ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 95
  • ມື້ວານ756
  • ອາທິດນີ້14,821
  • ອາທິດກ່ອນ10,612
  • ເດືອນນີ້8,527
  • ເດືອນກ່ອນ26,786
  • ທັງໝົດ693,340
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ສຕສ ສະຫຼຸບການຮຽນ-ການສອນ ສົກປີ 2017-2018

ເມື່ອບໍ່ດົນມານີ້, ສະຖາບັນເຕັກໂນໂລຊີການສື່ສານຂໍ້ມູນຂ່າວສານ (ສຕສ) ທີ່ຂຶ້ນກັບ ກະຊວງ ໄປສະນີ,ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີ ສະຫຼຸບການຮຽນ-ການສອນ ສົກປີ 2017-2018 ຂຶ້ນ ໂດຍການເປັນປະທານຂອງ ທ່ານ ສາຍຝົນ ບຸດຈັນທະລາດ ຫົວໜ້າສະຖາບັນເຕັກໂນໂລຊີການສື່ສານຂໍ້ມູນຂ່າວສານ ມີບັນດາຄະນະກົມ/ທຽບເທົ່າ ພ້ອມດ້ວຍພະນັກງານວິຊາການ ເຂົ້າຮ່ວມ.

ທ່ານ ນາງ ຍອດ ໄຊທົງເດດ ຮອງຫົວໜ້າ ສຕສ ໄດ້ສະຫຼຸບໂດຍຫຍໍ້ກ່ຽວກັບແຜນປະຕິບັດການຮຽນ-ການສອນ ໃນໄລຍະຜ່ານມາ ແລະ ທິດທາງໃນຕໍ່ໜ້າ ຊຶ່ງທ່ານໄດ້ກ່າວວ່າ: ສຕສ ສັງກັດໃນໂຄງປະກອບກົງຈັກການຈັດຕັ້ງ ຂອງກະຊວງ ປທສ ມີພາລະບົດບາດເປັນຫົວໜ່ວຍວິຊາການມີຖານະທຽບເທົ່າກົມ, ເຮັດໜ້າທີ່ໃນການພັດທະນາຫຼັກສູດຕ່າງໆ ທາງດ້ານໄປສະນີ, ໂທລະຄົມມະນາຄົມ ແລະ ການສື່ສານ ຫຼືເອີ້ນຢ່າງໜຶ່ງວ່າຂະແໜງ ໄອຊີທີ. ສຕສ ໄດ້ມີຫຼັກສູດຊັ້ນສູງຮັບຮອງຈາກກະຊວງສຶກສາທິການ ແລະ ກິລາ, ລະບົບການຈັດຕັ້ງການຮຽນ-ການສອນເປັນພາກປົກກະຕິ, ມີນັກສຶກສາທັງໝົດ 673 ຄົນ, ຍິງ 375, ພະນັກງານຄູ-ອາຈານທັງໝົດ 62 ຄົນ, ຍິງ 28 ຄົນ ໃນນັ້ນ ນັກສຶກສາທີ່ຈົບ ສົກຮຽນປີ 2017-2018 ທັງໝົດ 239 ຄົນ, ຍິງ 135 ຄົນ, ໂດຍມີ 2 ຂະແໜງການຮຽນທີ່ຈົບຄື: ຂະແໜງໂທລະຄົມ 167 ຄົນ, ຍິງ 96 ຄົນ ແລະ ຂະແໜງ ໄອຊີທີ 72 ຄົນ, ຍິງ 39 ຄົນ. ໂດຍທິດທາງແຜນການໃນຕໍ່ໜ້າ ກໍ່ຄື ສົກປີ 2018-2019 ຍັງຕ້ອງໄດ້ສືບຕໍ່ກໍ່ສ້າງວຽກງານດ້ານການເມືອງແນວຄິດ, ແນວທາງນະໂຍບາຍຂອງພັກ-ລັດ ໃຫ້ແກ່ພະນັກງານລັກຖະກອນຄູ, ອາຈານ ພາຍໃນ ສຕສ ໃຫ້ເຊື່ອມຊຶມ ແລະ ເຂົ້າໃຈຢ່າງຈະແຈ້ງຕໍ່ການປ່ຽນແປງ ໃໝ່ຂອງ ພັກ-ລັດ ຢ່າງຖືກຕ້ອງ. ຄຽງຄູ່ກັນນັ້ນ, ກໍ່ຕ້ອງໄດ້ສືບຕໍ່ສອບເສັງຄັກເລືອກນັກສຶກສາຕາມຫຼັກສູດຂອງການຮຽນ-ການສອນ ຂອງ ສຕສ ກໍ່ຄື ກະຊວງສຶກສາທິການ ແລະ ກິລາ ວາງອອກ, ສຶບຕໍ່ເອົາໃຈໃສ່ໃນວຽກງານການຮຽນ-ການສອນ ແລະ ວຽກງານຝຶກອົບຮົມ, ການປ້ອງການບົດຈົບຊັ້ນ ຂອງນັກສຶກສາ ໃຫ້ໄດ້ຕາມແຜນທີ່ວາງໄວ້, ປັບປຸງກົງຈັກການຈັດຕັ້ງ, ການກໍານົດຕໍາແໜ່ງງານ ສ້ອມແປງໂຄ່ງລ່າງພື້ນຖານ, ຄົ້ນຄວ້າພັດທະນາຫຼັກສູດຊັ້ນສູງ ແລະ ປະລິນຍາຕີ ໃຫ້ແທດເໝາະກັບສະພາບການປ່ຽນແປງໃໝ່ທາງດ້ານເຕັກໂນໂລຊີ.

ໃນຕອນທ້າຍ ທ່ານ ສາຍຝົນ ບຸດຈັນທະລາດ ຍັງໄດ້ກ່າວຕື່ມອີກວ່າ: ສຕສ ໄດ້ສ້າງພະນັກງານໃຫ້ມີວິຊາຊີບວິຊາສະເພາະດ້ານໄອຊີທີມາຫຼາຍພໍສົມຄວນ ຕາມສະຖິຕິ ແຕ່ປີ 1975 ເປັນຕົ້ນມາຮອດປະຈຸບັນ ມີປະມານ 4700 ກວ່າຄົນ ແລະ ຫຼັກສູດການຮຽນການສອນ ສຕສ ກໍ່ໄດ້ມີການພັດທະນາໄປຕາມແຕ່ລະໄລຍະໃຫ້ມີຄວາມຫຼາກຫຼາຍວິຊາຮຽນ ລວມໄປເຖິງເນື້ອໃນຂອງວິຊາຮຽນ ກໍ່ໄດ້ປັບປຸງໃຫ້ແທດເໝາະກັບສະພາບການຂະຫຍາຍຕົວຂອງເຕັກໂນໂລຊີໃນປັດຈຸ ບັນ. ດັ່ງນັ້ນ, ພະນັກງານຄູ-ອາຈານທັງຫຼາຍຕ້ອງໄດ້ທຸ້ມເທເຫື່ອແຮງ ແລະ ສະຕິປັນຍາ ເຂົ້າໃນການຄົ້ນຄວ້າບົດສອນ ລວມໄປເຖິງສ້າງວິຊາການໃໝ່ໆ ເພື່ອອອກຮັບໃຊ້ສັງຄົມ ທີ່ສາມາດນໍາເອົາຄວາມຮູ້ທີ່ໄດ້ຮຽນມາ ນໍາໄປໃຊ້ໃຫ້ເກີດຜົນປະໂຫຍດສູງສູດ.

ພາບ+ຂ່າວ: ພະແນກປະຊາສໍາພັນ, ຫ້ອງການກະຊວງ