ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 46
  • ມື້ວານ756
  • ອາທິດນີ້14,772
  • ອາທິດກ່ອນ10,612
  • ເດືອນນີ້8,478
  • ເດືອນກ່ອນ26,786
  • ທັງໝົດ693,291
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ທ່ານ ບຸນສະເຫຼີມໄຊ ເຄນນາວົງ ປິດຊຸດຝຶກອົບຮົມວຽກງານກວດກາລັດ

ພິທີປິດຊຸດຝຶກອົບຮົມວຽກງານກວດກາລັດ ຊຸດທີ I ຂອງກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດຂຶ້ນໃນວັນທີ 30 ຕຸລາ ຜ່ານມານີ້, ທີ່ສະຖາບັນເຕັກໂນໂລຊີການສື່ສານຂໍ້ມູນຂ່າວສານ ໂດຍການເປັນປະທານ ແລະ ມອບໃບຢັ້ງຢືນຂອງທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີ ກະຊວງ ປທສ ມີບັນດາສະຫາຍໜ່ວຍພັັກ ແລະ ຄະນະຮາກຖານພັກ ບັນດາບໍລິສັດ ລັດວິສາຫະກິດ ພ້ອມດ້ວຍນັກສໍາມະນາກອນທັງໝົດ.

ໃນພິທີ ທ່ານ ຄໍາໄມ ແພງວົງສາ ຮອງຫົວໜ້າກົມກວດກາ, ກະຊວງ ປທສ ໄດ້ສະຫຼຸບລາຍງານຜົນສໍາເລັດຂອງຊຸດຝຶກອົບຮົມໃນຄັ້ງນີ້, ຊຶ່ງຮັບການເອົາໃຈໃສ່ ຊີ້ນໍາຕິດຕາມຢ່າງໃກ້ຊິດ ຈາກຄະນະກວດກາສູນກາງພັກ, ຄະນະພັກ-ຄະນະນໍາກະຊວງ ປທສ, ຄະນະຮັບຜິດຊອບ ສາມາດເຫັນໄດ້ວ່າ ການຍົກສູງຄຸນນະພາບຂອງພະນັກງານ ຜູ້ເຮັດວຽກງານກວດກາ ໃນຂະແໜງການ ປທສ ສາມາດກໍາແໜ້າທິດສະດີ, ເນື້ອໃນນິຕິກໍາທີ່ສໍາຄັນຂອງສູນກາງພັກ ແລະ ພຶດຕິກໍາຕົວຈິງກ່ຽວກັບວຽກງານກວດກາ, ໂດຍສະເພາະບັນດາຫຼັກການ, ວິທີການ, ຂັ້ນຕອນ, ການດໍາເນີນການກວດກາໃນແຕ່ລະຂັ້ນ ເຊິ່ງລ້ວນແຕ່ເປັນພື້ນຖານທີ່ສໍາຄັນຂອງຜູ້ທີ່ເຮັດວຽກງານກວດກາ ໂດຍໄດ້ປະຕິບັດຕາມຫຼັກສູດຝຶກອົບຮົມວຽກງານກວດກາ ຂອງຄະນະກວດກາສູນກາງພັກ ແລະ ອົງການກວດກາລັດຖະປານ ຊຶ່ງປະກອບມີ: (1)ມະຕິຂອງຄະນະບໍລິຫານສູນກາງພັກ ເລກທີ 022/ຄບສພ, ລົງວັນທີ 13 ມັງກອນ 2017 ວ່າດ້ວຍການແກ້ໄຂພະຍາດອາດຍາສິດ, ສະກັດກັ້ນ ແລະ ຕ້ານການສໍ້ລາດບັງຫຼວງ, (2)ບາງພື້ນຖານກ່ຽວກັບຈິດຕະສາດໃນວຽກງານກວດກາ, (3)ຄວາມຮູ້ພື້ນຖານກ່ຽວກັບວຽກງານກວດກາລັດ, (4)ວິທີການສ້າງແຜນການດຳເນີນການກວດກາ, (5)ຄວາມຮູ້ພື້ນຖານກ່ຽວກັບການສະກັດກັ້ນ ແລະ ຕ້ານການສໍ້ລາດບັງຫຼວງ, (6)ວຽກງານຄຳຮ້ອງ-ຄຳສະເໜີ, (7)ຄວາມຮູ້ພື້ນຖານກ່ຽວກັບວຽກງານການຕິດຕາມກວດກາ, ກວດກາໂຄງການລົງທຶນຂອງລັດເລີ່ມແຕ່ຫົວທີ, (8)ການແກ້ໄຂຜົນການກວດກາ ແລະ ການຈັດຕັ້ງປະຕິບັດຜົນການກວດກາ.

ໃນໂອກາດນີ້, ທ່ານ ບຸນສະເຫຼີມໄຊ ເຄນນາວົງ ໄດ້ໃຫ້ກຽດໂອ້ລົມຕໍ່ພິທີ ຊຶ່ງທ່ານໄດ້ກ່າວວ່າ: ວຽກງານກວດກາ ແມ່ນໜຶ່ງໃນພາລະບົດຕົ້ນຕໍແຫ່ງການນໍາພາຂອງພັກ ທີ່ສອດຫ້ອຍເຂົ້າທຸກຂົງເຂດວຽກງານ ແລະ ຂາດບໍ່ໄດ້ສໍາລັບການນໍາພາຂອງພັກ ແລະ ການຄຸ້ມຄອງລັດ. ນອກນີ້, ທ່ານຍັງໄດ້ເນັ້ນໜັກໃຫ້ນັກສໍາມະນາກອນທຸກທ່ານ ໂດຍສະເພາະຜູ້ທີ່ເຮັດວຽກງານກວດກາ ນໍາເນື້ອໃນຈິດໃຈ ເອກກະສານທີ່ໄດ້ຜ່ານການຝຶກອົບຮົມດັ່ງກ່າວ ໄປຄົ້ນຄວ້າ ນໍາໃຊ້ເຂົ້າໃນວຽກງານທີ່ຕົນຮັບຊອບ ແລະ ນໍາໄປຈັດຕັ້ງຜັນຂະຫຍາຍ ເຮັດໃຫ້ວຽກງານກວດກາດໍາເນີນໄປຢ່າງມີປະສິດ ທິພາບ ແລະ ປະສິດທິຜົນສູງ.

ຂ່າວ: ຫ້ອງການ, ພະແນກປະຊາສໍາພັນ.