ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 99
  • ມື້ວານ756
  • ອາທິດນີ້14,825
  • ອາທິດກ່ອນ10,612
  • ເດືອນນີ້8,531
  • ເດືອນກ່ອນ26,786
  • ທັງໝົດ693,344
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ທ່ານ ທັນສະໄໝ ກົມມະສິດ ຕ້ອນຮັບການຢ້ຽມຢາມຂອງທ່ານ Konstantin NOSKOV

ທ່ານ ທັນສະໄໝ ກົມມະສິດ ລັດຖະມົນຕີກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຕ້ອນຮັບການມາຢ້ຽມຢາມ ຂອງ ທ່ານ Konstantin NOSKOV, ລັດຖະມົນຕີ ກະຊວງ ພັດທະນາດ້ານດິຈີຕອນ, ໂທລະຄົມມະນາຄົມ ແລະ ການສື່ສານ ແຫ່ງຣັດເຊຍ ພ້ອມຄະນະ ໃນຕອນເຊົ້າ ຂອງວັນທີ 27 ພະຈິກ ຜ່ານມານີ້, ທີ່ ຫ້ອງຮັບແຂກ ກະຊວງ ປທສ ເນື່ອງໃນໂອກາດການເດີນທາງມາເຂົ້າຮ່ວມກອງປະຊຸມ ຄະນະກຳມາທິການຮ່ວມມື ດ້ານເສດຖະກິດການຄ້າ ແລະ ວີທະຍາສາດ-ເຕັກນິກ ລາວ-ຣັດເຊຍ ຢ່າງເປັນທາງການ, ຄັ້ງທີ XIV, ລະຫວ່າງວັນທີ 26-27 ພະຈິກ 2018, ທີ່ ນະຄອນຫຼວງວຽງຈັນ.

ການພົບປະກັນໃນຄັ້ງນີ້, ສອງຝ່າຍໄດ້ຕີລາຄາສູງ ຕໍ່ການພົວພັນຮ່ວມມືໃນໄລຍະຜ່ານມາ ແລະ ແລກປ່ຽນຄໍາຄິດຄໍາເຫັນ ກ່ຽວກັບທິດທາງໃນຕໍ່ໜ້າ ໃນການເພີ່ມທະວີການຮ່ວມມືໃນດ້ານໄອຊີທີ ເພື່ອປະກອບສ່ວນເຂົ້າການພັດທະນາເສດ ຖະກິດສັງຄົມ, ນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດໃນອານາຄົດ. ສອງຝ່າຍໄດ້ປຶກສາຫາລືຕໍ່ຄວາມເປັນໄດ້ໃນ ແຜນການຮ່ວມມື ແລະ ບັນດາກິດຈະກຳຕ່າງໆ ເປັນຕົ້ນແມ່ນ: ດ້ານຄວາມປອດໄພທາງໄຊເບີ (Cyber Security), ການຫັນເປັນດິຈິຕອນ (Digital Transformation), ວຽກງານການບໍລິຫານລັດດ້ວຍເອເລັກໂຕຣນິກ (e-Government Center), ການພັດທະນາຊອບແວ ພ້ອມກັບການຍົກລະດັບຄວາມຮູ້, ຄວາມສາມາດ ຂອງບຸກຄະລາກອນດ້ານ ໄອຊີທີ. ນອກນີ້, ສອງຝ່າຍ ໄດ້ສະເໜີແຕ່ງຕັ້ງຄະນະປະສານງານການຮ່ວມມື ເພື່ອຈັດຕັ້ງປະຕິບັດວຽກງານ ດັ່ງກ່າວ ໃຫ້ເກີດເປັນຮູບປະທຳ ໃນອານາຄົດ.

ໃນຕອນທ້າຍ, ທ່ານ Konstantin NOSKOV ພ້ອມດ້ວຍຄະນະ ກໍ່ໄດ້ສະແດງຄວາມຂອບໃຈ ທີ່ທ່ານ ລັດຖະ ມົນຕີ ກະຊວງ ປທສ ໄດ້ສະຫຼະເວລາ ອັນມີຄ່າ ຕ້ອນຮັບການເຂົ້າຢ້ຽມຢາມໃນຄັ້ງນີ້ ຢ່າງອົບອຸ່ນ ແລະ ໄດ້ມີການແລກປ່ຽນຄຳຄິດຄຳເຫັນ ຢ່າງກົງໄປກົງມາ. ພ້ອມນັ້ນ, ທ່ານຍັງໄດ້ເຊີນ ທ່ານ ລັດຖະມົນຕີ ກະຊວງ ປທສ ໄປຢ້ຽມຢາມ ສ.ຣັດເຊຍ ໃນເວລາອັນເໝາະສົມ.

ຂ່າວ: ກົມແຜນການ ແລະ ການຮ່ວມມື.

ພາບ: ຫ້ອງການກະຊວງ.