ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 120
  • ມື້ວານ1,014
  • ອາທິດນີ້12,622
  • ອາທິດກ່ອນ12,996
  • ເດືອນນີ້15,136
  • ເດືອນກ່ອນ25,285
  • ທັງໝົດ645,550
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ເປີດຊຸດຝຶກອົບນຮົມວຽກງານກໍ່ສ້າງພັກ ຊຸດທີ III.

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ເປີດຊຸດຝຶກອົບຮົມວຽກງານກໍ່ສ້າງພັກ ຊຸດທີ III ຂຶ້ນໃນວັນທີ 17 ກັນຍານີ້, ໄດ້ດໍາເນີນໄປເປັນເວລາ 05 ວັນ (ລະຫວ່າງວັນທີ 17-21 ກັນຍາ 2018), ທີ່ສະຖາບັນເຕັກໂນໂລຊີການສື່ສານຂໍ້ມູນຂ່າວສານ. ໃຫ້ກຽດຂຶ້ນເປັນປະທານໂດຍ ສະຫາຍ ທອງໃສ ຊານໄຊຍະ ຮອງເລຂາຄະນະພັກ, ຮອງລັດຖະມົນຕີ ກະຊວງ ປທສ, ມີຕາງໜ້າຈາກຄະນະຈັດຕັ້ງສູນກາງພັກ, ບັນດາສະຫາຍຄະນະພັກກະຊວງ, ຄະນະໜ່ວຍພັກ, ຄະນະພັກຮາກຖານ ແລະ ສະມາຊິກພັກບັນດາກົມ/ທຽບເທົ່າ ພ້ອມດ້ວຍສະມາຊິກພັກ ບໍລິສັດລັດວິສາຫະກິດອ້ອມຂ້າງກະຊວງເຂົ້າຮ່ວມ.

ການເປີດຊຸດຝຶກອົບຮົມໃນຄັ້ງນີ້ ແມ່ນໄດ້ຮັບການຮ່ວມມື ແລະ ຊ່ວຍເຫຼືອທາງດ້ານເນື້ອໃນຫຼັກສູດ, ຂຶ້ນຫ້ອງບັນລະຍາຍເອກະສານຈາກກົມກໍ່ສ້າງພັກ, ກົມຈັດຕັ້ງ-ກົດລະບຽບພັກ ແລະ ກົມປ້ອງກັນພັກ-ພະນັກງານ, ຄະນະຈັດຕັ້ງສູນກາງພັກ ເພື່ອເປັນການຍົກສູງ ລະດັບຄວາມຮູ້, ຄວາມສາມາດດ້ານວຽກງານກໍ່ສ້າງພັກ ໃຫ້ກັບຄະນະໜ່ວຍພັກ, ຄະນະພັກຮາກຖານ ແລະ ສະມາຊິກພັກ ໃຫ້ມີຄວາມເຂົ້າໃຈຢ່າງເລິກເຊິ່ງກ່ຽວກັບ ການຍົກສູງຄຸນນະພາບຂອງສະມາຊິກພັກ, ວຽກງານຂະຫຍາຍພັກໃນໄລຍະໃໝ່, ທີ່ຕັ້ງ, ພາລະບົດບາດ, ຂອບເຂດສິດ, ໜ້າທີ່ ແລະ ແບບແຜນວິທີເຮັດວຽກ ຂອງຄະນະໜ່ວຍພັກ, ຄະນະພັກຮາກຖານ ໃຫ້ມີຄວາມປອກດໃສ, ເຂັ້ມແຂງ, ໜັກແໜ້ນ ເພີ່ມທະວີວຽກງານຄຸ້ມຄອງ ລະບຽບຍົກຍ້າຍຮ່ວມຊິວິດພັກ, ວຽກງານອອກບັດ-ມອບບັດສະມາຊິກພັກສົມບູນ, ພື້ນຖານກ່ຽວກັບວຽກງານປ້ອງກັນພັກ-ພະນັກງານ ແລະ ການກະກຽມກອງປະຊຸມໃຫຍ່ 3 ຂັ້ນຂອງພັກ.

ໃນຕອນທ້າຍ ສະຫາຍ ທອງໃສ ຊານໄຊຍະ ໄດ້ໃຫ້ກຽດໂອ້ລົມ ແລະ ເນັ້ນໜັກໃຫ້ ສະມາຊິກພັກ ສ້າງພັກໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ, ຍົກສູງຄວາມສາມາດການນໍາພາການຈັດຕັ້ງຮາກຖານຂອງພັກ ໃຫ້ມີການຫັນປ່ຽນຢ່າງຈະແຈ້ງ ທາງດ້ານຄຸນນະພາບການເຄື່ອນໄຫວ ຕ້ອງໄດ້ບໍາລຸງ, ຍົກສູງຄວາມຮູ້ຄວາມສາມາດ ການນໍາພາດ້ານການເມືອງແນວຄິດ, ການຈັດຕັ້ງປະຕິບັດ ແລະ ແບບແຜນວິທີນໍາພາ ຖືເອົາແນວທາງນະໂຍບາຍຂອງພັກ, ທັດສະນະຫຼັກໝັ້ນການເມືອງ ແລະ ຄຸນສົມບັດສິນທໍາປະຕິວັດ ໃນການສ້າງ, ບໍາລຸງ ແລະ ປັບປຸງພັກ ຢູ່ບັນດາຮາກຖານພັກ ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງວຽກງານຂະແໜງການ ປທສ ໃນໄລຍະໃໝ່.

ຂ່າວ: ກົມຈັດຕັ້ງ-ພະນັກງານ, ປທສ.

ພາບ: ຫ້ອງການກະຊວງ.


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 120
  • ມື້ວານ1014
  • ອາທິດນີ້12622
  • ອາທິດກ່ອນ12996
  • ເດືອນນີ້15136
  • ເດືອນກ່ອນ25285
  • ທັງໝົດ645550
Loding...