ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 760
  • ມື້ວານ1,091
  • ອາທິດນີ້3,477
  • ອາທິດກ່ອນ15,474
  • ເດືອນນີ້32,598
  • ເດືອນກ່ອນ33,385
  • ທັງໝົດ271,450
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ຮອງລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ເຂົ້າຮ່ວມງານວາງສະແດງ ແລະ ກອງປະຊຸມສຳມະນາ ITU Telecom World 2016.

ທ່ານ ບຸນສະເຫລີມໄຊ ເຄນນາວົງ, ຮອງລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ ສານ (ກະຊວງ ປທສ) ພ້ອມດ້ວຍຄະນະ ໄດ້ເດີນທາງເຂົ້າຮ່ວມງານວາງສະແດງ ແລະ ກອງປະຊຸມສຳມະນາ ITU Telecom World 2016, ທີ່ ບາງກອກ ປະເທດໄທ, ໃນລະຫວ່າງວັນທີ 14-16 ພະຈິກ 2016 ນີ້. ຊຶ່ງງານວາງສະແດງ ITU Telecom World ແລະ ກອງປະຊຸມສຳມະນາລະດັບສາກົນ ແມ່ນໄດ້ຈັດຂຶ້ນທຸກໆປີ ເພື່ອເປັນເວທີໃຫ້ກັບບັນດາກະຊວງ ແລະ ອົງການລັດຖະບານ, ຜູ້ວາງນະໂຍບາຍ, ຜູ້ປະກອບການຂະແໜງການໄອຊີທີ ແລະ ສະຕາດອັບຕ່າງໆໄດ້ມາພົບປະກັນຜ່ານງານວາງສະແດງ ແລະ ກອງປະຊຸມໃນຄັ້ງນີ້. ພ້ອມນັ້ນ, ຍັງເປັນເວທີໃນການສ້າງໂອກາດອັນດີໃນການຮ່ວມມື, ການລົງທຶນຮ່ວມກັນ ແລະ ແລກປ່ຽນບົດຮຽນລະຫວ່າງພາກພຶ້ນ ແລະ ສາກົນ. ໃນງານວາງສະແດງແມ່ນ ໄດ້ມີຫຼາຍກວ່າ 250 ບູດວາງສະແດງ ທີ່ມາຈາກພາກລັດຖະບານ ແລະ ເອກະຊົນຈາກທົ່ວໂລກ ໂດຍສະເພາະຈາກບັນດາປະເທດໃນອາຊຽນ.

ໃນໂອກາດດັ່ງກ່າວ, ທ່ານ ບຸນສະເຫລີມໄຊ ເຄນນາວົງ ຮອງລັດຖະມົນຕີ ກະຊວງ ປທສ ພ້ອມດ້ວຍຄະນະ ໄດ້ເຂົ້າຮ່ວມ ກອງປະຊຸມສຸດຍອດຜູ້ນຳຂະແໜງ ICT, ກອງປະຊຸມໂຕະມົນຄະນະລັດຖະມົນຕີ ICT, ກອງປະຊຸມແລກປ່ຽນບົດຮຽນການພັດທະນາດ້ານ ICT ລະຫວ່າງຂົງເຂດອາຊີ-ປາຊີຟິກ ແລະເຂົ້າຮ່ວມປະຊຸມສອງຝ່າຍກັບ ທ່ານ Brahima Sanou, ຫົວໜ້າ ຫ້ອງການ ພັດທະນາໂທລະຄົມ ຂອງ ITU. ໃນກອງປະຊຸມແມ່ນໄດ້ສຸມໃສ່ວິທີການໃນການຮ່ວມມືກັບລັດຖະບານໃນການພັດທະນາເສດຖະກິດດິຈິຕອນ (Digital Economy), ການແລກປ່ຽນບົດຮຽນວິທີການຄຸ້ມຄອງ ແລະ ດັດສົມ, ແຜນການຂອງບັນດາປະເທດໃນຂົງເຂດອາຊີ-ປາຊີຟິກ ໃນການວາງລະບຽບການ, ນະໂຍບາຍອິນເຕີເນັດຄວາມໄວສູງ ແລະສິ່ງທີ່ທ້າທາຍຕ່າງໆ, ເປັນຕົ້ນແມ່ນການສ້າງຄວາມອາດສາມາດໃຫ້ບຸກຄະລາກອນດ້ານວຽກງານຄຸ້ມຄອງຄື້ນຄວາມຖີ່, ຄຸນນະພາບ, ມາດຕະຖານ ແລະວຽກງານເຕັກໂນໂລຊີເສດຖະກິດດີຈີຕອນ.

ພ້ອມດຽວກັນນີ້, ທ່ານ ບຸນສະເຫລີມໄຊ ເຄນນາວົງ ຮອງລັດຖະມົນຕີ ກະຊວງ ປທສ ພ້ອມດ້ວຍຄະນະກໍ່ໄດ້ເຂົ້າຊົມງານວາງສະແດງ ແລະ ໄດ້ລົງຢ້ຽມບັນດາຮ້ານວາງສະແດງຂອງບັນດາ ບໍລິສັດ ຜູ້ໃຫ້ບໍລິການດ້ານ ICT ແຖວໜ້າ ຂອງໂລກ ເປັນຕົ້ນແມ່ນບໍລິສັດ ຫົວເວີຍ, CAT, TOT ແລະ ອື່ນໆ. ນອກນັ້ນ, ຍັງໄດ້ປຶກສາຫາລື ແນວທາງໃນການຮ່ວມມືເພື່ອພັດທະນາບຸກຄະລາກອນ ແລະ ເຕັກໂນໂລຊີອິນເຕີເນັດຄວາມໄວສູງຂອງ ສປປ ລາວ. ການເຂົ້າຮ່ວມງານວາງສະແດງ ແລະ ກອງປະຊຸມຄັ້ງນີ້ ແມ່ນເປັນໂອກາດອັນດີ ຂອງ ສປປ ລາວ ກໍ່ຄື ກະຊວງ ປທສ ເພື່ອຮຽນຮູ້ບັນດາເຕັກໂນໂລຊີໃໝ່ດ້ານ ICT ຂອງພາກພື້ນ ແລະ ສາກົນ, ອີກທັງເປັນກາລະໂອກາດທີ່ດີ ໃນການປືກສາຫາລືການຮ່ວມມື ໃນການພັດທະນາດ້ານ ICT ຂອງລາວ, ສົ່ງເສີມໃຫ້ຕ່າງປະເທດເຂົ້າມາລົງທຶນ ແລະ ພັດທະນາດ້ານ ICT ຢູ່ລາວ ໃນອະນາຄົດ.