກິດຈະກຳ ພາຍໃຕ້ກອງທຶນຂອງອາຊຽນ ແລະ ປະເທດຄູ່ຮ່ວມ. ຊຶ່ງໃນໄລຍະຜ່ານມາ ໃນຂອບການຮ່ວມ ມືພາກພື້ນອາຊຽນ ກໍ່ໄດ້ຮັບການສະໜັບສະໜູນ ແລະ ໃຫ້ຄວາມສົນໃຈໃນການຮ່ວມພັດທະນາຈາກຫຼາຍປະເທດ ເປັນ ຕົ້ນແມ່ນ ສປ.ຈີນ, ສ.ເກົາຫຼີ, ຍີ່ປຸ່ນ, ອິນເດຍ, ສະຫະລັດອາເມລິກາ, ສະຫະພາບ ເອີລົບ ແລະ ສະຫະພາບໂທລະຄົມມະນາຄົມສາກົນ.

ກະຊວງ ປທສ ເອງກໍ່ໄດ້ເຄື່ອນໄຫວຫຼາຍກິດຈະກຳພາຍໃຕ້ກອງທຶນດັ່ງກ່າວ ແລະ ສາມາດຍາດ ແຍ່ງເອົາທຶນມາ ໄດ້ຫຼາຍກິດຈະກໍາ ເຊັ່ນ: ປີ 2016 ມີ 2 ກິດຈະກໍາ, ມູນຄ່າ ປະມານ 60,000 ໂດລາ, ປີ 2017 ມີ 2 ກິດຈະກໍາ, ມູນຄ່າ 15,000 ໂດລາ; ແລະ ປີ 2018 ມີ 2 ກິດຈະກໍາ ມູນຄ່າ ປະມານ 78,000 ໂດລາ. ນອກນີ້ ກໍ່ໄດ້ຈັດງານປະກວດແຂ່ງຂັນຜະລິດຕະພັນ ໄອຊີທີ ທຸກປີ ເພື່ອຄັດເລືອກຜົນງານທີ່ດີທີ່ສຸດຂອງ ສປປ ລາວ ສົ່ງເຂົ້າປະກວດໃນງານປະກວດ ASEAN ICT Award, ຊຶ່ງ ສປປ ລາວ ເຮົາກໍ່ໄດ້ຮັບສອງລາງວັນ ໃນປີ 2017 ຄື: ສໍາລັບຄົນ ອໍທິສຕີກ (Application) ແລະ ການສ້າງເນື້ອຫາແບບດິຈິຕອນ (Application Navi).

ຜ່ານການຈັດກອງປະຊຸມສໍາມະນາ ເຜີຍແຜ່ໃນຄັ້ງນີ້ ເຫັນໄດ້ວ່າຜູ້ເຂົ້າຮ່ວມໄດ້ມີຄວາມເອົາໃຈໃສ່ ຕໍ່ກັບການຖາມ-ຕອບບັນຫາໄດ້ ເປັນຢ່າງດີ ແລະ ສາມາດລຸລ່ວງວຽກງານສໍາມະນາໃຫ້ສໍາເລັດຢ່າງຈົບງາມ. ນອກນັ້ນ, ຍັງສາມາດຖອດຖອນບົດຮຽນ ເພື່ອເປັນແນວທາງໃນການຈັດຕັ້ງປະຕິບັດ ໃນການກຽມຄວາມພ້ອມຂອງ ສປປລາວ ໃນການຫັນເປັນດິຈິຕອນ ໂດຍນໍາໃຊ້ ໄອຊີທີ ໃນການຄັບເຂື່ອນ ແລະ ຮ່ວມກັນພັດທະນາເພື່ອບັນລຸໄດ້ເປົ້າໝາຍອາຊຽນໂດຍລວມ.

ຂ່າວ: ກົມແຜນການ ແລະ ການຮ່ວມມື, ກະຊວງ ປທສ.

ພາບ: ຫ້ອງການ, ພະແນກປະຊາສໍາພັນ.


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 754
  • ມື້ວານ780
  • ອາທິດນີ້8164
  • ອາທິດກ່ອນ16477
  • ເດືອນນີ້18113
  • ເດືອນກ່ອນ27619
  • ທັງໝົດ562211
Loding...