ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 101
  • ມື້ວານ756
  • ອາທິດນີ້14,827
  • ອາທິດກ່ອນ10,612
  • ເດືອນນີ້8,533
  • ເດືອນກ່ອນ26,786
  • ທັງໝົດ693,346
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ຮອງກົມໄປສະນີ ສໍາເລັດການເຂົ້າຮ່ວມ ກອງປະຊຸມປຶກສາຫາລືການກຽມຄວາມພ້ອມຮັບໃຊ້ການຄ້າເອເລັກໂຕນິກ

ເມື່ອບໍ່ດົນມານີ້, ທ່ານ ປະສິດ ສີສົມບຸນ ຮອງກົມໄປສະນີ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ພ້ອມດ້ວຍຄະນະ ໄດ້ສໍາເລັດການເຂົ້າຮ່ວມກອງປະຊຸມ ປືກສາຫາລືກັນໃນການກຽມຄວາມພ້ອມຮັບໃຊ້ການຄ້າເອເລັກໂຕຼນິກ (Operation Readiness for Ecommerce, ORE) ຂອງໄປສະນີ, ທີ່ສຳນັກງານໃຫຍ່ຂອງ APPU, ບາງກອກ ປະເທດໄທ ພາຍໃຕ້ການຊີ້ນຳຂອງ UPU ມີຄະນະຜູ້ແທນຈາກ 19 ປະເທດສະມາຊິກພາກພື້ນອາຊີປາຊີຟິກເຂົ້າຮ່ວມ.

ກອງປະຊຸມຄັ້ງນີ້ແມ່ນຈັດຂຶ້ນເປັນປີທີ່ 3 ຊຶ່ງໄດ້ດຳເນີນການມາແຕ່ປີ 2016 ແລະ ຈະສີ້ນສຸດໃນປີ 2020 ເປັນໂຄງການຂອງສະຫະພາບໄປສະນີສາກົນ ໃນການຊຸກຍູ້ໃຫ້ບັນດາປະເທດສະມາຊິກ ຫັນໂຕເອງໄປສູ່ການບໍລິການອີຄອມເມີສ ທີ່ກຳລັງຂະຫຍາຍຕົວສູງຂື້ນ ໃນຫົວຂໍ້: ການຮ່ວມມືລະຫວ່າງຂະແໜງການໄປສະນີ ກັບສະມາຄົມຂົນສົ່ງທາງອາກາດສາກົນ (International Air Transport Association, IATA) ເພື່ອເຮັດ ໃຫ້ການຂົນສົ່ງສິນຄ້າອີຄອມເມີສຂອງໄປສະນີມີຄວາມສະດວກວ່ອງໄວ ແລະ ມີຄວາມປອດໄພສູງຂື້ນ. ພ້ອມນີ້, ກໍ່ເພື່ອເປັນການລາຍງານຄືນສະພາບຄວາມຄືບໜ້າໃນການຈັດຕັ້ງເຄື່ອນໄຫວໂຄງການດັ່ງກ່າວ ຂອງບັນດາປະເທດໃນພາກພື້ນອາຊີປາຊີຟິກ, ຂອບການຮ່ວມມືລະຫວ່າງ UPU ແລະ IATA ໃນການແລກປ່ຽນຂໍ້ມູນຊື່ງກັນ ແລະ ກັນ (Electronic Data Interchange, EDI), ແຜນການດຳເນີນຈັດຕັ້ງໂຄງການຂອງບັນດາປະເທດສະມາຊິກໃນຕໍ່ໜ້າ.

ສຳລັບບໍລິສັດລັດວິສະຫະກິດໄປສະນີລາວ (ປນລ) ກໍ່ໄດ້ເຂົ້າຮ່ວມໂຄງການຕັ້ງແຕ່ປີ 2017 ແລະ ໄດ້ເລີ່ມປະຕິບັດໜ້າວຽກໂຄງການ ໃນໄຕມາດທີ່ 2 ປີ 2018 ສໍາເລັດແລ້ວ ເຊັ່ນ: ການຊ່ວຍເຫຼືອຈາກ UPU ໃນການປ່ຽນລະບົບຕິດຕາມແຈກຍາຍເຄື່ອງຝາກຈາກລະບົບ IPSLight ໄປເປັນ IPS.POST, ພ້ອມກັນນັ້ນ, ກໍໄດ້ຮັບການຊ່ວຍເຫຼືອໃນການຝືກອົບຮົມໃຫ້ ປນລ 1 ຄັ້ງ ກ່ຽວກັບລະບົບການຂົນສົ່ງ ໂດຍໄດ້ຈັດຂື້ນໃນທ້າຍເດືອນ ກໍລະກົດ ຜ່ານມານີ້ ທີ່ ປນລ. ນອກນັ້ນ, ກໍ່ໄດ້ຮັບການຊ່ວຍເຫຼືອລົດຕູ້ ເພື່ອໃຊ້ເຂົ້າໃນການແຈກຍາຍຖົງເມຈາກ UPU 3 ຄັນ ແລະ ອີກ 1 ຄັນເປັນລົດຕູ້ສຳລັບໃຊ້ເຂົ້າໃນວຽກບໍລິຫານ ໄດ້ມີການສົ່ງ-ມອບກັນໃນທ້າຍປີ 2018 ນີ້ ລວມເປັນທັງໝົດ 4 ຄັນ.

ຜ່ານການເຂົ້າຮ່ວມກອງປະຊຸມ ສາມາດຕີລາຄາໄດ້ ສະພາບຂອງສະຫະພາບໄປສະນີສາກົນ ທີ່ໄດ້ມີຄວາມເອົາໃຈໃສ່ສູງ ໃນການຊ່ວຍເຫຼືອບັນດາປະເທດສະມາຊິກໃນທົ່ວໂລກ ແລະ ພາກພື້ນໃນການຊຸກຍູ້ໃຫ້ການບໍລິການໄປສະນີມີຄຸນນະພາບທີ່ດີຂື້ນເລື້ອຍໆ ແນ່ໃສ່ປັບໂຕເອງທັນກັບການປ່ຽນແປງຂອງການຄ້າແບບອີເລັກໂຕຼນິກ ທີ່ກຳລັງຂະຫຍາຍຕົວສູງຂື້ນ. ນອກນີ້, ກອງປະຊຸມຍັງໄດ້ມີການວາງແຜນການເຄື່ອນໄຫວໃນຕໍ່ໜ້າໃຫ້ສຳເລັດ ພາຍໃນປີ 2020 ນີ້ ພາຍຫຼັງທີ່ສຳເລັດແລ້ວ ກໍຈະໄດ້ມີການລົງກວດກາຄຸນນະພາບການບໍລິການ ເພື່ອໃຫ້ແຕ່ລະປະເທດທີ່ຍັງປະຕິບັດບໍ່ທັນສຳເລັດ ແລະ ພັດທະນາຕົວເອງໃຫ້ມີການຂະຫຍາຍຕົວຂື້ນ ແນ່ໃສ່ຍົກສູງຄຸນນະພາບການບໍລິການຂອງໄປສະນີລາວໃຫ້ດີຂື້ນ.

ພາບ+ຂ່າວ: ກົມໄປສະນີ, ປທສ.

ກວດແກ້: ຫ້ອງການກະຊວງ.