ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 611
  • ມື້ວານ748
  • ອາທິດນີ້5,917
  • ອາທິດກ່ອນ6,630
  • ເດືອນນີ້27,234
  • ເດືອນກ່ອນ31,045
  • ທັງໝົດ201,941
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ເອກອັກຄະລັດຖະທູດສະຫະລັດອາເມຣິກາ ປະຈໍາ ສປປ ລາວ ເຂົ້າຢ້ຽມຂໍ່ານັບ ທ່ານ ລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ

ທ່ານ ນາງ Rena BITTER ເອກອັກຄະລັດຖະທູດ ຜູ້ມີອໍານາດເຕັມແຫ່ງ ສະຫະລັດອາເມຣິກາ ປະຈໍາ ສປປ ລາວ. ພ້ອມດ້ວຍຄະນະໄດ້ເຂົ້າຢ້ຽມຂໍ່ານັບທ່ານ ດຣ. ທັນສະໄໝ ກົມມະສິດ (Thansamay KHOMMASITH) , ລັດຖະມົນຕີ ກະຊວງໄປສະນີ ໂທລະຄົມມະນາຄົມ ແລະ ການສື່ສານ. ເນື່ອງໃນໂອກາດໄດ້ດໍາລົງຕໍາແໜ່ງເອກອັກຄະລັດຖະທູດສະຫະລັດອາເມຣິກາ ປະຈໍາ ສປປ ລາວ ຄົນໃໝ່, ໃນຕອນເຊົ້າຂອງວັນທີ 15 ພະຈິກ 2016 ນີ້, ທີ່ ຫ້ອງຮັບຮອງແຂກ ກະຊວງ ປທສ.

ໃນໂອກາດດັ່ງກ່າວ ທ່ານ ດຣ. ທັນສະໄໝ ກົມມະສິດ, ລັດຖະມົນຕີ ປທສ ໄດ້ສະແດງຄວາມຍິນດີຕ້ອນຮັບ, ຊົມເຊີຍ ພ້ອມທັງຕີລາຄາສູງຕໍ່ການຢ້ຽມຂໍານັບຂອງ ທ່ານ ນາງ Rena BITTER ເອກອັກຄະລັດຖະທູດສະຫະລັດອາເມຣິກາ ປະຈໍາ ສປປ ລາວ ພ້ອມດ້ວຍຄະນະ, ໃນໂອກາດນີ້ ທັ່ງສອງຝ່າຍໄດ້ປຶກສາຫາລືກ່ຽວກັບຂະແໜງການຕ່າງໆ ກໍ່ຄືຂະແໜງການໄປສະນີ, ໂທລະຄົມມະນາຄົມ ແລະ ການສື່ສານ ເພື່ອແລກປ່ຽນບົດຮຽນເຊິ່ງກັນ ແລະກັນ ເຮັດໃຫ້ສາຍພົວພັນຮ່ວມມືກັນ ນັບມື້ເລິກເຊິ່ງ ແລະ ກວ້າງຂວາງອອກຢ່າງຕໍ່ເນື່ອງ ຊຶ່ງເປັນການປະກອບສ່ວນອັນສໍາຄັນຕໍ່ການຮັດ ແໜ້ນສາຍພົວພັນການຮ່ວມມືລະຫວ່າງ ສປປ ລາວ ແລະ ສະຫະລັດອາເມຣິກາ.

ໃນຕອນທ້າຍ ທ່ານ ນາງ Rena BITTER ເອກອັກຄະລັດຖະທູດສະຫະລັດອາເມຣິກາ ປະຈໍາ ສປປ ລາວໄດ້ສະແດງຄວາມຂອບໃຈ ແລະ ຄວາມນັບຖືຢ່າງສູງຕໍ່ກະຊວງໄປສະນີ ໂທລະຄົມມະນາຄົມ ແລະ ການສື່ສານ ກໍ່ຄືລັດຖະບານແຫ່ງ ສປປ ລາວ ທີ່ໄດ້ໃຫ້ການຕ້ອນຮັບຢ່າງອົບອຸ່ນ, ເປັນກັນເອງ ແລະ ທັງສອງຝ່າຍກໍ່ຫວັງວ່າການຮ່ວມມືລະຫວ່າງສອງປະເທດຈະເພິ່ມທະວີຂຶ້ນໄປເທື່ອລະກ້າວ.