ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 703
  • ມື້ວານ2,227
  • ອາທິດນີ້4,417
  • ອາທິດກ່ອນ6,630
  • ເດືອນນີ້25,734
  • ເດືອນກ່ອນ31,045
  • ທັງໝົດ200,441
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກະຊວງ ປທສ ຈັດຝຶກອົບຮົມກ່ຽວກັບວຽກງານຈັດຕັ້ງ, ວຽກງານການຄຸ້ມຄອງ ແລະ ການບໍລິຫານ ໄອຊີທີ ຊຸດທີ III ປະຈໍາປີ 2016, ທີ່ແຂວງຫຼວງພະບາງ.

ໃນຕອນເຊົ້າຂອງວັນພຸດ ວັນທີ 09 ພະຈິກ 2016, ເວລາ 9:00 ໂມງ, ທີ່ພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງຫຼວງພະບາງ ໄດ້ເປີດຝຶກອົບຮົມກ່ຽວກັບວຽກງານຈັດຕັ້ງ, ວຽກງານການຄຸ້ມຄອງ ແລະການບໍລິຫານໄອຊີທີ ໃຫ້ກັບລັດຖະກອນຂັ້ນຫົວໜ້າຫ້ອງການ ແລະ ວິຊາການຂອງບັນດາຫ້ອງການ ປທສ 10 ເມືອງ 3 ແຂວງພາກເໜືອ, ຊຶ່ງປະກອບມີແຂວງຫຼວງພະບາງ, ແຂວງຫົວພັນ ແລະ ແຂວງໄຊຍະບູລີ ພາຍໃຕ້ການເປັນປະທານເປີດຂອງ ທ່ານ ນາງ ວັນນາ ພົມມະວົງ ຮອງຫົວໜ້າກົມຈັດຕັ້ງ-ພະນັກງານ ແລະເປັນປະທານປິດຂອງ ທ່ານ ພູມີ ອໍເພັດສານ ຫົວໜ້າພະແນກໄປສະນີ,ໂທລະຄົມມະນາຄົມ ແລະ ການສື່ສານ ແຂວງຫຼວງພະບາງ. ການຈັດຝຶກອົບຮົມດັ່ງກ່າວໄດ້ດໍາເນີນເປັນໄລຍະ 3 ວັນ ໃນລະຫວ່າງວັນທີ 09-11 ພະຈິກ 2016, ຊຶ່ງມີວິທະຍາກອນຂຶ້ນຫ້ອງບັນຍາຍ ຈາກກົມເຕັກໂນໂລຊີຂໍ້ມູນຂ່າວສານ, ສູນສະກັດກັ້ນ ແລະແກ້ໄຂເຫດສຸກເສີນທາງລະບົບຄອມພິວເຕີ ແລະ ກົມຈັດຕັ້ງ-ພະນັກງານ, ມີນັກສໍາມະນາກອນເຂົ້າຮ່ວມຝຶກອົບຮົມທັງໝົດ ຈໍານວນ 25 ທ່ານ, ຍິງ 7 ທ່ານ.

ຈຸດປະສົງໃນການຈັດຝຶກອົບຮົມໃນຄັ້ງນີ້ ເພື່ອເຮັດໃຫ້ຜູ້ເຂົ້າຮ່ວມໄດ້ຮັບຮູ້ກ່ຽວກັບການຮ່າງເອກະສານທາງການ, ການຈັດຊັ້ນ-ຂັ້ນເງິນເດືອນ, ການນໍາໃຊ້ສື່ສັງຄົມອອນລາຍໃຫ້ມີຄວາມປອດໄພ ແລະ ສ້າງສັນ, ການເຜີຍແຜ່ນິຕິກໍາດ້ານເຕັກໂນໂລຊີຂໍ້ມູນຂ່າວສານ ແລະ ດ້ານລະບົບຄອມພິວເຕີ.

ຜ່ານການຝຶກອົບຮົມໃນຄັ້ງນີ້ ນັກສໍາມະນາກອນສາມາດຮັບຮູ້ ແລະ ເຂົ້າໃຈຢ່າງຈະແຈ້ງເຖິງຫຼັກການພື້ນຖານຂອງວຽກງານຈັດຕັ້ງ, ຮັບຮູ້ວິທີການເກັບກໍາຂໍ້ມູນຕ່າງໆ, ການຈັດຕັ້ງປະຕິບັດໃຫ້ສອດຄ່ອງກັບລະບຽບການທີ່ໄດ້ກໍານົດໄວ້, ມີຄວາມຊໍານິຊໍານານໃນກາານຄຸ້ມຄອງ, ຕິດຕາມ ແລະ ກວດກາ ໃນການນໍາໃຊ້ ໄອຊີທີ ໃນຂະແໜງການຕົນ.