ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 533
  • ມື້ວານ1,235
  • ອາທິດນີ້8,047
  • ອາທິດກ່ອນ15,474
  • ເດືອນນີ້37,168
  • ເດືອນກ່ອນ33,385
  • ທັງໝົດ276,020
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມສະຫຼູບວຽກງານສົ່ງເສີມຄວາມກ້າວໜ້າຂອງແມ່ຍິງ

ກອງປະຊຸມສະຫຼູບວຽກງານສົ່ງເສີມຄວາມກ້າວໜ້າຂອງແມ່ຍິງ, ວຽກແມ່ ແລະ ເດັກ 06 ເດືອນຕົ້ນປີ ແລະ ແຜນການ 06 ເດືອນທ້າຍປີ 2016 ຂອງຄະນະກຳມາທິການເພື່ອຄວາມກ້າວໜ້າຂອງແມ່ຍິງ, ວຽກແມ່ ແລະ ເດັກ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ຄກມດ.ປທສ ) ໄດ້ຈັດຂຶ້ນໃນວັນທີ 18 ກໍລະກົດ 2016 ຢູ່ທີ່ກະຊວງ ປທສ ໂດຍການເປັນປະທານຂອງທ່ານ ສີທົງ ທອງແກ້ວ ຮອງລັດຖະມົນຕີ, ປະທານຄະນະກຳມາທິການເພື່ອຄວາມກ້າວໜ້າຂອງແມ່ຍິງ, ວຽກແມ່ ແລະ ເດັກ ກະຊວງ ປທສ, ມີບັນດາທ່ານຄະນະກົມ, ສູນ,ສະຖາບັນ, ຄະນະຜູ້ອໍານວຍການ ບໍລິສັດ ລັດວິສາຫະ ແລະ ພະນັກງານອ້ອມຂ້າງກະຊວງ ປທສ ເຂົ້າຮ່ວມທັງໝົດ 35 ທ່ານ, ຍິງ 22 ທ່ານ, ຊາຍ 13 ທ່ານ.

ຈຸດປະສົງຂອງກອງປະຊຸມແມ່ນ ເພື່ອສະຫຼຸບຕີລາຄາການຈັດຕັ້ງປະຕິບັດວຽກງານສົ່ງເສີມຄວາມກ້າວໜ້າຂອງແມ່ຍິງ, ວຽກແມ່ ແລະ ເດັກ 06 ເດືອນຕົ້ນປີ 2016 ແລະ ວາງທິດທາງແຜນການເຄື່ອນໄຫວ 06 ເດືອນທ້າຍປີ 2016

ກອງປະຊຸມຄັ້ງນີ້ ໄດ້ຮັບຟັງການຜ່ານຮ່າງ ບົດສະຫຼຸບການຈັດຕັ້ງປະຕິບັດວຽກງານສົ່ງເສີມຄວາມກ້າວໜ້າຂອງແມ່ຍິງ, ວຽກແມ່ແລະເດັກ 06 ເດືອນຕົ້ນປີ ແລະ ແຜນການ 06 ເດືອນທ້າຍປີ 2016 ແລະ ຮ່າງ ທິດທາງ, ແຜນການ 05 ປີວຽກງານສົ່ງເສີມຄວາມກ້າວໜ້າຂອງແມ່ຍິງ, ວຽກແມ່ ແລະ ເດັກ ຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ແຕ່ 2016-2020. ຫຼັງຈາກນັ້ນ, ຜູ້ເຂົ້າຮ່ວມກອງປະຊຸມໄດ້ປະກອບຄໍາເຫັນເພີ່ມເຕີມໃສ່ຮ່າງບົດສະຫຼຸບຕີລາຄາວຽກງານຜ່ານມາ ແລະ ແຜນການໃນຕໍ່ໜ້າ ຢ່າງກົງໄປກົງມາ ສົມເຫດສົມຜົນ ເຮັດໃຫ້ຮ່າງບົດສະຫຼຸບ ແລະ ທິດທາງແຜນການດັ່ງກ່າວ ມີເນື້ອໃນຄົບຖ້ວນ ແລະ ສົມບູນດີ.

ເຊິ່ງກອງປະຊຸມໄດ້ເນັ້ນໃສ່ຮັບປະກັນການຈັດຕັ້ງປະຕິບັດວຽກງານສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ວຽກແມ່ ແລະ ເດັກ ຍັງໄດ້ກໍານົດທິດທາງ-ເປົ້າໝາຍລວມ ແລະ ແຜນການເຄື່ອນໄຫວ 06 ເດືອນທ້າຍປີ 2016, ໃນຕອນທ້າຍ, ທ່ານປະທານກອງປະຊຸມ ໄດ້ຮຽກຮ້ອງໃຫ້ ຄກມ, ຄມດ ບັນດາກົມ/ທຽບເທົ່າ ແລະ ບໍລິສັດ ລັດວິສາຫະກິດ ອ້ອມຂ້າງ ກະຊວງ ປທສ ສຸມຄວາມເອົາໃຈໃສ່ຜັນຂະຫຍາຍບັນດາເປົ້າໝາຍ ແລະ ຄາດໝາຍສູ້ຊົນເວົ້າລວມ, ເວົ້າສະເພາະ ແຜນການ 06 ເດືອນທ້າຍປີ ເຂົ້າເປັນໂຄງການ, ແຜນງານ, ແຜນການ ແລະ ກິດຈະກຳຂອງທຸກພາກສ່ວນ ເພື່ອຮັບປະກັນການຈັດຕັ້ງປະຕິບັດວຽກງານສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ວຽກແມ່ ແລະ ເດັກ ໄດ້ຮັບການຈັດຕັດປະຕິບັດຢ່າງມີປະສິດທິພາບດີຂຶ້ນເທື່ອລະກ້າວ.