ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 46
  • ມື້ວານ756
  • ອາທິດນີ້14,772
  • ອາທິດກ່ອນ10,612
  • ເດືອນນີ້8,478
  • ເດືອນກ່ອນ26,786
  • ທັງໝົດ693,291
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ປະຖະກະຖາ ຫວນຄືນມູນເຊື້ອວັນສ້າງຕັ້ງເມືອງວຽງໄຊ ແລະ ວັນຊາດ ທີ 2 ທັນວາ.

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມປາຖະກະຖາ ຫວນຄືນເຖິງມູນເຊື້ອ ວັນສ້າງຕັ້ງເມືອງວຽງໄຊ, ແຂວງ ຫົວພັນ ຖານທີ່ໝັ້ນຂອງການປະຕິວັດ ຄົບຮອບ 50 ປີ ແລະ ວັນຊາດທີ 2 ທັນວາ ຄົບຮອບ 42 ປີ (2/12/1975 - 12/12/2018) ໃຫ້ກຽດຂຶ້ນປາຖະກະຖາ ຂອງທ່ານ ບົວສີ ຈະເລີກສຸກ, ພະນັກງານປະຕິວັດ ອາວຸໂສບຳນານ, ອາດິດ ຫົວໜ້າອຳນວຍການ ຫໍພິພິທະພັນ ໄກສອນ ພົມວິຫານ, ໂດຍການເຂົ້າຮ່ວມຂອງ ທ່ານ ທອງໃສ ຊານໄຊຍະ ຮອງເລຂາຄະນະພັກ, ຮອງລັດຖະມົນຕີ ກະຊວງ ປທສ ພ້ອມດ້ວຍຄະນະພັກກະຊວງ, ຄະນະກົມ/ທຽບເທົ່າ, ຄະນະອຳນວຍການ ບໍລິສັດ ລັດວິສາຫະກິດ ໄປສະນີ ໂທລະຄົມມະນາຄົມ ແລະ ພະນັກງານຫຼັກແຫລ່ງ ອ້ອມຂ້າງກະຊວງ.

ທ່ານ ບົວສີ ຈະເລີກສຸກ ໄດ້ກ່າວວ່າ ເພື່ອເສີມຂະຫຍາຍມູນເຊື້ອແຫ່ງການຊີ້ນຳ-ນຳພາ ຮອບດ້ານຂອງພັກ, ມູນເຊື້ອຕໍ່ສູ້ພິລາດອາດຫານຂອງກອງທັບ ແລະ ປະຊາຊົນລາວບັນດາເຜົ່າ, ເຊີດຊູນໍ້າໃຈຮັກຊາດ ມູນເຊຶື້ອສາມັກຄີປອງດອງ ໃຫ້ພະນັກງານ-ສະມາຊິກພັກ ມີຄວາມຮັບຮູ້ເຂົ້າໃຈຢ່າງເລິກເຊີ່ງ ແລະ ກ້ວາງຂວາງ ກ່ຽວກັບເສັ້ນທາງກ້າວເດີນອັນລະອິດລະອ້ຽວຂອງການປະຕິວັດ, ມູນເຊື້ອການຕໍ່ສູ້ຢ່າງພິລາດອາດຫານ, ປີຊາສາມາດ, ໄຊຊະນະອັນຍິ່ງໃຫຍ່, ພາຍໃຕ້ການຊີ້ນຳ-ນຳພາຢ່າງສະຫຼາດສ່ອງໃສຂອງພັກປະຊາຊົນປະຕິວັດລາວ ແລະ ຜົນງານອັນລໍ້າເລີດ, ຄຸນງາມຄວາມດີອັນໃຫຍ່ຫຼວງ ຄຸນສົມບັດສີນທຳປະຕິວັດ ຂອງການນຳຮຸ້ນກ່ອນ ໂດຍສະເພາະ ປະທານ ໄກສອນ ພົມວິຫານ ແລະ ຜູ້ນຳຄົນອື່ນໆ ໃນການນຳພາການປະຕິວັດຕໍ່ສູ້ປົດປ່ອຍຊາດ, ສ້າງເມືອງວຽງໄຊເປັນຖານທີ່ໝັ້ນອັນແຂງແກ່ນ ເຮັດສຳເລັດ ປະຊາທິປະໄຕ ນຳເອົາປະເທດຊາດກ້າວຂື້ນສູ່ສັງກາດໄໝ່. ພ້ອມດຽວກັນນັ້ນ, ທ່ານຍັງໄດ້ເລົ່າຄືນມູນເຊື້ອວັນສໍາຄັນຂອງວັນຊາດ (ທີ 2 ທັນວາ) ທີ່ມີມູນເຊື້ອທີ່ສະຫງ່າອົງອາດແຫ່ງການຕໍ່ສູ້ຕ້ານການຮຸກຮານ ຂອງສັດຕູຈາກພາຍນອກ ແລະ ການສ້າງພັດທະນາປະເທດຊາດ ເພື່ອໃຫ້ພະນັກງານທຸກຄົນນໍາເອົາມູນເຊື້ອດັ່ງກ່າວໄປຜັນຂະຫຍາຍ, ສ້າງຄວາມເຂັ້ມແຂງໃຫ້ກັບຕົນເອງ, ດຸໝັ່ນຂະຫຍັນພຽນ ສ້າງເປັນກໍາລັງແຮງສັງລວມເຂົ້າໃນພາລະກິດ ປົກປັກຮັກສາ ແລະ ສ້າງສາພັດທະນາ ປະເທດຊາດ ກ່າວຂື້ນສູ່ຈຸດໝາຍທີ່ໄດ້ກຳນົດໄວ້.

ຂ່າວ: ກົມຈັດຕັ້ງ-ພະນັກງານ, ປທສ.

ພາບ+ກວດແກ້: ຫ້ອງການ.