ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 760
  • ມື້ວານ1,091
  • ອາທິດນີ້3,477
  • ອາທິດກ່ອນ15,474
  • ເດືອນນີ້32,598
  • ເດືອນກ່ອນ33,385
  • ທັງໝົດ271,450
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມສໍາມະນາສໍາລັບບັນດາປະເທດ CLMV ໃນຫົວຂໍ້ “ນະໂຍບາຍສາກົນ ດ້ານຄວາມປອດໄພທາງໄຊເບີ ແລະ ການປະສານງານ”

ໃນລະຫວ່າງວັນທີ 31 ຕຸລາ ເຖິງ ວັນທີ 01 ພະຈິກ 2016 ນີ້, ທີ່ ໂຮງແຮມລາວພຣາຊ່າ ໄດ້ມີການຈັດກອງປະຊຸມສໍາມະນາສໍາລັບບັນດາປະເທດ CLMV ໃນຫົວຂໍ້ “ນະໂຍບາຍສາກົນ ດ້ານຄວາມປອດໄພທາງໄຊເບີ ແລະ ການປະສານງານ” (International Cyber Security Policy and Diplomacy) ຈັດຂຶ້ນໂດຍ: ກະຊວງໄປສະນີ,ໂທລະຄົມມະນາຄົມ ແລະ ການສື່ສານ (ກະຊວງ ປທສ) ຊຶ່ງໄດ້ຮັບການສະໜັບສະໜູນຈາກກອງທຶນ ICT4Peace ຂອງປະເທດສະວິດເຊີແລນ, ກອງປະຊຸມໃນຄັ້ງນີ້ແມ່ນຈັດຂຶ້ນສະເພາະ 4 ປະເທດຄື: ກໍາປູເຈຍ, ສປປ ລາວ, ພະມ້າ ແລະ ຫວຽດນາມ. ໃຫ້ກຽດກ່າວເປີດພິທີໂດຍ ທ່ານ ປອ ທັນສະໄໝ ກົມມະສິດ ລັດຖະມົນຕີກະຊວງ ປທສ, ມີການເຂົ້າຮ່ວມຂອງທ່ານ Dr. Deniel Stauffacher ປະທານກອງທຶນ ICT4Peace ປະເທດສະວິດເຊີແລນ ແລະ ຜູ້ຕາງໜ້າຮັບຜິດຊອບວຽກງານດ້ານຄວາມປອດໄພທາງໄຊເບີຂອງບັນດາ 4 ປະເທດ ພ້ອມດ້ວຍຄະນະວິຊາການ ດ້ານຄວາມປອດໄພທາງໄຊເບີທີ່ກ່ຽວຂ້ອງ.

ປະຈຸບັນຂໍ້ມູນຂ່າວສານດ້ານເຕັກໂນໂລຊີ ຫຼື ICT ແມ່ນມີຄວາມສໍາຄັນຫຼາຍສໍາລັບປະເທດລາວ, ລັດຖະບານລາວມີເຈດຈໍານົງທີ່ຈະພັດທະນາປະເທດ ແລະ ປັບປຸງມາດຕະຖານຊີວິດການເປັນຢູ່ຂອງປະຊາຊົນໃຫ້ດີຂຶ້ນ. ນອກນີ້, ICT ຍັງມີຄວາມສໍາຄັນຍ້ອນວ່າ ພວກເຮົາມີຄວາມໝາຍໝັ້ນທີ່ຈະປ່ຽນຈາກປະເທດທີ່ຕິດຈອດກັບທະເລໃຫ້ກາຍເປັນປະເທດທີ່ເຊື່ອມໂຍງກັບສາກົນທີ່ມີການເຕີບໂຕ.

ລັດຖະບານລາວໄດ້ສ້າງຕັ້ງສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ (Lao CERT) ໃຫ້ທຽບເທົ່າລະດັບກົມ ເພື່ອອໍານວຍຄວາມສະດວກດ້ານປະສານງານ ແລະ ຄວາມພະຍາຍາມກ່ຽວກັບການຄຸ້ມຄອງຄວາມປອດໄພດ້ານ Cyber ໃນລະດັບຊາດ. ນີ້ສະແດງໃຫ້ເຫັນວ່າລັດຖະບານແຫ່ງ ສປປ ລາວ ເຫັນໄດ້ຄວາມສໍາຄັນບົດບາດຂອງສູນ Lao CERT ໄດ້ປະຕິບັດໜ້າທີ່ໄດ້ເປັນຢ່າງດີ, ໜ່ວຍງານນີ້ ກໍາລັງມີການພັດທະນາບຸກຄະລາກອນໃຫ້ມີຄວາມພ້ອມ, ກະກຽມສ້າງນະໂຍບາຍ ແລະ ແຜນຍຸດທະສາດແຫ່ງຊາດ ກ່ຽວກັບຄວາມປອດໄພດ້ານ Cyber ເຊິ່ງຄາດວ່າໃນປີໜ້າຈະໄດ້ມີຜົນອອກມາເປັນຮູບປະທໍາ.

ດັ່ງນັ້ນ, ພວກເຮົາໄດ້ສ້າງຄວາມເຂັ້ມແຂງດ້ານການປະສານງານກັບບັນດາປະເທດສະມາຊິກອາຊຽນ, ຍ້ອນການເຊື່ອມໂຍງຢ່າງໃກ້ຊິດໃນພາກພື້ນອາຊຽນ, ເຮັດໃຫ້ພວກເຮົາເຊື່ອມຕິດຈອດກັນຫຼາຍຂຶ້ນກວ່າເກົ່າ ແລະ ການຮ່ວມມືເຊິ່ງກັນ ແລະ ກັນດ້ານຄວາມປອດໄພໃນຂົງເຂດ Cyber ຈະຊ່ວຍໃຫ້ພວກເຮົາສາມາດປ້ອງກັນ ໂຄງສ້າງຂໍ້ມູນທີ່ສໍາຄັນຂອງພວກເຮົາໄດ້ ເຊັ່ນ: ລະບົບສາຍສົ່ງແຫ່ງຊາດ ແລະ ການຈ່າຍລະບົບທະນາຄານຜ່ານເຄື່ອຂ່າຍລະຫັດ SWIFT, ມັນຍັງສະໜັບສະໜູນຄວາມເຂັ້ມແຂງຂອງປະຊາຄົມອາຊຽນຂອງພວກເຮົາອີກດ້ວຍ. ດ້ວຍເຫດນີ້, ປະເທດສະມາຊິກອາ ຊຽນຄວນຈະເຮັດວຽກໃກ້ຊິດນໍາກັນ ເພື່ອຈະສົ່ງເສີມຄວາມເຂົ້າໃຈທາງ Cyber,ສ້າງຄວາມເຂັ້ມແຂງໃນການປະຕິບັດງານການເຊື່ອມໂຍງ ແລະ ການສ້່າງຄວາມອາດສາມາດດ້ານ Cyber.