ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 16
  • ມື້ວານ859
  • ອາທິດນີ້9,800
  • ອາທິດກ່ອນ18,595
  • ເດືອນນີ້18,434
  • ເດືອນກ່ອນ29,262
  • ທັງໝົດ591,794
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ສະມາຊິກສະພາແຫ່ງຊາດ ຊຸດທີ VIII ປະຈຳເຂດເລືອກຕັ້ງທີ 1 ລົງເຜີຍແຜ່ຜົນສຳເລັດກອງປະຊຸມ ແລະ ພົບປະພະນັກງານຫຼັກແຫຼ່ງກະຊວງ ປທສ

ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຕ້ອນຮັບຄະນະຜູ້ແທນ ສະມາຊິກ ສະພາແຫ່ງຊາດ (ສສຊ) ເຂດເລືອກຕັ້ງທີ 1 ນະຄອນຫຼວງວຽງຈັນ ເພື່ອເຜີຍແຜ່ຜົນສຳເລັດກອງປະຊຸມສະໄໝສາມັນ ຄັ້ງທີ X ຂອງສະພາແຫ່ງຊາດຊຸດທີ VIII ແລະ ສະພາປະຊາຊົນ ນະຄອນຫຼວງວຽງຈັນ ຊຸດທີ 1. ນອກນີ້, ກໍ່ເພື່ອເປັນການລົງພົບປະກັບພະນັງານຫຼັກແຫຼ່ງ ກະຊວງ ປທສ ໃນວັນທີ 26 ກໍລະກົດ ຜ່ານມານີ້, ທີ່ຫ້ອງປະຊຸມໃຫຍ່ກະຊວງ ປທສ. ຊຶ່ງນຳໂດຍ ທ່ານ ນ. ຄໍາຟອງ ພູມວົງໄຊ ຮອງປະທານສະພາປະຊາຊົນ ນະຄອນຫຼວງວຽງຈັນ, ຮອງປະທານ ຄະນະສະມາຊິກສະພາແຫ່ງຊາດ ຊຸດທີ VIII ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ ແລະ ທ່ານ ບຸນທອງ ພົມມະຈັນ ຄະນະປະຈໍາພັກ, ສະມາຊິກສະພາແຫ່ງຊາດ ຊຸດທີ VIII ປະຈໍາເຂດເລືອກຕັ້ງທີ 1 ແລະ ສະມາຊິກສະພາປະຊາຊົນ ນະຄອນຫຼວງວຽງຈັນ ຊຸດທີ 1, ຫົວໜ້າຄະນະຈັດຕັ້ງ ນະຄອນຫຼວງວຽງຈັນ. ເຂົ້າຮ່ວມຮັບຟັງໂດຍທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ປທສ ມີບັນດາທ່ານຫົວໜ້າກົມ/ທຽບເທົ່າ ພ້ອມດ້ວຍພະນັກງານອ້ອມຂ້າງກະຊວງ.

ໃນໂອກາດດຽວກັນນີ້ ທ່ານ ຄໍາພູ ດວງຖະໜອມ ຫົວໜ້າກົມຈັດຕັ້ງ-ພະນັກງານ, ກະຊວງ ປທສ ໄດ້ລາຍງານສະພາບລວມຂອງກະຊວງ ປທສ ໂດຍຫຍໍ້ເຊັ່ນ: ຜົນສຳເລັດໃນການພັດທະນາຂະແໜງການ ໃນໄລຍະຜ່ານມາ ແຜນການພັດທະນາໃນຕໍ່ໜ້າ ແລະ ທ່ານຍັງຍົກໃຫ້ເຫັນເຖິງ ພາລະບົດບາດຂອງກະຊວງ ປທສ ໂດຍເຮັດໜ້າທີ່ໃນການຄຸ້ມຄອງມະຫາພາກທາງດ້ານວຽກງານ ໄປສະນີ, ໂທລະຄົມມະນາຄົມ ແລະ ການສື່ສານ, ມີໜ້າທີ່ໃນການຄຸ້ມຄອງລວມສູນລະບົບສື່ສານແຫ່ງຊາດ ທາງດ້ານເຕັກໂນໂລຊີສື່ສານ ຂໍ້ມູນຂ່າວສານ, ຄຸ້ມຄອງຄື້ນຄວາມຖີ່ ໃນຂອບເຂດທົ່ວປະ ເທດ, ຄຸ້ມຄອງລວມວຽກງານດາວທຽມລາວ, ນໍາໃຊ້ເຕັກໂນໂລຊີສື່ສານຂໍ້ມູນຂ່າວສານ ເຂົ້າໃນການບໍລິຫານລັດ ພ້ອມທັງເປັນເຄື່ອງມືຂັບເຄື່ອນ ໃນການພັດທະນາເສດຖະກິດ-ສັງຄົມ, ຂະຫຍາຍຕາໜ່າງໄປສະນີ ແລະ ໂທລະຄົມມະນາຄົມ ກໍ່ຄື: ຈ່າມໄປສະນີ, ໂທລະສັບ ແລະ ອິນເຕີເນັດ ສູ່ຊົນນະບົດ. ຊຶ່ງໃນປັດຈຸບັນນີ້ ວຽກງານດັ່ງກ່າວນີ້ ໄດ້ມີຄວາມສໍາຄັນຫຼາຍ ໃນການພັດທະນາເສດຖະກິດ-ສັງຄົມ ໂດຍພັກ-ລັດຖະບານ ໄດ້ຖືເອົາຂົງເຂດນີ້ ເປັນນະໂຍບາຍ ບູລິມະສິດ ແລະ ທັງເປັນໜ້າທີ່ຍຸດທະສາດ ໃນການພັດທະນາເສດຖະກິດ-ສັງຄົມ, ເປັນເຄື່ອງມືສໍາຄັນໃນການເລັ່ງລັດ ການພັດທະນາ, ການຫັນເປັນອຸດສາຫະກໍາ ແລະ ທັນສະໄໝ. ນອກຈາກນີ້, ສະມາຊິກສະພາແຫ່ງຊາດເຂດເລືອກຕັ້ງທີ1 ນະຄອນຫຼວງວຽງຈັນ ກໍ່ໄດ້ເຜີຍແຜ່ຜົນສຳເລັດກອງປະຊຸມສະໄໝສາມັນ ຄັ້ງທີ X ຂອງສະພາແຫ່ງຊາດຊຸດທີ VIII ແລະ ສະພາປະຊາຊົນ ນະຄອນຫຼວງວຽງຈັນ ຊຸດທີ 1 ໃຫ້ພະນັກງານກະຊວງ ປທສ ໄດ້ຮັບຊາບ. ພ້ອມນັ້ນ, ຍັງໄດ້ຮັບຟັງຄຳຄິດຄຳເຫັນ ແລະ ຄຳສະເໜີຂອງບັນດາພະນັກງານຫຼັກແຫຼ່ງກໍ່ຄືຜູ້ມີສິດເລືອກຕັ້ງ ຕໍ່ການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມ, ແຜນງົບປະມານແຫ່ງລັດ ແລະ ບັນຫາສັງຄົມຕ່າງໆທີ່ຕິດພັນກັບເຂດນະຄອນຫຼວງ ແລະ ຕິດພັນກັບການປະຕິບັດວຽກງານຂອງຄະນະລັດຖະບານຕື່ມອີກ.

ພາບ+ຂ່າວ: ຫ້ອງການ, ກະຊວງ ປທສ.


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 16
  • ມື້ວານ859
  • ອາທິດນີ້9800
  • ອາທິດກ່ອນ18595
  • ເດືອນນີ້18434
  • ເດືອນກ່ອນ29262
  • ທັງໝົດ591794
Loding...