ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 45
  • ມື້ວານ756
  • ອາທິດນີ້14,771
  • ອາທິດກ່ອນ10,612
  • ເດືອນນີ້8,477
  • ເດືອນກ່ອນ26,786
  • ທັງໝົດ693,290
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ຄະນະຜູ້ແທນ ປທສ ເຂົ້າຮ່ວມປະຊຸມ ແລະ ພົບປະສອງຝ່າຍ ກັບຄະນະຜູ້ແທນ ອົງການຄຸ້ມຄອງອິນເຕີເນັດ ແຫ່ງ ສປ.ຈີນ

ເມື່ອບໍ່ດົນມານີ້, ຄະນະຜູ້ແທນກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ນຳໂດຍ ທ່ານ ທອງໃສ ຊານໄຊຍະ, ຮອງລັດຖະມົນຕີ ກະຊວງ ປທສ ໄດ້ເຂົ້າຮ່ວມປະຊຸມ ແລກປ່ຽນ, ຖອດຖອນບົດຮຽນ ໃນການວາງນະໂຍບາຍ ໄອຊີທີ ແລະ ພົບປະສອງຝ່າຍ ກັບຄະນະຜູ້ແທນ ອົງການຄຸ້ມຄອງອິນເຕີເນັດ ແຫ່ງ ສປ ຈີນ ນໍາໂດຍ ທ່ານ Zhao Zeliang ຫົວໜ້າສູນຄວາມປອດໄພ ທາງໄຊເບີ ເພື່ອປຶກສາຫາລື ແລະ ແລກປ່ຽນສະພາບການພັດທະນາໄອຊີທີ ໃນປັດຈຸບັນ, ທິດທາງແຜນການພັດທະນາໄອຊີທີ ໃນຕໍ່ໜ້າ ແລະ ພາລະບົດບາດຂອງອົງການຄຸ້ມຄອງອິນເຕີເນັດ. ຊຶ່ງ ທ່ານ Zhao Zeliang ໄດ້ກ່າວຕໍ່ກອງປະຊຸມວ່າ: “ມະຕິກອງປະຊຸມໃຫ່ຍພັກຄອມມູນິດ ສປ ຈີນ ຄັ້ງທີ 19, ທ່ານ ປະທານປະເທດ ສີ ຈິ້ນຜິງ ໄດ້ຮັບຮອງເອົາແຜນຍຸດທະສາດ ດິຈີຕອນຈີນ (Digital China) 2018-2025 ເປັນວາລະແຫ່ງຊາດ ໃຫ້ວຽກງານໄອຊີທີ ເປັນໂຕຂັບເຄື່ອນເສດຖະກິດ, ອໍານວຍຄວາມສະດວກໃຫ້ທຸກຂະແໜງການ, ສ້າງສະພາບແວດລ້ອມ ແລະ ການມີສ່ວນຮ່ວມຂອງຫຼາຍພາກສ່ວນ, ໃຫ້ພື້ນຖານໂຄງລ່າງ, ຄວາມກ້າວໜ້າ ຂອງເຕັກໂນໂລຊີການສື່ສານ ຂໍ້ມູນຂ່າວສານ ເຊື່ອມໂຍງທຸກຂະແໜງການ ແລະ ຫັນເປັນເສດຖະ ກິດດິຈີຕອນ”

ພ້ອມດຽວກັນນີ້, ທ່ານ ທອງໃສ ຊານໄຊຍະ ພ້ອມດ້ວຍຄະນະ ກໍ່ໄດ້ພົບປະໂອ້ລົມກັບ ທ່ານ Zhao Xiong Chen, ຮອງລັດຖະມົນຕີ ກະຊວງອຸດສະຫະກຳ ແລະ ເຕັກໂນໂລຊີຂໍ້ມູນຂ່າວສານ ແຫ່ງ ສປ ຈີນ ໃນການພົບປະ ທັງສອງຝ່າຍ ໄດ້ຕີລາຄາສູງຕໍ່ການ ເປັນຄູ່ຮ່ວມມືຍຸດທະສາດຮອບດ້ານ, ຄວາມໝັ້ນຄົງຍາວນານຕາມທິດ 4 ດີ (ບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ). ໃນໂອກາດນີ້, ທ່ານ ຮອງລັດຖະມົນຕີ ກະຊວງ ປທສ ໄດ້ສະແດງຄວາມຂອບໃຈ ຕໍ່ກັບ ການຕ້ອນຮັບທີ່ ອົບອຸ່ນ ແລະ ມີຄວາມປິຕິ ຍິນດີ ທີ່ໄດ້ມີໂອກາດ ແລກປ່ຽນບົດຮຽນ ໃນການພັດທະນາດ້ານ ໄອຊີທີ ໃນການຫັນເປັນທັນສະໄໝ ໂດຍສະເພາະແມ່ນການວາງນະໂຍບາຍ, ຍຸດທະສາດ ແລະ ແຜນການ ໃນການກໍ່ສ້າງພື້ນຖານໂຄງລ່າງ, ການຫັນເປັນລັດຖະບານດິຈິຕອນ, ການສ້າງຕົວເມືອງທັນສະໄໝ, ການຮັກສາຄວາມປອດໄພ ທາງໄຊເບີ, ການຄຸ້ມຄອງສື່ສັງຄົມອອນລາຍ, ການສ້າງບຸກຄະລາກອນ, ແລະ ອື່ນໆ.

ການພົບປະສອງຝ່າຍໃນຄັ້ງນີ້ ເຫັນວ່າ ພັກ ແລະ ລັດຖະບານ ສປ ຈີນ ໄດ້ຍົກສູງວຽກງານ ໄອຊີທີ ແລະ ດິຈິຕອນ ເປັນສ່ວນໜຶ່ງໃນການ ພັດທະນາ ເສດຖະກິດ-ສັງຄົມ ກໍຄື ເປັນແຮງຂັບເຄື່ອນເສດຖະກິດ, ເຮັດໃຫ້ການຜະລິດ, ການເຮັດວຽກມີປະສິດທິຜົນສູງ, ການຮ່ວມມື, ການເຊື່ອມຕໍ່, ຄວາມໂປ່ງໃສ, ຄວາມສະດວກ ແລະ ຄວາມປອດໄພສູງຂຶ້ນ ເຫັນໄດ້ຈາກການເອົາວຽກງານໄອຊີທີ ເຂົ້າໃນມະຕິກອງປະຊຸມໃຫຍ່ຂອງພັກກອມມູນິດຈີນ ຖືເປັນໜຶ່ງໃນວາລະແຫ່ງຊາດ ໃນການສ້າງ ນະໂຍບາຍ ໄອຊີທີ ແຫ່ງຊາດ ໃຫ້ມີວິໃສທັດ, ຈຸດປະສົງ ແລະ ເປົ້າໜາຍທີ່ຈໍາເປັນຈະຕ້ອງມີການປະເມີນ ສະພາບການພັດທະນາໃນບັດຈຸບັນ, ຂື້ນແຜນຫັນເປັນທັນສະໄໝໃຫ້ຈະແຈ້ງ, ເປີດໃຫ້ມີຫຼາຍຂະແໜງການກ່ຽວຂ້ອງມີສ່ວນຮ່ວມໃນການພັດທະນາ ພາຍໃຕ້ການຊີ້ນຳຂອງຂັ້ນເທິງສູງສຸດ ເພື່ອຮັບປະກັນວ່າ ທຸກຂະແໜງການສາມາດພັດທະນາ ໃນທິດທາງດຽວ, ຫຼີກລ້ຽງການລົງທຶນຊໍ້າຊ້ອນ ໃນເຕັກໂນໂລຊີດຽວ, ຫຼີກລ້ຽງການມີຫຼາຍລະບົບ.

ຂ່າວໂດຍ: ກົມແຜນການແລະການຮ່ວມມື, ປທສ.