ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 95
  • ມື້ວານ756
  • ອາທິດນີ້14,821
  • ອາທິດກ່ອນ10,612
  • ເດືອນນີ້8,527
  • ເດືອນກ່ອນ26,786
  • ທັງໝົດ693,340
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ສໍາມະນາຄວາມແຕກໂຕນ, ການໃຫ້ຄຳແນະນຳ, ການສົ່ງເສີມການພັດທະນາ ແລະ ນຳໃຊ້ລະບົບບໍລິການແບບທັນສະໄໝ

ເມື່ອບໍ່ດົນມານີ້, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມສຳມະນາກ່ຽວກັບ ການສຶກສາຄວາມແຕກໂຕນ, ການໃຫ້ຄຳແນະນຳ, ການສົ່ງເສີມການພັດທະນາ ແລະ ນຳໃຊ້ລະບົບບໍລິການແບບທັນສະໄໝ (E-Service) ໃນກຸ່ມປະເທດອາຊຽນ ຂື້ນທີ່ໂຮງແຮມ ລາວພຣາຊ່າ, ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ພູຂົງ ຈິດຮູບໂລກ, ຫົວໜ້າກົມແຜນການ ແລະ ການຮ່ວມມື, ກະຊວງ ປທສ ມີຜູ້ຕາງໜ້າຈາກບັນດາສະມາຊິກປະເທດອາຊຽນ, ບັນດາກະຊວງ, ບໍລິສັດຜູ້ໃຫ້ບໍລິການດ້ານໂທລະຄົມ ພ້ອມດ້ວຍພະນັກງານອ້ອມຂ້າງກະຊວງ ປທສ ເຂົ້າຮ່ວມ.

ກອງປະຊຸມສຳມະນາໃນຄັ້ງນີ້ ແມ່ນໜຶ່ງໃນໂຄງການ ການສຶກສາຄວາມແຕກໂຕນ, ການໃຫ້ຄຳແນະ, ນຳການສົ່ງເສີມການພັດທະນາ ແລະ ນຳໃຊ້ລະບົບບໍລິການແບບທັນສະໄໝ ໃນບັນດາປະເທດອາຊຽນ (Gap Analysis, Recommendation and Promotion on Best Practice of ASEAN e-Service Development project) ໂດຍໄດ້ຮັບອະນຸມັດ ຈາກກອງປະຊຸມຄະນະລັດຖະມົນຕີໂທລະຄົມມະນາຄົມ ຄັ້ງທີ 17 (TELMIN 17) ພາຍໃຕ້ງົບປະມານສະໜັບສະໜຸນຈາກກອງທຶນພັດທະນາວຽກງານ ICT ຂອງອາຊຽນ (ASEAN ICT Fund) ເພື່ອເປັນການທົບທວນຄືນ ແລະ ປະເມີນສະພາບການພັດທະນາລະບົບບໍລິການແບບທັນສະໄໝຂອງບັນດາປະເທດອາຊຽນ, ແລກປ່ຽນບົດຮຽນ, ປະສົບການ, ຮຽນຮູ້ ທາງດ້ານການກຳນົດລະບຽບນະໂຍບາຍ, ຜົນປະໂຫຍດທີ່ຈະໄດ້ຮັບຈາກການນຳໃຊ້ ລະບົບບໍລິການທີ່ທັນສະໄໝ (E-Service) ແລະ ການພັດທະນາລະບົບບໍລິຫານລັດດ້ວຍເອເລັກໂຕຣນິກ (E-Government). ພ້ອມນັ້ນ, ກໍ່ມີຊ່ຽວຊານ ແລະ ຕາງໜ້າຈາກບັນດາປະເທດສະມາຊິກອາຊຽນ ມານຳສະເໜີ ເຖິ່ງສະພາບປະຈຸບັນ, ປະສົບການ ແລະ ສິ່ງທີ່ໄດ້ຮຽນຮູ້ ຂອງການນຳໃຊ້ລະບົບດັ່ງກ່າວ ເພື່ອຫາທາງການແກ້ໄຂຄວາມແຕກໂຕນ. ນອກນີ້, ກໍ່ໄດ້ມີການປຶກສາຫາລື ເຖິງຄວາມເປັນໄປໄດ້ ແລະ ຜົນທີ່ຈະໄດ້ຮັບຂອງການນຳໃຊ້ລະບົບບໍລິການທີ່ທັນສະໄໝ (E-Service) ແລະ ການພັດທະນາລະບົບບໍລິຫານລັດດ້ວຍເອເລັກໂຕຣນິກ (E-Government) ເຂົ້າສູ່ທຸກຄົງເຂດຂອງວຽກງານ ເພື່ອສ້າງຜົນປະໂຫຍດສູງສຸດໃຫ້ແກ່ປະຊາຄົມອາຊຽນ.

ສຳລັບ ສປປ ລາວ ຂອງພວກເຮົາ ກໍ່ມີຫຼາຍພາກສ່ວນທີ່ເລີ່ມຕົ້້ນຫັນການບໍລິການໃຫ້ເປັນເອເລັກໂຕຣນິກ ແລະ ທັນສະໄໝ ກໍ່ຄື ກະຊວງ ປທສ ທີ່ກຳລັງພັດທະນາລະບົບບໍລິຫານຫ້ອງການທັນສະໄໝ (e-Office) ເພື່ອອຳນວຍຄວາມສະດວກໃຫ້ແກ່ພາກລັດໃນການຄຸ້ມຄອງ, ການຈັດເກັບເອກະສານເຂົ້າ-ອອກ, ການຈັດການກັບຕາຕະລາງເຄື່ອນໄຫວຂອງຫ້ອງການ, ລະບົບ ອີເມລ (E-Mail) ແລະ ລະບົບກອງປະຊຸມທາງໄກ (Video conference). ພ້ອມດຽວກັນນີ້, ບັນດາປະເທດທີ່ເຂົ້າຮ່ວມ ຍັງໄດ້ຂື້ນລາຍງານຄືນກ່ຽວກັບສະພາບການພັດທະນາລະບົບບໍລິການແບບດິຈິຕອນ ແລະ ທັນສະໄໝ ລວມເຖິງທິດທາງແຜນການໃນຕໍ່ໜ້າ ຂອງການພັດທະນາວຽກງານຂອງຕົນ ເຊັ່ນ: ປະເທດລາຊາອານາຈັກໄທ ແລະ ປະເທດ ສສ ຫວຽດນາມ ແຫ່ງອົງການພັດທະນາລັດຖະບານດິຈິຕອນ (Digital Government Development Agency) ກໍ່ໄດ້ນຳສະເໜີກ່ຽວກັບສະພາບການພັດທະນາ, ສົ່ງເສີມການນຳໃຊ້ລະບົບບໍລິການ ແບບທັນສະໄໝ ລວມໄປເຖິງທິດທາງແຜນການໃນຕໍ່ໜ້າທີ່ຈະຮ່ວມກັບບັນດາປະເທດອາຊຽນໃນການພັດທະນາບັນດາເຄື່ອງມື ແລະ ຕົວແບບຂອງການພັດທະນາລະບົບບໍລິຫານລັດດ້ວຍເອເລັກໂຕຣນິກຂອງປະເທດ ສສ ຫວຽດນາມ.

ພາບ+ຂ່າວ: ສູນບໍລິຫານລັດດ້ວຍເອເລັກໂຕຣນິກ, ປທສ.

ກວດແກ້: ຫ້ອງການກະຊວງ.