ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 46
  • ມື້ວານ756
  • ອາທິດນີ້14,772
  • ອາທິດກ່ອນ10,612
  • ເດືອນນີ້8,478
  • ເດືອນກ່ອນ26,786
  • ທັງໝົດ693,291
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ທ່ານ ທອງໃສ ຊານໄຊຍະ ລົງເຄື່ອນໄຫວຊຸກຍູ້ວຽກງານ ຢູ່ 2 ແຂວງພາກເໜືອ ແລະ ເຂົ້າຮ່ວມ ງານສະເຫຼີມສະຫຼອງວັນສ້າງຕັ້ງເມືອງວຽງໄຊ ຖານທີ່ໝັ້ນຂອງການປະຕິວັດລາວ ຄົບຮອບ 50 ປີ.

ເມື່ອບໍ່ດົນມານີ້, ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ແລະ ຊຸກຍູ້ວຽກງານວິຊາການ ຢູ່ 2 ແຂວງ ພາກ ເໜືອ (ແຂວງ ຊຽງຂວາງ ແລະ ແຂວງຫົວພັນ) ໃນລະຫວ່າງວັນທີ 27-28 ພະຈິກນີ້, ໂດຍໃຫ້ກຽດຕ້ອນຮັບຂອງບັນດາພະແນກ ປທສ ແຂວງ ຢ່າງອົບອຸ່ນ.

ໃນໂອກາດນີ້ ທ່ານ ຫົວໜ້າ ພະແນກ ປທສ ແຂວງຊຽງຂວາງ ແລະ ແຂວງຫົວພັນ ໄດ້ລາຍງານສະພາບໂດຍລວມໃນການຈັດຕັ້ງເຄື່ອນໄຫວວຽກງານຮອບດ້ານ ເປັນຕົ້້ນແມ່ນດ້ານວຽກງານ ສົ່ງເສີມການພັດທະນາພື້ນຖານໂຄງລ່າງ ດ້ານລະບົບໂທລະຄົມ, ຂໍ້ມູນຂ່າວສານທາງເອເລັກໂຕນິກ ໃຫ້ມີຄວາມໄວສູງ, ມີຄຸນນະພາບ ແລະ ໄດ້ລາຍງານບາງບັນຫາທີ່ຍັງຄົງຄ້າງ ເພື່ອສະເໜີຂໍທິດຊີ້ນຳ. ພ້ອມນີ້, ທ່ານ ຮອງລັດຖະມົນຕີ ໄດ້ເຜີຍແຜ່ຜົນສຳເລັດຂອງການສ້າງກົດໝາຍ ແລະ ນິຕີກຳລຸ່ມກົດໝາຍ, ການດຳເນີນທຸລະກີດຂອງບັນດາບໍລີສັດໂທລະຄົມ-ໄປສະນີ ແລະ ດາວທຽມລາວ. ພ້ອມນັ້ນທ່ານຍັງໄດ້ຍົກໃຫ້ເຫັນເຖິງ ສະພາບຂໍ້ສະດວກ, ສິ່ງທ້າຍທາຍໃນການພັດທະນາ ແລະ ນໍາໃຊ້ລະບົບ ໄອຊີທີ ໃນປັດຈຸບັນ ທີ່ນັບມື້ນັບພັດທະນາຢ່າງວ່ອງໄວ ຊຶ່ງໄດ້ກາຍເປັນເຄື່ອງມືທີ່ສຳຄັນໃນການຊຸກຍູ້ຜັກດັນ ການພັດພະນາທາງດ້ານເສດຖະກິດ-ສັງຄົມ ກໍ່ຄືການພັດທະນາປະເທດຊາດ ຄຽງຄູ່ກັນອັນດີກໍ່ມີອັນອ່ອນ ໂດຍສະເພາະ ການຊົມໃຊ້ສື່ສັງຄົມອອນລາຍຈໍານວນໜຶ່ງແມ່ນນໍາໃຊ້ໄປໃນທາງທີ່ບໍ່ຖືກຕ້ອງ ເຮັດໃຫ້ເກີດມີປາກົດການ ຫຍໍ້ທໍ້ໃນສັງຄົມ. ໃນຕອນທ້າຍ, ທ່ານ ຮອງລັດຖະມົນຕີ ກໍ່ໄດ້ໃຫ້ທິດຊີ້ນໍາ ແລະ ເນັ້ນໜັກ ໃຫ້ບັນດາພະແນກ ປທສ ແຂວງ ເອົາໃຈໃສ່ ເຜີຍແຜ່ນີຕີກຳຂອງຂະແໜງໄປສະນີໂທລະຄົມມະນາຄົມ, ຍົກສູງພາລະບົດບາດ, ສິດ ແລະ ໜ້າທີ ໃນການຄູ້ມຄອງມະຫາພາກ ບັນດາສາຂາ ບໍລິສັດໂທລະຄົມ ພາຍໃນແຂວງ ຮຽກຮ້ອງໃຫ້ບັນດາບໍລິສັດເອົາໃຈໃສ່ ຄວາມສຳຄັນ ແລະ ໃຫ້ການຮ່ວມມືກັບພະແນກ ປທສ ແຂວງ, ສຸມໃສ່ຈັດຕັ້ງປະຕິບັດວຽກງານໃນຂອບເຂດສິດ ແລະ ໜ້າທີ່ຂອງຕົນ, ເຮັດໃຫ້ວຽກງານທີ່ຕົນເອງໄດ້ຮັບຜິດຊອບມີຄວາມສໍາຄັນ ແລະ ປະກອບສ່ວນເຂົ້າໃນການສ້າງສາພັດທະນາປະເທດຊາດ ຕາມແນວທາງແຜນຍຸດທະສາດຂອງລັດຖະບານແຫ່ງ ສປປ ລາວ.

ໃນໂອກາດດຽວກັນນີ້, ທ່ານທອງໃສ ຊານໄຊຍະ ກໍ່ໄດ້ເຂົ້າຮ່ວມງານສະເຫຼີມສະຫຼອງວັນສ້າງຕັ້ງເມືອງວຽງໄຊ ຖານທີ່ໝັ້ນຂອງການປະຕິວັດລາວ ຄົບຮອບ 50 ປີ (30/11/1968-30/11/2018) ຊຶ່ງໄດ້ຈັດຂຶ້ນໃນວັນທີ 28-30 ພະຈິກ ຜ່ານມານີ້, ທີ່ແຂວງຫົວພັນ. ການເຂົ້າຮ່ວມພີທີງານສະເຫຼີມສະຫຼອງ ທ່ານ ທອງໃສ ຊານໄຊຍະ ຕາງໝ້າໃຫ້ກະຊວງ ປທສ ໄດ້ມອບເງີນອຸປະຖຳ ໃຫ້ແກ່ແຂວງຫົວພັນ ເພື່ອປະກອບສ່ວນເຂົ້າໃນງານສະເຫຼີມສະຫຼອງ ແລະ ພັດທະນາພຶ້ນຖານໂຄງລ່າງເມືອງວຽງໄຊ ໂດຍແມ່ນທ່ານຮອງເຈົ້າແຂວງເປັນຜູ້ກ່າວຮັບ. ໃນພີທີງານສະເຫຼີມສະຫຼອງໃຫ້ກຽດກ່າວຕ້ອນຮັບໂດຍ ທ່ານ ວັນໄຊ ແພງຊຸມມາ ເຈົ້າແຂວງ ແຂວງຫົວພັນແລະ ລາຍງານການກະກຽມສະເຫຼີມສະຫຼອງວັນດັ່ງກ່າວໂດຍ ທ່ານ ພັນຄຳ ວິພາວັນ, ຜູ້ປະຈຳການເລຂາທິການສູນກາງພັກ, ຮອງປະທານປະເທດ, ຫົວໜ້າຄະນະຮັບຜີດຊອບ ສະເຫຼີມ ສະຫຼອງວັນສ້າງຕັ້ງເມືອງວຽງໄຊ ຖານທີ່ໝັ້ນຂອງການປະຕິວັດລາວ ຄົບຮອບ 50 ປີ, ພ້ອມນີ້, ຍັງໄດ້ຮັບຟັງທ່ານ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດ ກ່າວສູນທອນພົດ ແລະ ປະດັບຫຼຽນດາວຄໍາໃຫ້ແກ່ ເມືອງວຽງໄຊ. ນອກນັ້ນ, ກໍ່ໄດ້ມີການຮັບຊົມກິດຈະກໍາການແຂ່ງຂັນກິລາ, ຊົມປະກວດສິນລະປະ ວັນນະຄະດີ, ເຂົ້າຢ້ຽມຊົມຖໍ້າທ່ານຜູ້ນໍາ ແລະ ວາງພວງມາລາທີ່ອານຸສາວະລີນັກຮົບນິລະນາມ, ວາງກະຕ່າດອກໄມ້ ທີ່ອານຸສອນສະຖານຂອງປະທານ ໄກສອນ ພົມວິຫານ ແລະ ອານຸສອນສະຖານ ປະທານ ສະພານຸວົງ ເພື່ອຫວນຄືນເຖິງມູນເຊື້ອ, ຄວາມປີຊາສາມາດ, ຄວາມສະຫຼາດສ່ອງໃສຂອງພັກປະຊາຊົນປະຕິວັດລາວ ໃນການນຳພາການປະຕິວັດປົດປ່ອຍຊາດ, ໂຄ ສະນາສຶກສາອົບຮົມພະນັກງານສະມາຊິກພັກ, ນັກຮົບ, ປະຊາຊົນບັນດາເຜົ່າ ໂດຍສະເພາະຄົນຮຸ່ນຫຼັງໃຫ້ເຂົ້າໃຈຢ່າງຈະແຈ້ງແລະ ເລິກເຊິ່ງເຖິງເສັ້ນທາງຂອງການປະຕິວັດໃນໄລຍະຜ່ານມາ ຈົນເຖິງປັດຈຸບັນ ແລະ ຖືເອົາການສະເຫຼີມສະຫຼອງຄັ້ງນີ້ ເພື່ອຊຸກຍູ້ຂະບວນການຈັດຕັ້ງປະຕິບັດນະໂຍບາຍຂອງພັກ.

ໂດຍ: ຫ້ອງການ, ກະຊວງ ປທສ.