ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 98
  • ມື້ວານ756
  • ອາທິດນີ້14,824
  • ອາທິດກ່ອນ10,612
  • ເດືອນນີ້8,530
  • ເດືອນກ່ອນ26,786
  • ທັງໝົດ693,343
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ເປີດຊຸດຝຶກອົບຮົມ ວຽກງານກວດກາລັດ

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ເປີດຊຸດຝຶກອົບຮົມ ວຽກງານກວດກາລັດ ຂອງກະຊວງ ປທສ ເຊິ່ງຈັດຂຶ້ນໂດຍກະຊວງ ປທສ ແລະ ຄະນະກວດກາສູນກາງພັກ ໃຫ້ກຽດເປັນປະທານຮ່ວມຂອງ ທ່ານ ຄຳຝັ້ນ ສຸວັນນາຄະ ຮອງປະທານກວດກາຄະນະພັກ, ຫົວໜ້າກົມກວດກາ ແລະ ທ່ານ ສີສະອາດ ດວງພະຈັນ ຄະນະພັກ, ຫົວຫນ້າກົມຈັດຕັ້ງ-ພະນັກງານ ຄະນະກວດກາສູນກາງພັກ ແລະ ອົງການກວດກາລັດຖະບານ ມີບັນດາເລຂາໜ່ວຍພັກ, ເລຂາຮາກຖານພັກ, ປະທານກວດກາໜ່ວຍພັກ, ຮາກຖານພັກບັນດາບໍລິສັດ ລັດວິສາຫະກິດ, ຜູ້ເຮັດວຽກງານກວດກາ ຂອງບັນດາກົມ/ທຽບເທົ່າ, ພະແນກ ປທສ ນະຄອນຫຼວງ ແລະ ບໍລິສັດ ລັດວິສາຫະກິດ ເຂົ້້າຮ່ວມ.

ການເປີດຊຸດຝຶກອົບຮົມໃນຄັ້ງນີ້, ກໍ່ເພື່ອຈັດຕັ້ງປະຕິບັດ ຕາມແຜນພັດທະນາເສດຖະກິດ-ສັງຄົມ 5 ປີ ຄັ້ງທີ່ 2 ແລະ ຕາມການຊີ້ນໍາຂອງຄະນະພັກ-ຄະນະນຳ ກະຊວງ ໃນການຍົກສູງຄວາມຮູ້ ຄວາມສາມາດ ກ່ຽວກັບວຽກງານກວດກາໃຫ້ແກ່ສະມາຊິກພັກ-ພະນັກງານ ອ້ອມຂ້າງ ກະຊວງ ປທສ ນຳໄປຈັດຕັ້ງປະຕິບັດໃຫ້ຖືກຕ້ອງ, ສອດຄ່ອງຕາມໜ້າທີ່ວຽກງານຂອງຕົນ ເຊິ່ງສາມາດຊອກໃຫ້ເຫັນດ້ານດີ, ຂໍ້ຄົງຄ້າງທີ່ຈະຕ້ອງໄດ້ປັບປຸງແກ້ໄຂ ແລະ ມີບາງບົດຮຽນທີ່ຈະຕ້ອງຮ່ວມກັນເສີມຂະຫຍາຍ. ນອກນີ້, ຍັງໄດ້ຮັບຟັງການເຜີຍແຜ່ ມະຕິຂອງຄະນະບໍລິຫານສູນກາງພັກ ເລກທີ 022/ຄບສພ, ລົງວັນທີ 13 ມັງກອນ 2017 ວ່າດ້ວຍການແກ້ໄຂພະຍາດອາດຍາສິດ, ສະກັດກັ້ນ ແລະ ຕ້ານການສໍ້ລາດບັງຫຼວງ ແລະ ບາງບົດຮຽນທີ່ສຳຄັນເຊັ່ນ: ບາງພື້ນຖານກ່ຽວກັບຈິດຕະສາດໃນວຽກງານກວດກາ, ຄວາມຮູ້ພື້ນຖານກ່ຽວກັບວຽກງານກວດກາລັດ, ວິທີການສ້າງແຜນການດຳເນີນການກວດກາ, ຄວາມຮູ້ພື້ນຖານກ່ຽວກັບການສະກັດກັ້ນ ແລະ ຕ້ານການສໍ້ລາດບັງຫຼວງ, ວຽກງານຄຳຮ້ອງ-ຄຳສະເໜີ, ຄວາມຮູ້ພື້ນຖານກ່ຽວກັບວຽກງານການຕິດຕາມກວດກາ, ກວດກາໂຄງການລົງທຶນຂອງລັດເລີ່ມແຕ່ຫົວທີ, ການແກ້ໄຂຜົນການກວດກາ ແລະ ການຈັດຕັ້ງປະຕິບັດຜົນການກວດກາ ເພື່ອໃຫ້ນັກສໍາມະນາກອນເຂົ້າໃຈເຖີງຂັ້ນຕອນ ແລະ ແບບແຜນວິທີດໍາເນີນງານກ່ຽວກັບວຽກງານກວດກາຢ່າງເລິກເຊີ່ງ ຮູ້ວາງແຜນຕິດຕາມ, ກວດກາ, ເກັບກຳ ແລະ ສາມາດເຮັດບົດສະຫຼຸບລາຍງານວຽກງານກວດກາປະຈຳເດືອນ, ງວດ ແລະ ປີ ຂອງກົມກອງທີ່ສັງກັດຂອງຕົນໄດ້ເປັນປົກກະຕິ ສາມາດເປັນເສນາທິການເຮັດໜ້າທີ່ວຽກງານກວດກາ ໃຫ້ຄະນະໜ່ວຍພັກ, ຄະນະໜ່ວຍພັກຮາກຖານ, ຄະນະກົມ/ທຽບເທົ່າ ແລະ ຄະນະອຳນວຍການ ໃນວຽກງານກວດກາ, ຕິດຕາມໃນຂະແໜງການຂອງຕົນ.

ໃນຕອນທ້າຍ ທ່ານປະທານ ໄດ້ໃຫ້ໂອ້ລົມຕໍ່ຊຸດຝຶກອົບຮົມ ຊຶ່ງທ່ານໄດ້ກ່າວວ່າ ໃນນາມຕາງໜ້າ ໃຫ້ຄະນະພັກ-ຄະນະນໍາ ກະຊວງ ປທສ ໃນການເຫັນໄດ້ເຖິງຄວາມໝາຍ ຄວາມສຳຄັນຕໍ່ວຽກງານກວດກາ ໃຫ້ນັກສໍາມະນາກອນທຸກທ່ານ ຈົ່ງນຳເອົາບັນດາຄວາມຮູ້ ແລະ ປະສົບການຈາກການຝຶກອົບຮົມຄັ້ງນີ້ນຳໄປຈັດຕັ້ງປະຕິບັດໃຫ້ຖືກຕ້ອງ ແລະ ສອດຄ່ອງ ຕາມພາລະບົດບາດ, ສິດ ແລະ ໜ້າທີ່ ຕາມຄວາມຮັບຜິດຊອບຂອງຕົນ ເປັນເຈົ້າການພ້ອມກັນຈັດຕັ້ງປະຕິບັດໃນຕິດຕາມ ກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງ ທົ່ວຂະແໜງ ໄປສະນີ ໂທລະຄົມມະນາຄົມ ແລະ ການສື່ສານ ໃຫ້ໄດ້ຮັບປະສິດທິພາບ ແລະ ປະສິດທິຜົນສູງສຸດ.

ຂ່າວ: ກົມກວດກາ, ປທສ.

ພາບ: ຫ້ອງການກະຊວງ