ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 16
  • ມື້ວານ859
  • ອາທິດນີ້9,800
  • ອາທິດກ່ອນ18,595
  • ເດືອນນີ້18,434
  • ເດືອນກ່ອນ29,262
  • ທັງໝົດ591,794
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ສໍາເລັດຝຶກອົບຮົມ ການສ້າງອົງກອນແຫ່ງການຮຽນຮູ້ ເພື່ອພັດທະນາຄຸນນະພາບໃນການຄຸ້ມຄອງ ແລະ ການບໍລິຫານອົງກອນ ໄລຍະ ທີ 1

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ສໍາເລັດການຈັດຊຸດຝຶກອົບຮົມໃນຫົວຂໍ້: “ການສ້າງອົງກອນແຫ່ງການຮຽນຮູ້ ເພື່ອພັດທະນາຄຸນນະພາບໃນການຄຸ້ມຄອງ ແລະ ການບໍລິຫານອົງກອນ ໄລຍະ ທີ 1” ຊຶ່ງຈັດຂຶ້ນໃນລະຫວ່າງວັນທີ 17-19, 24-27 ແລະ 30-31 ກໍລະກົດ 2018 (ກໍານົດ 9 ວັນ), ທີ່ສູນອິນເຕີເນັດແຫ່ງຊາດ. ໂດຍການເປັນປະທານຂອງ ທ່ານ ມີນາໄຊ ພິລາວົງ, ຮອງຫົວໜ້າ ສູນອິນເຕີເນັດແຫ່ງຊາດ, ກະຊວງ ປທສ. ໃຫ້ກຽດຂຶ້້ນບັນຍາຍຫົວຂໍ້ການຝຶກອົບຮົມໂດຍທ່ານ ຮສ. ປອ. ບຸນລ້ວນ ດ້ວງເງິນ, ຜູ້ອຳນວຍການສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ, ມະຫາວິທະຍາໄລແຫ່ງຊາດ ແລະ ທ່ານ ອ.ຈ ນາງ ສຸດຖະໜອມ ພິນສະຫວັດ ຮອງຜູ້ອຳນວຍການສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ, ມະຫາວິທະຍາໄລແຫ່ງຊາດ ມີນັກສໍາມະນາກອນຕາງໜ້າຈາກ ບັນດາກົມອ້ອມຂ້າງ ກະຊວງ ປທສ ເຂົ້າຮ່ວມທັງໝົດ 35 ທ່ານ.

ໃນການເປີດຝຶກອົບຮົມໃນຄັ້ງນີ້ ແມ່ນເຕັມໄປດ້ວຍບັນຍາກາດທີ່ຟົດຟື້ນ, ເນື່ອງຈາກບັນດານັກສຳມະນາກອນ ໄດ້ໃຫ້ຄວາມເອົາໃຈໃສ່ ຕໍ່ການຮັບຟັງການບັນຍາຍ, ແລກປ່ຽນຄຳຄິດເຫັນ ແລະ ເຮັດກິດຈະກຳເປັນກຸ່ມ ຕາມການໂຈດທີ່ ວິທະຍາກອນ ຕັ້ງຂຶ້ນ, ຊຶ່ງເປັນການຝຶກອົບຮົມກ່ຽວກັບ ການບໍລິຫານຄວາມຮູ້ໃນອົງກອນ, ໃຫ້ແຕ່ລະຄົນມີສ່ວນຮ່ວມໃນການແບ່ງປັນຄວາມຮູ້ ແລະ ປະສົບການຂອງຕົນ ເພື່ອເອົາມາໝູນໃຊ້ໃນການພັດທະນາອົງກອນ, ພ້ອມທັງຮຽນຮູ້ທັກສະໃນການເປັນຜູ້ນໍາ, ການບໍລິຫານເວລາ ເພື່ອແກ້ໄຂບັນດາໜ້າວຽກ ທີ່ຖືກມອບໝາຍໃຫ້ທັນຕາມກໍານົດ, ຕາມຈຸດປະສົງ ແລະ ຖືກຕາມຄາດໝາຍທີ່ໄດ້ວາງໄວ້.

ໃນໂອກາດດຽວກັນ, ຫຼັງຈາກສໍາເລັດຊຸດຝຶກອົບຮົມດັ່ງກ່າວ ກໍ່ໄດ້ມີພິທີ ມອບໃບຢັ້ງຢືນ ແລະ ປິດຊຸດຝຶກອົບຮົມ, ໂດຍທ່ານ ມີນາໄຊ ພິລາວົງ ໄດ້ກ່າວຊົມເຊີຍ ມາຍັງອາຈານ ແລະ ນັກສຳມະນາກອນ ທຸກທ່ານ ທີ່ເອົາໃຈໃສ່ ຕັ້ງໜ້າ ຄົ້ນຄວ້າ ອອກຄວາມຄິດເຫັນ, ເຮັດໃຫ້ຊຸດຝຶກອົບຮົມຄັ້ງນີ້ ເຕັມໄປດ້ວຍບັນຍາກາດ ທີ່ຟົດຟື້ນ ແລະ ໄດ້ເນັ້ນໃຫ້ນັກສໍາມະນາກອນທັງໝົດ ເອົາໃຈໃສ່ຕໍ່ການນໍາເອົາບົດຮຽນທີ່ໄດ້ຈາກການຟັງບັນຍາຍ, ແລກປ່ຽນຄຳຄິດເຫັນ ແລະ ເຮັດກິດຈະກຳຕ່າງໆ ໃນການຝຶກອົບຮົມຄັ້ງນີ້ ມາຈັດຕັ້ງຜັນຂະຫຍາຍເຂົ້າໃນວຽກງານ ຂະແໜງຂອງຕົນໃຫ້ມີປະສິດຕິພາບ ແລະ ປະສິດທິຜົນສູງສຸດ.

ພ້ອມນີ້, ທ່ານມີນາໄຊ ພິລາວົງ ຍັງໄດ້ກ່າວຕຶ່ມວ່າ ໃນທິດທາງຕໍ່ໜ້າ ກະຊວງ ປທສ ກໍ່ຄື ສູນອິນເຕີເນັດ ແຫ່ງຊາດ ກໍ່ຈະໄດ້ສືບຕໍ່ຮ່ວມກັບ ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ, ມະຫາວິທະຍາໄລແຫ່ງຊາດ ເພື່ອຈັດຊຸດຝຶກອົບຮົມໃນຫົວຂໍ້: “ການສ້າງອົງກອນແຫ່ງການຮຽນຮູ້ ເພື່ອພັດທະນາຄຸນນະພາບໃນການຄຸ້ມຄອງ ແລະ ການບໍລິຫານອົງກອນ ໄລຍະ ທີ 2” ໃນທ້າຍເດືອນ ສິງຫາ 2018 ນີ້.

ຂ່າວ+ພາບ: ສູນອິນເຕີເນັດແຫ່ງຊາດ, ປທສ.


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 16
  • ມື້ວານ859
  • ອາທິດນີ້9800
  • ອາທິດກ່ອນ18595
  • ເດືອນນີ້18434
  • ເດືອນກ່ອນ29262
  • ທັງໝົດ591794
Loding...