ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 611
  • ມື້ວານ748
  • ອາທິດນີ້5,917
  • ອາທິດກ່ອນ6,630
  • ເດືອນນີ້27,234
  • ເດືອນກ່ອນ31,045
  • ທັງໝົດ201,941
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມເຜີຍແຜ່ຍຸດທະສາດ ຕ້ານການສໍ້ລາດບັງຫຼວງແຕ່ນີ້ຮອດປີ 2020

ຕອນເຊົ້າ ຂອງວັນທີ 21/07/2016 ທີ່ຫ້ອງປະຊຸມໃຫຍ່ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ ໄດ້ເປິດກອງປະຊຸມ ເຜີຍແຜ່ເພື່ອຈັດຕັ້ງຜັນຂະຫຍາຍ ຍຸດທະສາດຕ້ານການສໍ້ລາດບັງຫຼວງ ແລະ ເນື້ອໃນກົດໝາຍ ວ່າດ້ວຍການຕ້ານການສໍ້ລາດບັງຫຼວງ, ດຳລັດຂອງລັດຖະບານວ່າດ້ວຍການແຈ້ງຊັບສິນ ແລະ ລາຍຮັບ, ໃຫ້ກຽດເປັນປະທານໂດຍ ທ່ານ ທອງໃສ ຊານໄຊຍະ, ຮອງເລຂາຄະນະພັກກະຊວງ, ປະທານກວດກາ, ຮອງລັດຖະມົນຕີ ກະຊວງ ປທສ, ເຊິ່ງມິຄະນະກົມ, ຄະນະພະແນກ, ພະນັກງານລັດຖະກອນ ແລະ ບໍລິສັດ ລັດວິສາຫະກິດ ຂື້ນກັບ ກະຊວງ ປທສ ທັງໝົດ ຈຳນວນ 190 ທ່ານ ເຂົ້າຮ່ວມ.

ໃນກອງປະຊຸມດັ່ງກ່າວ ໄດ້ເຜີຍແຜ່ເນື້ອໃນ ຍຸດທະສາດຕ້ານການສໍ້ລາດບັງຫຼວງ ແຕ່ນີ້ຮອດປີ 2020 ສະບັບເລກທີ 02/ນຍ, ລົງວັນທີ 04/12/2012 ແລະ ແຜນການຈັດຕັ້ງປະຕິບັດ ຍຸດທະສາດ ຕ້ານການສໍ້ລາດບັງຫຼວງ ແຕ່ນີ້ຮອດປີ 2020 ສະບັບເລກທີ 28/ອກລ, ລົງວັນທີ 27/02/2013, ບົດໂອ້ລົມຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ ຕໍ່ກອງປະຊຸມໃຫຍ່ວຽກງານກວດກາທົ່ວປະເທດ ຄັ້ງທີ III ວັນທີ 18-20/07/2016 ທີ່ນະຄອນຫຼວງວຽງຈັນ ແລະ ຍັງເນັ້ນຄືນເນື້ອໃນທີ່ສໍາຄັນຂອງດໍາລັດສະບັບເລກທີ 159/ລບ, ລົງວັນທີ 01/06/2012 ວ່າດ້ວຍການແຈ້ງຊັບສິນ, ພ້ອມນິີ້ຍັງເນັ້ນໃຫ້ພະນັກງານການນຳທຸກຂັ້ນເພີ່ມທະວີ ສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ, ພະນັກງານວິຊາການເຊື່ອມຊຶມກຳແໜ້ນ ບັນດາພຶດຕິກຳ ການຕ້ານການສໍ້ລາດບັງຫຼວງ, ໂຄສະນາເຜີຍແຜ່ຜົນຮ້າຍ ແລະ ຄວາມອັນຕະລາຍຂອງການສໍ້ລາດບັງຫຼວງ, ພະນັກງານທຸກຄົນຕ້ອງມີຈັນຍາບັນໃນການຈັດຕັ້ງປະຕິບັດວຽກງານ, ຄຸນສົມບັດສິນທຳປະຕິວັດ, ມີຄວາມສັດຊື່ບໍລິສຸດ, ມີສະຕິເຄົາລົບຕໍ່ການຈັດຕັ້ງ ແລະ ການປະຕິບັດກົດລະບຽບຂອງພັກ, ກົດໝາຍຂອງລັດຢ່າງເຂັ້ມງວດ, ຫ້າວຫັນ ບຸກບືນປະຕິບັດໜ້າທີ່ວຽກງານທີ່ການຈັດຕັ້ງມອບໝາຍໃຫ້ດ້ວຍຄວາມຮັບຜິດຊອບສູງ, ໃຫ້ຖືເອົາມາດຕະການສະກັດກັ້ນເປັນຕົ້ນຕໍ ແລະ ເອົາການແກ້ໄຂ ຫຼື ລົງໂທດຕາມລະບຽບກົດໝາຍເປັນມາດຕະການຈຳເປັນ ແລະ ຕ້ອງຖືເອົາວຽກງານ ຕ້ານການສໍ້ລາດບັງຫຼວງ ເປັນໜ້າທີ່ ຄວາມຮັບຜິດຊອບຂອງຄະນະໜ່ວຍພັກ ແລະ ພະນັກງານໝົດທຸກຄົນ.

ຜ່ານການເຜີຍແຜ່ຄັ້ງນີ້, ສາມາດເຫັນໄດ້ວ່າພະນັກງານທຸກຄົນເຂົ້າໃຈ ແລະ ເອົາໃຈໃສ່ເຊື່ອມຊືມຮັບຟັງເຖິງເນື້ອໃນຂອງບັນຫາດັ່ງກ່າວໄດ້ເປັນຢ່າງດີ, ສາມາດກຳໄດ້ ແລະ ຫັນເອົາເນື້ອໃນທີ່ສຳຄັນ, ທີ່ຈຳເປັນມາຈັດຕັ້ງຜັນຂະຫຍາຍຈັດຕັ້ງປະຕິບັດ ແລະ ປະກອບສ່ວນເຂົ້າໃນວຽກງານ ເພື່ອອັດຊ່ອງຫວ່າງທີ່ເປັນສາເຫດທີ່ພາໃຫ້ເກີດການສໍ້ລາດບັງຫຼວງໃນຂອບເຂດຄວາມຮັບຜິດຊອບຂອງຕົນ ແລະ ທຸກຄົນຕ້ອງເປັນເຈົ້າການໃນການຈັດຕັ້ງປະຕິບັດວຽກງານດັ່ງກ່າວໃຫ້ໄດ້ຮັບຜົນສຳເລັດເປັນຢ່າງສູງ.